Nyuuth 9:20 - JAM DE NHIALIC 2011

²⁰ Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath:

Nyuuth 9:20 Iomraidhean Croise

2 Mel 22:17

Acïk A rɛɛc ku gëmkï miɔ̈c de wal ŋïr yiëth kɔ̈k, kënë acï agönhdï jat nhial në biäk de këriëëc cïk looi ëbɛ̈n në kecin. Në biäk de ee kënë agönhdï abï dëp ee tënë, ku acïï bï liu.

2 Lëk 28:22

Na wën aa cï awɛ̈ɛ̈c ke melik Aɣadh juëc, go Bɛ̈nydït luöi kërɛɛc kënë kɔn looi anande.

2 Lëk 34:25

Acïk ya rɛɛc ku acïk miɔ̈c de wal ŋïr gäm yiëth kɔ̈k, ka cïk agönhdï jat nhial në ka cïk looi ëbɛ̈n. Agönhdï acä wɛ̈l nɔm Jeruthalem, ku acïï bï thök.

Diɛt 106:37

Ayek wɛ̈ɛ̈tken ku duetken gam ke ee miɔ̈c de yiëth ke Kanaan.

Yith 2:8

Ku pinyden athiäŋ ke yiëth ye lam, ku ayek kak ë cuëckï në cinken lam.

Yith 41:7

Go raan atën ee guaŋ lɛ̈k thɛ̈th an, ‘Acï ŋiëc looi!’ Ago raan wën ee yath deŋ abïï lip raan wën ee ye piäät në muthmɛɛr riit piɔ̈u. Ayek lueel an, ‘Acï looi apiɛth,’ ku jɔkï yath dɛɛr në yekɔ̈u ke piëëtkï në muthmɛɛr.

Jeremia 1:16

Yɛn bï kɔckï luöi këtuc në biäk cï kek awäc looi, acïk A nyääŋ piny, ku lek yiëth kɔ̈k gäm miɔ̈c de wal ŋïr, ku loikï yiëth ku lamkï keek.

Jeremia 25:6

Acïk we yɔ̈ɔ̈k nɔn cä wek yiëth kɔ̈k bï lam ku luööikï keek, ku duökï Bɛ̈nydït bï tɔ göth në läm de yiëth cäk looi. Na ë we cï Bɛ̈nydït riëëu, adï kën we luöi këtuc.

Jeremia 44:8

Eeŋö ya wek Yɛn tɔ göth, në läm ya wek yiëth lam, ku yak yiëth kɔ̈k nyuöp wal ŋïr ë Rip eenë, të cä wek bɛ̈n ceŋ thïn? Ë we loi ee kënë ke we bï we röt riɔ̈ɔ̈k, ago juöör ke piny nɔm ëbɛ̈n, week aa luööi në abiaan, ku yek rinkun tɔ ee kë de aciɛɛn?

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Jeremia 51:17

Ku në ee kakë yiic, kɔc ayek röt yök ke ke ye dhän ku cïnkï naamden, kɔc ee yiëth looi acïk määr, në biäk ye yiëthkɛn yek looi lueth ku cïnkï yiic wëi.

Danyel 5:23

Yïn cï kërac luöi Bɛ̈nydït de paannhial abä cuöp ku aduuk ë nöm keek ë Luaŋdït yic bɛ̈ɛ̈i. Ku dek mɔ̈u ë ke yiic, yïn wekë adhuëëŋku, ku diëërku, ku diëër määthku, ku jakï yiëth lɛc nïïm, yiëth ë loi, në adhääp, ku ateek, ku maläŋ ku wëëth, ku tiim ku kuur, yiëth cïï duëër daai ku cïkï pïŋ, yiëth cïn kë ŋickï taitai. Ku yïn kën Nhialic riëëu, Nhialic ŋic luöi duëër yïn pïïr ku nɔn bä thou, ku yen amuk këriëëc ye looi ëbɛ̈n.

Danyel 5:4

ku piɔnykï yiëth ë loi në adhääp, ku ateek, ku maläŋ, ku wëëth, ku tim, ku kuur.

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Maika 5:13

Yiëthkuön cäk guɛ̈ŋ röt abä keek riɔ̈ɔ̈k, ku riääk kur yaathkuön tɔ̈u në yïïk thäär. Ka cïn kë bäk bɛ aa lam, kë ë luɔikï në wecin.

Math 21:32

Jɔn ë bɛ̈n tëde week ë kueer ë piathëpiɔ̈u, ku rɛɛckï gam, ku gäm kɔc ë athölbö tɔ kut ayï akɔɔrröör, ku week, të cä wek e tïŋ, ke wek kën wepiɔ̈ɔ̈th bɛ puk, abäk gam.

Luɔi 17:29

Ku luɔi ee wok mïth ke Nhialic, ka cïï piɛth luɔi duëër wok e lueel an, Nhialic acït man ë adhääp, ku ateek, ku kuur, kë ye kɔc cuëëc ëtëët ku në cäp ee raan cak.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.

Luɔi 7:41

Gokï dau cuëëc ë aköölkë, tɔkï ye yanhden, ku nɛ̈kkï käŋ, ku mitkï piɔ̈ɔ̈th në kë cïk cuëëc ë kecin.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

Nyöŋ 31:29

Në baŋ ŋiɛc ɛn en miäk të cän thou wek bï riääk aläl, ku pɔ̈kkï röt wei në lööŋ cä lɛ̈k week, në ee nïn bɔ̈yë, riääk abï we lɔ̈ny në biäk bä wek karɛc looi ë Bɛ̈nydït nyin, ku takï rac piɔ̈u në ka looi cinkun.

Nyöŋ 32:17

Acïk yiëth cie yith näk, yiëth ë piac bɛ̈n, yiëth kuc ë kuarken, yiëth kën Yithriɛl kɔn riëëu.

Nyöŋ 4:28

Ku ëtɛ̈ɛ̈n, wek bï yiëth ye guaŋ ë kɔc cin aa luööi, yiëth ë loi keek në tiim ku kur, yiëth cie daai, ku cïkkï ee piŋ, ku cïkkï cäm, ku cïkkï ee ŋör.

1 Tim 4:1

Acï Wëidït lueel në thoŋ bï kɔc piŋ an, ë kööl wadäŋ kɔc kɔ̈k abïk lööny wei ë gämic, ku jɔkï ka ke jɔɔk ë kɔc math piŋ, ku piŋkï wëët ë jɔɔk rac,

Nyuuth 15:1

Na wën, ke ya tïŋ gök däŋ paannhial, gök dïït ë kɔc tɔ gäi aläl, tuucnhial kadhorou tuuc cath ë ka ye piny riɔ̈ɔ̈k kadhorou ka bɔ̈ ciëën, luɔi cï agönh tuc ë Nhialic guɔ thök ë keyiic.

Nyuuth 16:8

Ku luuŋ ŋuɛɛnden gulde ë akɔ̈l nyin, go gäm nyum bï en kɔc nyop ë mac.

Nyuuth 9:19

Ku riɛl de jöŋgöör anu ë kethook ku keyɔ̈ɔ̈l: yɔ̈ɔ̈lken acïtkï karɛc, ku adekï nïïm, ku në keek aye kek kɔc nɔ̈k.

Nyuuth 9:21

ku kënkï kepiɔ̈ɔ̈th puk në näŋdɛn ë kɔc, ku athuɛ̈ɛ̈thden ee kek thuëth, ku kɔ̈ɔ̈rdɛn ë diäär, ku kuëlden.