Nyuuth 7:10 - JAM DE NHIALIC 2011

¹⁰ Ku cötkï ë röl dït, an, “Kunydewëi ë tɔ̈u ke Nhialicda, Raan rɛ̈ɛ̈r ë thöönydït nɔm, ku tɔ̈u ke Nyɔŋamääl!”

Nyuuth 7:10 Iomraidhean Croise

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Diɛt 3:8

Tiëm ee bɛ̈n tëde Bɛ̈nydït, Bɛ̈nydït abï kɔcke thieei.

Diɛt 37:39

Kuɔɔny de kɔc piɛthpiɔ̈ɔ̈th ee bɛ̈n tëde Bɛ̈nydït, ee Yen ee ke gël në akööl ke nuan.

Yith 43:11

“Ee Yɛn Yatök, Yɛn aye Bɛ̈nydït, Raan töŋ ee Yen duëër we kony.

Yith 45:15

Nhialic de Yithriɛl, ee kɔcke kony, yen ee Nhialic ee rɔt thiaan?

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Jeremia 3:23

Wok cie kony taitai në lämdan ë yiëth ë kur nïïm. Kuɔɔny de Yithriɛl ee bɛ̈n tëde Bɛ̈nydït Yetök Nhialicda.

Ɣodh 13:4

Aye Bɛ̈nydït lueel an, “Yɛn aye Bɛ̈nydït Nhialicdun, raan ɣɔn bïï week bei paan ë Rip. Duökï bï dɛk Nhialic däŋ kaarkï pei, të cïn Ɛn. Ku cïn kony de wëi däŋ kɔ̈ɔ̈rkï röt, të cïn Ɛn.

Jona 2:9

Ku yɛn bï kit lëk Yïn thieithieei, Yïn bä gäm miɔ̈c ye nɔ̈k ku luɔi kë cän gutguut lueel. Kony de wëi ee këde Bɛ̈nydït.

Dhek 4:7

Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Luk 3:6

Ku jɔ jäŋ ëbɛ̈n kuny de Nhialic tïŋ.”’

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 1:36

go Yecu woi guöp të ciɛth en, go lueel an, “Wɔikï Amɛthɔ̈k de Nhialic kï!”

Jɔn 4:22

Wek ee kë kuöckï lam: ee kë ŋicku yen ayok lam: kunydewëi abɔ̈ tëde Judai.

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 19:1

Na wën, aacï kakë thök, ke ya piŋ röl dïït ë kut dïït ë kɔc paannhial, ke luelkï an, “Aleluya! Kunydewëi, ku dhuëëŋ, ku riëëu, ku riɛldït, ayek kake Bɛ̈nydït Nhialicda!

Nyuuth 21:5

Go Raan rɛ̈ɛ̈r ë thöönydït nɔm lueel, an, “Tiëŋkï, yɛn nyɔk käŋ ë luɔi kedhie!” Go ya yɔ̈ɔ̈k an, “Gäär: luɔi le wëlkë gɔk ku yek yith.”

Nyuuth 22:3

Ku acïn aciɛɛn bï bɛ nu ë pänydïtic. Ku thöönydïït ë Nhialic kekë Nyɔŋamääl abïk nu thïn: ku abïï lïïm ke aa lam.

Nyuuth 4:6

Ku nu kë cït wɛ̈ɛ̈r ë acidhath ë thöönydït nɔm tueŋ, cït kuur cɔl kuruthalo. Ku läi kaŋuan anukï ë kaam de thöönydït kekë thöny kɔ̈k ee thöönydït geeu, läi cï gup thiäŋ ë nyïïn, tueŋ ku ciëën.

Nyuuth 5:7

Go bɛ̈n, bï ku nööm awerek ë ciin cuëny de Raan ë rëër ë thöönydït nɔm.