Ruuth 2:12 - JAM DE NHIALIC 2011

¹² Bɛ̈nydït abï yï cuööt në kë piɛɛthduön cï looi. Bɛ̈nydït, Nhialic de Yithriɛl, raan cïï yïn bɛ̈n tëde Yen bï yï bɛ̈n gël, abï yï puɔ̈k nɔm këriëëcduön piɛɛth cï looi ëbɛ̈n!”

Ruuth 2:12 Iomraidhean Croise

Diɛt 17:8

Gël ɛn Bɛ̈nydït cït man ye raan yenyin gël, thian ɛn në atïm de Yïn wuök,

Diɛt 19:11

Ayek ɛn tɔ ŋic käŋ, yɛn awundu, yɛn ye thieei në biäk cän keek döt.

Diɛt 36:7

Nhialic, nhiëërduön agɔk apiɛth arëët! Yïn ee mïth ke kɔc gël në atïm de yïn wuök.

Diɛt 57:1

Nhialic kokëpiɔ̈u në yɛn, kokëpiɔ̈u në yɛn, në luöi ee yɛn luääk kɔɔr tëde Yïn, ee riɛldu yen ee ya gël, agut të le amaŋ de riääk wan.

Diɛt 58:11

Abïï kɔc aa lueel an, “Ee yic ade athiɛɛi tëde kɔc piɛthpiɔ̈ɔ̈th, ee yic ade Nhialic nu Nhialic ee pinynɔm luöi këtuc.”

Diɛt 61:4

Tɔ ye rɛ̈ɛ̈r ɣöndu në akööl ke pïïrdï yiic kedhie, tɔ ya yök luääk në yï wuök.

Diɛt 63:7

në luɔi Yïn konydï. Në atïm de wuökdu yic, yɛn ee diɛt ke miɛtëpiɔ̈u ket.

Diɛt 91:4

Abï yï kum ë Yewuök, ku abï yï muk në Yeciin, piathëpiɔ̈nde ee köt ku abï yïn kony.

Kɛ̈ŋ 11:18

Acïn kë ye raan ee karɛc looi yök në luɔide yic, ku kɔc ee piathëpiɔ̈u com kek ade ariöp yic.

Kɛ̈ŋ 23:18

ke aŋäthduön bï bɛ̈n wadäŋ cï bï teem kɔ̈u.

Jeremia 31:16

Mim thok du dhiau, ku wec pïïu ke yïnyin. Kë cï luöi mïthku ëbɛ̈n acï bï wan ke kënë cool, abïk kenïïm puk piny de kɔc ke ater.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Math 5:12

Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Math 6:1

“Yak röt tiit, duökï luɔiduön piɛth ë looi ë kɔc nïïm, ke bï tïŋ, na luɔikï wäklë, ke we cïn nïïm ariöpdun tëde wuöörduön nu paannhial.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Kolothai 2:18

Duökï röt tɔ pënë raan ariöpduön bäk yök, në kuur ee yen rɔt kuɔɔr piny ku läm ee yen tuucnhial lam, raan ë pëk ë ke cï yök ë nyuöthic, ee rɔt tɔ dït ë ɣɔ̈ric, në piɔ̈ndɛn cï tuöm ka ke piny,

2Tim 1:18

(Ë Bɛ̈nydït gam lɔ̈ŋdï në biäkde, ke bï kokdepiɔ̈u yök tëde Bɛ̈nydït ee köölë), ku kajuëc cï luöi ɛn ë Epetho, aŋic keek apiɛth.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Ɣeberuu 11:26

Aa ŋic ë Mothe an wëu juëc kuöt nïïm paan ë Rip, acïkï piath de ka buk yök në guöm gum wok në kɔc ke Nhialic ëtök bï wöör, në biäk de Kërtho, aa ŋäth ariöp ŋuän nu tëde Nhialic.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Ruuth 1:16

Go Ruuth lɛ̈k Nawomi an, “Du ɛn ŋɛ̈k puŋ ë nɔm ë në, yɛn lɔ wo yïn alɔ të leer yïn thïn. Të bï yïn aa rëër, yen abän lɔ rëër. Kɔcku kek abï ya kɔckï, ku Nhialicdu yen abï ya Nhialicdï.

Ruuth 2:11

Go Bowadh lɛ̈k en an, “Këriëëc piɛɛth cï luöi mamɔɔcdu ëbɛ̈n, wään cïï monydu thou, acä ke piŋ kedhie. Luɔi cïn wuur nyääŋ piny ke moor, ku nyääŋë paandun piny, ku bä bɛ̈n rëër we jur kɛ̈në kɔn tïŋ anandu.

Ruuth 2:13

Go Ruuth lɛ̈k en an, “Yïn ë ya dhuëëŋ guöp arëët bɛ̈ny. Yïn ë ya riit piɔ̈u në jam piɛɛthduön cï lɛ̈k ɛn, na cakaa nɔn cän ee raan töŋ de kɔc luui yïn.”

Ruuth 4:15

Abï pïïrdu bɛ kiɛm piny, ku lɔ̈ɔ̈ŋ yïn në dhiɔɔpdu yic. Tiiŋ ë wëndu anhiaar yïn, acï yï luöi kë wär kë duëër ë wɛ̈ɛ̈tku kadhorou looi, në biäk cï yen yï dhiëth wën ë wëndu.”

1 Tham 24:19

Të cïï raan, raan dek kek ater yök, duëër pɔ̈l ke cïï lui kërac? Bɛ̈nydït abï yï thieei apiɛth në biäk de këpiɛth cï luöi yɛn ee köölë.

1 Tham 24:20

Aŋiɛc nɔn bï yïn aa melik, ku bääny de Yithriɛl abï tɔ̈u në yïciin.