Nyuuth 6:10 - JAM DE NHIALIC 2011

¹⁰ Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

Nyuuth 6:10 Iomraidhean Croise

Cäk 4:10

Ago Bɛ̈nydït lɛ̈k en an, “Eeŋö jɔ luöi ë kërɛɛc dïït cït ë kënë? Acä tïŋ luɔi cïn wänmuuth nɔ̈k. Yɛn ë riɛmde tïŋ piny cït man ë kë kɔɔr guur.

Diɛt 119:84

Bä jɔ tïït në run kadï? Ku ee nɛn yen bï Yïn kɔc yɔŋ ɛn luöi këtuc?

Diɛt 13:1

Bä nɔm jɔ määr në yɛn agut cï nɛn Bɛ̈nydït? Aɣet athɛɛr? Bä rɔt aa thiaan në yɛn aɣet cï nɛn?

Diɛt 35:17

Bä ee kënë jɔ woi Bɛ̈nydït agut cï nɛn? Luäk ɛn në keek, kony yɛn në ee kɔ̈ɔ̈rkë.

Diɛt 79:10

Eeŋö duëër ë juöör wook aa thiëëc an, “Nu Nhialicdun ë nou?” Tɔ wo tïŋ luɔi dui Yïn juöör në luɔi cï kek rim ke awuutku tɔ kuëër piny.

Diɛt 9:12

Nhialic ee kɔc yɔŋ tak, ku acïï nɔm ee määr në dhiënden, ee kɔc ee kɔc yɔŋ luöi këtuc.

Yith 61:2

Acï ya tooc bä kɔc bɛ̈n lɛ̈k luɔi cï akööl bɛ̈n, kööl bïï Bɛ̈nydït kɔcke kony ku tiɛɛm kɔc ke aterden. Acï ya tuööc bä kɔc dhiau duut piɔ̈u ëbɛ̈n.

Dhiëëu 3:64

“Bɛ̈nydït, luöiyë keek këtuc, në biäk de kë cïk looi.

Danyel 12:6

Go raan tök ë ke yiic, tunynhial ceŋ lupɔɔ ɣer nu ë kiir lɔŋ tui luɔp an, “Agut cï nɛn bï ka ke gäi loi röt aya thök?”

Danyel 8:13

Guɔ tunynhial piŋ röl athiëc tunynhial däŋ an, “Agut cï nɛn yen bïï ee kakë, ka wën cï tïŋ ë nyuuth yic ŋoot ke ke lɔ tueŋ? Agut cï nɛn yen bïï kërɛɛcdïïtë tɔ̈u ë nyin de miɔ̈c ye nɔ̈k ë ceŋ yic? Agut cï nɛn yen bïï ë rem ë paannhial kekë tëɣeric ŋoot ke ke dum yiic?

Dhek 1:12

Na wën, ke lueel ë tunynhial ë Bɛ̈nydït an, “Bɛ̈nydït de rɛm run acïk aa thiërdhorou ke yï göth wekë Jeruthalem, ku wuöt ke Juda. Bä piɔ̈u jɔ kok wekë keek nɛn?

Luk 2:29

“Bɛ̈nydït, tɔ lïmdu jël ke cï piɔ̈u lɔ piny ënɔɔnë, cït man ë jamduön wään cï lueel,

Luk 21:22

Aköölkë ee akööl ke guur, kööl bï kacïgɔ̈ɔ̈r thöl ë luɔi kedhie.

Romai 12:19

Duökï röt ë guöör, wek kɔc nhiaar, yak agɔ̈th pät kueer, luɔi cï e gɔ̈ɔ̈r an, “Guur ee këdï, abä cool ë Yɛn, jam de Bɛ̈nydït ka.”

Ɣeberuu 12:24

Ku yïn bï Yecu yök raan ee kɔc määt në löŋ cï piac mac, ku lëu cï Ye lɛ̈u riɛm, aluel kë ŋuän wär riɛm de Abel.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 18:24

Ku riɛm de tït kekë kɔc ɣerpiɔ̈ɔ̈th acï yök ë yeyic, kekë riɛm de kɔc ɣɔn cï nɔ̈k ë piny nɔm kedhie.

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Bäny 16:28

Na wën ke Thamthon ë läŋ Bɛ̈nydït an, “Bɛ̈nydït Nhialic be Yïnɔm tak në yɛn, Nhialic ee Yïn aläŋ, në ee kaam töŋë, ke ya bï rɔt guöör në kɔc ke Pilithiin në kë cï kek nyïïnkï tuök bei.”

1 Tham 24:12

Bɛ̈nydït abï raan de guöp awäc tïŋ në kaamda wokë yïn! Ku Bɛ̈nydït abï kërɛɛcduön ye luöi ɛn cool nɔm, ku yɛn guöpdï, yɛn cïï yaciin bï tääu në yïguöp.