Nyuuth 6:11 - JAM DE NHIALIC 2011

¹¹ Go ke miɔɔc ë lupɔɔ ɣer kedhie, ŋɛk ke këde, ku ŋɛk ke këde, ku acï lɛ̈k keek, an, bïk yök ke ke lɔ̈ŋ tëthiinakäŋ, aɣet të bï kɔckɛn ee kek lïïm ëtök thök ë näk, ayï mïthëkɔcken, kɔc bï nɔ̈k cït man ë kek.

Nyuuth 6:11 Iomraidhean Croise

Danyel 12:13

“Ku yïn Danyel, rɛ̈ɛ̈rë ke yï ye piɔ̈u adöt agut cï thök de käŋ. Ku ëtɛ̈ɛ̈n yïn bï thou, ku yïn bï rɔt jɔt, bä ariöpdu bɛ̈n nööm në kööl ciëën.”

Math 10:21

Raan abï mänhë aa yiɛ̈n kɔc lek nɔ̈k abï thou, ku wun meth abï mɛnhde yiɛ̈n kɔc lek nɔ̈k abï thou, ku mïth abïk ater cak në wärken nïïm ayï märken nïïm, agokï ke tɔ näk.

Luk 15:22

Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

2Tim 4:7

Yɛn ë biök ë biök piɛth, tëdiën an, bän lɔ pëk ë riŋ acä thöl, yɛn ë gäm ŋiëc döt.

Ɣeberuu 11:40

Kënë ayadäŋ ee luɔi cïï Nhialic täŋdɛn piɛth tak në këda, acïï kɔɔr Yen Nhialic luɔi bï kek ariöp de gämden guɔ yök ke wo liu thïn, ee luɔi bï yen wo tɔ dikëdik në kony de wëi Yecu Kërtho.

Ɣeberuu 12:23

Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.

Ɣeberuu 4:10

Raan ëbɛ̈n, raan lɔ në ee lɔ̈ŋë yic, abï lɔ̈ŋ në luɔide yic ëbɛ̈n cït man ë cïï Nhialic lɔ̈ŋ në luɔide yic.

Nyuuth 10:6

ku lueel gutguut në Raan pïïr aɣet athɛɛr ya, Raan ë cak nhial, kekë ka nu thïn kedhie, ku ciɛk piny kekë ka nu thïn kedhie, ku ciɛk wɛ̈ɛ̈r kekë ka nu thïn kedhie, an, “Acïn agääu bï bɛ nu!

Nyuuth 13:15

Ku gëmë riɛl bï këcïcuëëc kë cït guöp lɛ̈n rac yiëkic wëi abï jam, ku tɔ kɔc näk ëbɛ̈n kɔc reec këcïcuëëc kë cït guöp lɛ̈n rac lam.

Nyuuth 14:13

Guɔ röl ë raan piŋ röl bɔ̈ nhial, lueel, an, “Gäär, an: Thieithieei ë kɔc bï thou ë Bɛ̈nydïtic gɔl ënɔɔnë aɣet wadäŋ!” “Ɣɛɛ, ee yic, alueel Wëidït, në ke lɔ̈ŋ në luɔidɛn tuc, ku luɔidɛn cïk looi ee keek biɔɔth cök.”

Nyuuth 17:6

Guɔ tik tïŋ acï wit ë dëŋ ee yen riɛm de kɔc ɣerpiɔ̈ɔ̈th dek, ku riɛm de cäätɔɔ ke Yecu. Na wën, acä ye tïŋ, ke ya gäi ë gäi dït.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.