Ruuth 4:13 - JAM DE NHIALIC 2011

¹³ Go Bowadh Ruuth nööm tɔ ye tiiŋde. Go Bɛ̈nydït Ruuth thieei, go meth yök, ku dhiëëth mɛwä.

Ruuth 4:13 Iomraidhean Croise

Cäk 20:17

Ago Abraɣam Nhialic lɔ̈ŋ, go Nhialic Abimelek tɔ piɔl guöp kekë tiiŋde, ku diäär lïïmke, gokï mïth dhiëëth.

Cäk 25:21

Yithaak acï Bɛ̈nydït lɔ̈ŋ në biäk ë Rebeka, në luɔi ë cïn en nɔm mïth. Ago Bɛ̈nydït lɔ̈ŋde piŋ. Go Rebeka liac.

Cäk 29:31

Na ɣɔn, alɔ Bɛ̈nydït Liya tïŋ ke cï maan guöp, ke tɔ dhiëth mïth, ku tɔ Racel rol.

Cäk 30:2

Go Jakop Racel ŋɛ̈ny, ku lëk en an, “Ee yɛn ee Nhialic, raan ë pën yïn dhiëth?”

Cäk 33:5

Na wën, ke Ethau ë liec yekɔ̈u, go diäär tïŋ, ku tïŋ mïth. Go Jakop luɔp an “Ku ee yï ŋa ee kɔc cath në yïnë?” Go Jakop lɛ̈k en an, “Kakë bɛ̈ny, ee mïth wään cï Nhialic ya dhuëëŋ guöp, ku gëm ke yɛn.”

Diɛt 113:9

Ee tiiŋ cïn nɔm meth gäm riëëu paande, ku tɔ mit piɔ̈u në luɔi yen en gäm mïth. Lɛckï Bɛ̈nydït!

Diɛt 127:3

Mïth ayek miɔ̈c tëde Bɛ̈nydït ayek athiɛɛi yic.

Ruuth 3:11

Ku ënɔɔnë, du be diɛɛr, këriëëc ëbɛ̈n abä kiëët. Kɔckuɔ kedhie, aŋickï nɔn yïn tiiŋ piɛth.

Ruuth 4:12

Ku Bɛ̈nydït abï Ruuth tɔ dhiëth yï mïth, cït man wään dhiëth ë Tamar Juda wëndɛn Peredh.”

1 Tham 1:27

Aa läŋ ë këde mɛnhë, go Bɛ̈nydït ye gäm ɛn.

1 Tham 2:5

Ku kɔc wään cï keek ŋiëc muk apiɛth, ënɔɔnë acïk röt riap bïk lui, ago keek riɔp në kë bïk cam, ku kɔc wään ye cɔk keek nɔ̈k acïk kuɛth. Tiiŋ cïn nɔm meth acï mïth kadhorou dhiëëth, ku man mïth juëc, acïn töŋ cï döŋ ke yen.