Nyuuth 8:8 - JAM DE NHIALIC 2011

⁸ Na wën, ke tunynhial ee kek rou koth kaaŋde, ku jɔ kë cït kuurdït gök dɛ̈p ë mac cuat ë wɛ̈ɛ̈ric: go baŋ töŋ ë wɛ̈ɛ̈r baŋ wën ee kek diäk jɔ guɔ aa riɛm,

Nyuuth 8:8 Iomraidhean Croise

Jeremia 51:25

Babilonia, yïn cït kuur ee piny nɔm riɔ̈ɔ̈k ëbɛ̈n, ku Yɛn, Yɛn Bɛ̈nydït, Yɛn ee Raan de aterdu. Yïn bä dɔm, ku raai yïnɔm piny, ku nyääŋ yï piny ke yï ye ŋeth.

Edhekiɛl 14:9

“Na cï tiët math, abïï lop bɛ̈ɛ̈r në tör, ee biäk cän yen math yɛn Bɛ̈nydït. Abä nyaai në kɔc ke Yithriɛl yiic.

Amoth 7:4

Go Bɛ̈nydït Nhialic yɛn nyuöth nyuuth däŋ, në nyuuthic, Bɛ̈nydït acï kïït nɔn bï En kɔcke luöi këtuc në mac. Go mac Abäpdit dït cam, ku ciɛm piny ëbɛ̈n.

Dhek 13:8

në wuötiic në piny yic ëbɛ̈n, ku näk tëdït në keyiic. Ku yɛn bï biäk thiin cï döŋ pɔ̈l apïïr.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Mak 11:23

Wek yɔ̈ɔ̈k ëyic an, Raan yöök kuurdïïtë an, Tɔ rɔt nyiɛɛiyë, ku cuɛtë yï ë wɛ̈ɛ̈ric, ku cïï piɔ̈u wiël, ku gam ëgɔk nɔn bï ka lueel aa yith, ka bï këdɛn ë lueel yök.

Nyuuth 11:6

Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.

Nyuuth 12:4

Ku thel biäk töŋ ë kuɛl nhial ë yeyɔ̈l, biäk wën ee kek diäk, go ke cuat ë piny nɔm: ku kääc ŋuäldït ë tik nɔm tiiŋ kɔɔr dhiëthë, ke bï mɛnhë cuääl, të cï en e dhiëëth.

Nyuuth 8:7

Go tunynhial tueŋ kaaŋde kooth, na wën ke kɔɔi de deŋ bɔ̈, kekë mɛ̈c cï liääp ë riɛm, ku cuɛtë keek ë piny nɔm: go baŋ töŋ de piny nɔm lɔ kuith piny ë nyop, baŋ töŋ wën ee kek diäk, ayï baŋ töŋ de tiim, ku lɔ wɛ̈ɛ̈l tɔ̈c kuith piny ë nyop ëbɛ̈n.

Nyuuth 9:15

Goke lony kek tuucnhial kaŋuan tuuc cï röt kɔn coc në këde thaar ku aköl ku pɛɛi ku run, ë näŋ bï kek baŋ töŋ de kɔc nɔ̈k abïk thou baŋ wën ee kek diäk.

Nyuuth 9:18

Ee karɛckë kadiäk kek aa näk baŋ töŋ de kɔc abïk thou baŋ wën ee kek diäk, në mac ku tol ku në thulpur, kak ë bɔ̈ bei e kethook.