Pile 1:1 - JAM DE NHIALIC 2011

¹ Yɛn Paulo, raan cï mac ë këde Yecu Kërtho, wokë Timotheo mɛnhkënëda. Awerek en gɛ̈ɛ̈rku yïn Pilemon raan nhiaarku, ku ye raan ee luui ke wook ëtök,

Pile 1:1 Iomraidhean Croise

Luɔi 16:1

Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

1 Kor 3:9

Wok ee kɔc ë luui në Nhialic ëtök: wek ee dom ë Nhialic. Ku yak alooc de Nhialic.

2 Kor 1:1

Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda. Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:

Galatai 3:26

Wek ee wɛ̈ɛ̈t ke Nhialic wedhie në gäm cä wek Kërtho Yecu gam.

Epethiei 3:1

Yen aye yɛn raan ë Yecu Kërtho raan cï mac në biäkdun week wek Juöör, läŋkï Nhialic.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Epethiei 6:20

Ku luɔi aa yɛn tuny guiir keek, en a mac ɛn ë joth: yak jɔ lɔ̈ŋ, ke ya bï jam ë jam bän dhil jam, ke ya cïï riɔ̈c.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

Pilipoi 2:25

Acä lueel tei an, bä Epaprodito dhil tuöc week, ee mɛnhkäi, raan luui wok ëtök, ku yok biök ëtök, ku ye tunydun, raan cï a kony në ka cï a dak.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Kolothai 1:1

Yɛn Paulo, tuny de Yecu Kërtho në këde piɔ̈n ë Nhialic, wokë Timotheo mɛnhkënëda.

Kolothai 4:11

Ku Yecu, raan cɔl Juthutho aya, kekë kɔc nu ë aŋueel yiic, kɔckë kapäc ayek kɔc luui wok ëtök në këde ciɛɛŋ de Nhialic, kɔc cï a muk piɔ̈u.

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,

2 Theth 1:1

Yɛn Paulo, wokë Thiluano, ku Timotheo: Awerek en gɛ̈ɛ̈rku ɣön ë Nhialic de Thethalonikei nu ë Nhialic wäädayic ku Bɛ̈nydït Yecu Kërtho:

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

Pile 1:23

Yïn thiëëc Epapara, raan mac wok ëtök në biäk de Kërtho Yecu,

Pile 1:24

ku Mak aya, ku Aritharko, ku Demath, ku Luk, kɔc ë luui wok ëtök.

Pile 1:9

Ku në biäk de nhiëër nhiaar ɛn yïn, yïn läŋ tei, yɛn raan cɔl Paulo mony cï dhiɔp, ku ye raan mac ënɔɔnë aya në baŋ de Yecu Kërtho.