Ruuth 3:13 - JAM DE NHIALIC 2011

¹³ Ka yïn jɔ niin. Të cïï piny ruu alë, abä lɔ luɔp na bï gam në luɔi bï en yï muk. Na cï gam në luɔi bï en yï muk, ka apiɛth arëët. Na cï jaai, ke yɛn ë kuëëŋ ë Bɛ̈nydït, yïn bä muk. Ka yïn nïn, piny ë bï kɔn ruu.’

Ruuth 3:13 Iomraidhean Croise

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

2 Kor 1:23

Ku yɛn cɔl Nhialic bï aa cäätɔdï në këde yɛnpiɔ̈u an, Päl päl ɛn week en a ŋuɔɔt ɛn ke ya kën bɛ̈n Korinth.

Ɣeberuu 6:16

Të kɔɔr raan bï kuëëŋ, ee kuëëŋ në rin ke raan dïït wär en në dït, ku gutguut yen aye teer jɔ kɔ̈ɔ̈c.

Bäny 8:19

Go Gidiɔn bɛ̈ɛ̈r an: “Kɔckë ayek mïthëkɔckï, mïth ke maar guöp. Yɛn cï kuëëŋ në rin ke Bɛ̈nydït, na ë ke kɛ̈nkï keek nɔ̈k ke wek cä duëër nɔ̈k.”

Ruuth 2:20

Go Nawomi lɛ̈k tiiŋ ë wënde an, “Bɛ̈nydït abï Bowadh thieei. Bɛ̈nydït ee piɔ̈u kok ë cieŋ kekë kɔc pïr, ayï kɔc cï thou.” Ku be Nawomi lɛ̈k Ruuth an, “Raan dɛɛi yïn tïŋë, ee raan raan ke wook arëët, ee raan töŋ de kɔc duëër wo muk.”

Ruuth 3:12

Ee yic, yɛn ee wën baaiduön rɔ̈ŋ bä yï muk. Ka kë nu, yïn de nɔm wën baaiduön thiääk ke yïn aläl awär ɛn.

Ruuth 4:5

Go Bowadh lueel an, “Apiɛth arëët, na bä piny dɔ̈k kɔ̈u ke yï nöm Ruuth ayadäŋ, nyan ë Mowap tiiŋ abaar. Ke piny ë bï ŋoot ke ye këde ɣön baai Elimelek.”

Ruuth 4:6

Go puk nɔm an, “Na ye täude ka, ke piny acä bï bɛ dɔ̈k kɔ̈u, na ee piny cïï mïthkï bï lɔ̈ɔ̈k lak. Däk këdu kɔ̈u yïn.”