Ruuth 1:20 - JAM DE NHIALIC 2011

²⁰ Go Nawomi lɛ̈k keek an, “Duökï ya ee bɛ cɔɔl an Nawomi, yak ɛn cɔɔl an Mara, në luɔi cïï Nhialic Awärjäŋ pïïrdï raac.

Ruuth 1:20 Iomraidhean Croise

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 43:14

Ku Nhialic Awärjäŋ, abï bɛ̈ny de Rip tɔ kok piɔ̈u ke week. Ku gëm week mänhëdun kekë Benjamin. Na cï gɔ̈ɔ̈r nɔn bï mïthkï määr, ke ke mär!”

Jop 11:7

Duɛ̈ɛ̈rë dït de pɛlënɔm ë Nhialic cuööp? Ku eeŋa ŋic të le riɛl de Nhialic Awärjäŋ guut?

Jop 19:6

ku ee Nhialic, Yen aa tɛ̈ɛ̈u ɛn në ee nuanë yic, ku rek ɛn në wïndɛn ë dɛ̈pic.

Jop 5:17

Yeka, athiɛɛi ee këde raan cïï Nhialic looi nɔm, në biäk ee kënë du ee jaai të ye Nhialic Awärjäŋ yï rïc.

Jop 6:4

Nhialic ë tɔŋdɛn cï kiëët wël nɔm ɛn. Nhialic Awärjäŋ acï a juaany guöp në wiɛth cïï wurïïden thiëi në yaguöp ëbɛ̈n (Wiɛth ke Awärjäŋ de thook wurïï acïk a juaany guöp, ka cïk thiëi në ya guöp ëbɛ̈n, Nhialic ë tɔŋdɛn cï kiëët wɛ̈l nɔm ɛn.)

Jop 9:18

Acakaa kaam thiin ë wëi acie päl ɛn, ka pïïrdï kën kɛc?

Diɛt 73:14

Nhialic Yïn cï yɛn tɔ nuan të bääric, të ruu ë piny aköölnyïïn, ke Yï dui yɛn.

Diɛt 88:15

Të wään ye yɛn meth, yɛn cï nuan abä thiääk wokë thuɔɔu, yɛn cï piɔ̈u jiɛth wokë dui ee Yïn ya dui.

Bɛ̈n 15:23

Na wën, ke ke ɣet të cɔl Mara. Ku pïïu ke ëtɛ̈ɛ̈n akeckï, gokï kɛ̈n bɛ̈n dek thïn. Yen kë ë ciëk ëtɛ̈ɛ̈n ka an Mara (an akec).

Bɛ̈n 6:3

Yɛn aye Nhialic Awärjäŋ. Yɛn acï tuöl ɣɔn tëde Abraɣam, ku Yithaak, ku Jakop. Ku akɛ̈n ke bɛ̈n nyuöth rinkiën ɣeriicë, rin ke Bɛ̈nydït.

Yith 38:13

Wakɔ̈u ëbɛ̈n yɛn ee dhiau në arɛɛm, acït kë de köör dhuuŋ yomkï. Aa cät nɔn tɔ Nhialic pïïrdï thök

Ɣeberuu 12:11

Të cïï wo dui në ee kaam thiin manë guöp, wok ee piɔ̈ɔ̈th jiɛth në arɛɛm, ku na miäk ke kɔc ë cï piɔ̈ɔ̈th kɔn jiɛth në dui ë Bɛ̈nydït, ayek luɔk në mïth ke piathëpiɔ̈u ku mät në kë ë wëët ë keek.

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 21:22

Ku acïn luaŋdïït cä tïŋ thïn: Bɛ̈nydït Nhialic Awärjäŋ, kekë Nyɔŋamääl, kek aye luaŋdït.