Ruuth 1:8 - JAM DE NHIALIC 2011

⁸ Na wën, aa cïk lɔ kueer, ke lëk ë Nawomi diäär ke wɛ̈ɛ̈tke an, “Puɔ̈kkï wenïïm märkun, Bɛ̈nydït abï we looi apiɛth, cït man cä wek ɛn ŋiëc looi apiɛth wokë wɛ̈ɛ̈tkiën cï jɔ thou.

Ruuth 1:8 Iomraidhean Croise

2 Tham 2:6

Ku Bɛ̈nydït abï we kony ku abï we nyuöth nhiëër agɔk kekë piɔ̈n adöt! Ku wek bä luööi apiɛth aya në biäk de kë cäk looi.

Epethiei 5:22

Wek diäär, yak tɔ̈u ë röörkun cök, röörkun gup, acït man täu wek ë Bɛ̈nydït cök.

Kolothai 3:18

Wek diäär, yak tɔ̈u ë röörkun cök, cït man röŋ en ë Bɛ̈nydïtic.

Kolothai 3:24

Në ŋïny ŋiɛc wek cöökë an, ee tëde Bɛ̈nydït, yen bä wek käŋ lɔ̈ɔ̈k lak ka bï aa ariöpdun, ee Bɛ̈nydït Kërtho yen aluööikï.

Ruuth 1:5

ke Maɣlon ë thou ayadäŋ kekë Kilion. Go Nawomi jɔ döŋ yetök ke cïn moc, ku cïn wɛ̈ɛ̈tke.

Ruuth 1:7

Gokï jäl ke ke puk kenïïm Juda.

Ruuth 1:9

Bɛ̈nydït abï we lɔ gäm röör thiak week, ka wek bï nïïm dɛ bɛ̈ikun.” Na wën, aciim ë Nawomi kethook, ku put ke kueer, ke ke dhiau arëët në röldït.

Ruuth 2:20

Go Nawomi lɛ̈k tiiŋ ë wënde an, “Bɛ̈nydït abï Bowadh thieei. Bɛ̈nydït ee piɔ̈u kok ë cieŋ kekë kɔc pïr, ayï kɔc cï thou.” Ku be Nawomi lɛ̈k Ruuth an, “Raan dɛɛi yïn tïŋë, ee raan raan ke wook arëët, ee raan töŋ de kɔc duëër wo muk.”

Ruuth 3:10

Go Bowadh lɛ̈k en an, “Yïn bï Bɛ̈nydït thieei meth, yïn ë dhiëndu dhuëëŋ guöp arëët, awär dhuɛ̈ŋ wään cïn mamɔɔcdu kɔn dhuëëŋ guöp. Yïn ee tiiŋ piɛth, tɛk däŋ adï cï rɔt kɔ̈ɔ̈r wën dhuk, nɔn kueeth, ku nɔn kuɛny nyin. Ku ee kënë akɛ̈në looi.