Ruuth 2:11 - JAM DE NHIALIC 2011

¹¹ Go Bowadh lɛ̈k en an, “Këriëëc piɛɛth cï luöi mamɔɔcdu ëbɛ̈n, wään cïï monydu thou, acä ke piŋ kedhie. Luɔi cïn wuur nyääŋ piny ke moor, ku nyääŋë paandun piny, ku bä bɛ̈n rëër we jur kɛ̈në kɔn tïŋ anandu.

Ruuth 2:11 Iomraidhean Croise

2 Tham 21:11

Na wën aa lɔ Debid kë cïï Ridhpa nyan de Ayia, tiiŋ mɔ̈th de Thaulo looi piŋ,

Diɛt 45:10

Piɛŋkï kë luɛɛl wek duet, määrkï nïïm në kɔckun ayï kɔc baai de wuur.

Luk 14:33

Yen acït week aya, raan ëbɛ̈n ë weyiic raan cïï kake päl kedhie, ka cïï duëër a raandiën ë piööcë.”

Luk 5:11

Na wën, aa cïk abëëlken thɛl biic, ke ke jɔ käŋ nyääŋ piny kedhie, ku jɔkï kuany cök.

Luk 5:23

Ee kënou piɔl ë keek, të luɛɛl ɛn en an, ‘Karɛcku acï ke päl yïn,’ ku të luɛɛl ɛn en an, ‘Jɔt rɔt, ku cathë?”

Ruuth 1:11

Go Nawomi lɛ̈k keek an, “Puɔ̈kkï wenïïm mïthkï. Eeŋöduön bäk lɔ kɔɔr në yɛn? Acïn wɛ̈ɛ̈tkiën kɔ̈k bï we lɔ nööm, ku yɛn cïï duëër bɛ dhiëth.

Ruuth 2:10

Go Ruuth e nɔm guöt piny në Bowadh nɔm abïï piny jak në yenɔm, ku lop an, “Eeŋöduön nuɛɛn yïn rɔt në yɛn, ku yɛn ee raan lei?”

Ruuth 2:12

Bɛ̈nydït abï yï cuööt në kë piɛɛthduön cï looi. Bɛ̈nydït, Nhialic de Yithriɛl, raan cïï yïn bɛ̈n tëde Yen bï yï bɛ̈n gël, abï yï puɔ̈k nɔm këriëëcduön piɛɛth cï looi ëbɛ̈n!”

Ruuth 3:10

Go Bowadh lɛ̈k en an, “Yïn bï Bɛ̈nydït thieei meth, yïn ë dhiëndu dhuëëŋ guöp arëët, awär dhuɛ̈ŋ wään cïn mamɔɔcdu kɔn dhuëëŋ guöp. Yïn ee tiiŋ piɛth, tɛk däŋ adï cï rɔt kɔ̈ɔ̈r wën dhuk, nɔn kueeth, ku nɔn kuɛny nyin. Ku ee kënë akɛ̈në looi.

Ruuth 4:15

Abï pïïrdu bɛ kiɛm piny, ku lɔ̈ɔ̈ŋ yïn në dhiɔɔpdu yic. Tiiŋ ë wëndu anhiaar yïn, acï yï luöi kë wär kë duëër ë wɛ̈ɛ̈tku kadhorou looi, në biäk cï yen yï dhiëth wën ë wëndu.”