Ruuth 2:14 - JAM DE NHIALIC 2011

¹⁴ Na wën, aacï thaar ë cäm bɛ̈n, ke lëk ë Bowadh Ruuth an, “Bä nöm kuïn cï pam kï, ku juɔɔlë në cuei yiic, ku cam.” Go Ruuth bɛ̈n, ku nyuuc ke kɔc lui. Go Bowadh en gäm kooi. Go cam abï kuɛth, ku both këcam biäk.

Ruuth 2:14 Iomraidhean Croise

2 Tham 17:28

Keek acïk ageen bɛ̈ɛ̈i, ku aduuk, ku töny ke tiɔp, ku agamɔ, ku barli, ku kuïn, ku rap cï nyiiny, ku akuem, ku tɔɔŋ piny,

Diɛt 23:5

Yïn ee këcamdï kiëët në kɔc nïïm, kɔc de ater në yɛn, ku yïn ë ya tɔc nɔm në miök, ku abïnydï ë thiäŋ ka ee nɔm wɛt wei.

Yith 32:8

Ku raan piɛth ee luui apiɛth ku kɔ̈ɔ̈c aril në yicic.

Yith 58:7

Yak kacamkï rɔm në kɔc nɛ̈k cɔk, yak ɣöötkun liep thook kɔc cïn bɛ̈i, kɔc kuanynyïïn. Yak kɔc cïn lupɔɔ miɔɔc në lupɔɔ, ku duökï kɔc raan ë week ee pɛ̈n kuɔɔny.

Math 14:20

Gokï cam kedhie, abïk kuɛth. Ku kuanykï ka lɔ thueithuei, ka cï kɔc both, agokï diööny thiɔ̈ɔ̈ŋ kathiëër ku rou.

Nyöŋ 11:15

ku wal ke ɣɔ̈k, wek bï nïïm de kacaam kaarkï.

Nyöŋ 8:10

Wek bï nïïm dɛ këcam dït, ka wek bïï Bɛ̈nydït Nhialicdun thieei në biäk de piny ee ŋiëc luɔk, piny cï gäm week.

Ruuth 2:13

Go Ruuth lɛ̈k en an, “Yïn ë ya dhuëëŋ guöp arëët bɛ̈ny. Yïn ë ya riit piɔ̈u në jam piɛɛthduön cï lɛ̈k ɛn, na cakaa nɔn cän ee raan töŋ de kɔc luui yïn.”

Ruuth 2:15

Na wën, aa jɔt Ruuth rɔt le luui, ke lëk ë Bowadh kɔcke an, “Yak tɔ kuëny ayï jöŋ kɔ̈ɔ̈th. Duökï ee cop.

Ruuth 2:18

Go ke jɔt, leer ke baai të nu mamɔɔcde, le nyuöth rɛɛp cï yök.

1 Tham 17:17

Na ɣɔn ë kööl tök, ke lëk ë Jethe Debid an, “Nöm löth athiäŋ në rɛɛp cï geet yiic, ku nöm kuïn cï pam kathiëër, ku kɔt yiɛ̈në ke mïthëkɔckun nu tɔŋ.

1 Tham 25:18

Ago Abigail rɔt dap jɔt, ku looi kuïn dït agök, ku töny ke mäu kaarou, ku amɛ̈l cï nyop kadhïc, ku apeet kaarou de rɛɛp cï guöör, ku kuïïn de anyuɔl, ku mɔ̈n de enap cï dhiim, ku tɛ̈ɛ̈u keek ë mul kɔ̈ɔ̈th.