Ruuth 1:16 - JAM DE NHIALIC 2011

¹⁶ Go Ruuth lɛ̈k Nawomi an, “Du ɛn ŋɛ̈k puŋ ë nɔm ë në, yɛn lɔ wo yïn alɔ të leer yïn thïn. Të bï yïn aa rëër, yen abän lɔ rëër. Kɔcku kek abï ya kɔckï, ku Nhialicdu yen abï ya Nhialicdï.

Ruuth 1:16 Iomraidhean Croise

2 Tham 15:21

Go Yitai lɛ̈k melik an, “Bɛ̈ny, yɛn cï kuëëŋ në rin ke Bɛ̈nydït an yɛn bï lɔ wokë yïn, të le yen thïn ëbɛ̈n, acakaa yɛn ë thou.”

Diɛt 45:10

Piɛŋkï kë luɛɛl wek duet, määrkï nïïm në kɔckun ayï kɔc baai de wuur.

Kɛ̈ŋ 17:17

Määth ee tɔ̈u anande, ku dhiënh nhiaar rɔt ee tïc në kööl ë agɔ̈th.

Yith 14:1

Bɛ̈nydït abï piɔ̈u bɛ kok kekë Yithriɛl kɔcke, ku lɔc keek ke ke ye kɔc ke naamde. Abïï keek bɛ tɔ rɛ̈ɛ̈r pinyden, ku alɛi abïk bɛ̈n ku rëërkï në keek ëtɛ̈ɛ̈n.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Danyel 3:29

“Ku ënɔɔnë aluɛɛl an, na lɔ kɔc ë wuöt ëbɛ̈n ayï juöör ëbɛ̈n, ku thook ëbɛ̈n Nhialic de Cadrak, ku Mecak, ku Abenego, lɔ kuöc jääm, raanë abïï nɔ̈k, ku ɣönde abïï tɔ ee dhuur nɔm. Acïn yanh duëër luäk ë luääk cït ee kënë.”

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Math 8:19

Na wën, ke raan tök bɔ̈, raan ë löŋ gɔ̈ɔ̈r, bï ku yöök an, “Bɛ̈ny ë wëët, yïn bä kuany cök, të de yen të le yïn thïn.”

Jɔn 13:37

Go Petero lueel an, “Bɛ̈nydït, eeŋö cän yï duëër kuany cök ënɔɔnë? Yɛn bï wëikï gaam ë biäkdu!”

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

Jocua 24:18

Bɛ̈nydït ë kɔc ke Amor bɛ̈n cuɔp wei në wonïïm tueŋ, të ɣɔn bïï En wook ee pinyë. Ka yen, ee Bɛ̈nydït Yen abuk aa luööi, në luɔi Yen Nhialicda.

Nyuuth 14:4

Kɔckë ee kɔc kën kegup tɔ rac në diäär: ayek kɔc kën kɔn lɔ ë diäär: Kɔckë ee kɔc ë Nyɔŋamääl kuany cök, të de en të le yen thïn. Kɔckë aake wëërë bei ë kɔc yiic, bïk aa kɔc cïï piny kɔn luɔk ë ke në këde Nhialic ku në këde Nyɔŋmääl.

Ruuth 1:15

Go Nawomi lɛ̈k Ruuth an, “Kɛ̈në tiiŋ mɔɔcdu tïŋ luɔi dhuny en enɔm kɔcken, ku yiëthken? Jäl we yen ëtök.”

Ruuth 1:17

Ku të bï yïn thou, yen abän thou ayadäŋ, ku ee yen thiëkë ya thïn. Yɛn läŋ Bɛ̈nydït, bï ya luöi kërac të lan yïn nyääŋ piny, ke cie thuɔɔu yen pɛ̈ɛ̈k wook!”

Ruuth 2:6

Go puk nɔm an, “Ee nyan ë Mowap wään bɔ̈ ke Nawomi.

Ruuth 4:15

Abï pïïrdu bɛ kiɛm piny, ku lɔ̈ɔ̈ŋ yïn në dhiɔɔpdu yic. Tiiŋ ë wëndu anhiaar yïn, acï yï luöi kë wär kë duëër ë wɛ̈ɛ̈tku kadhorou looi, në biäk cï yen yï dhiëth wën ë wëndu.”