Nyuuth 7:14 - JAM DE NHIALIC 2011

¹⁴ Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

Nyuuth 7:14 Iomraidhean Croise

Jop 11:16

Nuandu ëbɛ̈n abï yïn nɔm määr në yen, cït man cïn en raan ee pïïu riŋ wïïr bɛ tak.

Bɛ̈n 37:3

Ku lui joth dhuɔɔkiic kaŋuan në adhääp bï ye aa ɣääc. Ku cuëëc keek në aguuk nïïm kaŋuan, rou ë baŋë ku rou ë baŋë.

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Danyel 11:35

Ku kɔc kɔ̈k në bänykɛn pelnïïm yiic, abïï keek nɔ̈k, ku në biäk de ee kënë kɔc abïk gup piath. Kënë abï rɔt jɔ cuuth aya agut të le ë thök bɛ̈n, kööl cï Nhialic lueel.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Danyel 7:16

Guɔ lɔ tëde raan töŋ ë kɔc kääc ëtɛ̈ɛ̈n, ku luɔp në yic, bïï wɛ̈ɛ̈r yic ɛn ëbɛ̈n. Ago ya lɛ̈k kë lueel.

Dhek 13:1

Acï Bɛ̈nydït lueel an, “Në ee köölë, awaŋ de pïïu abï liep wɛɛkë kërɛɛc de käu ë Debid kekë kɔc cieŋ Jeruthalem ayï acolden.

Math 24:21

Ë aköölkë këtuc dït abïï kɔc yök këtuc cïn kë kït ke ye, gɔl të ɣɔn ciɛkë piny aɣët cï ënɔɔnë. Ku acïn kë bï ciët en bï lɔ̈ɔ̈k nu aɣet athɛɛr.

Mak 13:19

Aköölkë abïk aa kööl ke këtuc ë kɔc dhal, këtuc cïn kë kït ë yen, gɔl të ɣɔn ciɛkë Nhialic käŋ aɣët cï ënɔɔnë, ku acïn kë cït en bï lɔ̈ɔ̈k nu aɣet athɛɛr.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 5:3

Ku acie yen etök, wok lec röt në karil dhal wook ayadäŋ, në ŋïny ŋic wok en an, karil dhal wook, yen aye guömdekäŋ bɛ̈ɛ̈i,

1 Kor 6:11

Ku kɔc kɔ̈k ë weyiic aake ye kɔc cït keek: ku ënɔɔnë we cï waak, we cï tɔ ɣerpiɔ̈ɔ̈th, we cï tɔ piɛthpiɔ̈ɔ̈th në rin ke Bɛ̈nydït Yecu Kërtho, ku në Wëidït ke Nhialicda.

2 Theth 1:4

Yen a leec wok röt në week ë ɣööt ke Nhialic yiic në biäk de liɛɛr ë wepiɔ̈ɔ̈th ku gäm cä wek gam ë yöŋic ëbɛ̈n yöŋ ee we yɔŋ, ku në katuc dhal week kedhie katuc yak guum.

Ɣeberuu 13:12

Ye ka cïï Yecu gum abï thou aya, në wut këc biic, ago kɔc tɔ ɣer piɔ̈ɔ̈th në wɛ̈k wɛɛk en karɛc në riɛmdɛn cï kuëër.

Ɣeberuu 9:14

Riɛm de Kërtho Raan cï rɔt gäm Nhialic ke cïn guöp tëthiin col në Wëidït ee tɔ̈u athɛɛr, bï keek wöör ë wär yïndï? Në wɛ̈k bï yen wook waak piɔ̈ɔ̈th në luɔi ee thuɔɔu bɛ̈ɛ̈i abuk ciën kë ŋïcku röt, ke wo bï kake Nhialiny pïïr aa looi.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 15:2

Na wën, ke ya tïŋ wɛ̈ɛ̈rdït ke cït acidhanh cï liääp kekë mac, ku tiëŋ kɔc wën cï lɛ̈n rac tiaam, ku tiamkï këcïcuëëc kë cït guöp en, ku gäärde, ku kuën ë rinke, ke ke kääc ë wɛ̈ɛ̈rdït cït acidhath nɔm, ke ke muk thoom ke Nhialic.

Nyuuth 17:6

Guɔ tik tïŋ acï wit ë dëŋ ee yen riɛm de kɔc ɣerpiɔ̈ɔ̈th dek, ku riɛm de cäätɔɔ ke Yecu. Na wën, acä ye tïŋ, ke ya gäi ë gäi dït.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.