Nyuuth 5:9 - JAM DE NHIALIC 2011

⁹ Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

Nyuuth 5:9 Iomraidhean Croise

Diɛt 144:9

Nhialic, yïn bä kɛ̈t din ë piɛcë cak, ku kɛ̈t Yïn dit në thom ku aruöör.

Diɛt 149:1

Lɛckï Bɛ̈nydït! Kɛ̈të Bɛ̈nydït din ë piɛcë cak, pianykï në amatnɔm de kɔckɛn adööt yiic!

Diɛt 33:3

Kɛ̈tkï din ë piacë cak, guötkï thom në tëët, ku miɛtëpiɔ̈u!

Diɛt 40:3

Ku yïk a thok din ë piɛcë cak, din lɛɛc ɛn Nhialicda. Kɔc juëc abïk ee kënë tïŋ ku lamkï Nhialic. Ku ëtɛ̈ɛ̈n abïk Bɛ̈nydït jɔ ŋɔ̈ɔ̈th.

Diɛt 96:1

Kɛ̈tkï Bɛ̈nydït, din cï piac cak! Kɛ̈tkï dit Bɛ̈nydït, wek kɔc ke pinynɔm ëbɛ̈n!

Diɛt 98:1

Kɛ̈tkï Bɛ̈nydït din ë piac cak, në biäk cïï Yen kake gäi looi! Në riɛlde ku në köŋdɛn ɣeric acï Yen tɔ tiëm.

Yith 42:10

Kɛ̈të Bɛ̈nydït din piac cak, kɛ̈tkï lɛcde, wek pinynɔm ëbɛ̈n! Lɛckï wek kɔc ee cath në wïïr, lɛckï wek ka cï cak në abäpdit yic! Kɛ̈tkï wek piiny mec, ku kɔc ëbɛ̈n rɛ̈ɛ̈r ëtɛ̈ɛ̈n!

Danyel 3:4

go löŋ caal në röldït, an, “Wek kɔc ke juöör kedhie, ku thook!

Danyel 4:1

Go melik Nebukadnedhar thoŋë tuöc kɔc ke wuöt ëbɛ̈n ku juöör, ku thook ëbɛ̈n nu ë piny nɔm: “Wek cä thiëëc!

Danyel 5:19

Aa dït aläl ka kɔc ke wuöt ë piny nɔm ëbɛ̈n, ku juöör, ku dhiën ku thook, aake ye riɔ̈ɔ̈c në yen abï ke lath. Na kɔɔr bïï raan nɔ̈k, aye nɔ̈k, ku na kɔɔr bïï raan tɔ pïïr aye tɔ pïïr. Raan kɔɔr bï riëëu ayï riëëu ku raan kɔɔr bï yɔ̈ɔ̈r aye yɔ̈ɔ̈r.

Danyel 6:25

Na wën ke melik Dariouth ë gɛ̈ɛ̈r awerek juöör ëbɛ̈n ku kɔc ëbɛ̈n ku thook ëbɛ̈n ë piny nɔm an, “Wek cä thiëëc!

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Math 26:28

riɛmdï kï, riɛm de löŋ cï piac mac, riɛm cï lëu në baŋ de kɔc juëc, në nyiɛɛi bï karɛcken nyaai.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

1 Kor 7:23

We cï ɣɔɔc ë ɣööc tuc, duökï röt bï tɔ ye lïïm ke kɔc.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 5:19

Yak jam wapäc në diɛt ku diɛt kɔ̈k ke Nhialic ku diɛt ke ka ke Wëi, yak diɛt ket ku yak Nhialic piɔɔny ë wepiɔ̈ɔ̈th.

Kolothai 1:14

Wëndɛn cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 11:14

Na cïï kɔc jɔ lueel aya, ka cï jɔ ya yic, luɔi kɔɔr kek wun bïï cɔ̈l keek.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 2:2

Ku yen aye kë cï Nhialic luk në baŋ de karɛckuɔ, ku acie karɛckuɔ wapäc, ee karɛc ke piny nɔm ëbɛ̈n ayadäŋ.

Nyuuth 10:11

Go a yɔ̈ɔ̈k, an, “Yïn bï jam dhil bɛ guiir ë kɔc juëc nïïm, ku juöör nïïm, ku kɔc jam ë thok mɛɛn nïïm, ku meliik nïïm.”

Nyuuth 11:9

Ku kɔc kɔ̈k ë kɔc yiic ku dhiëën yiic ku thook yiic ku juöör yiic abïk gupkɛn cï thou aa woi ë nïn kadiäk ku biäk, ku cïkï gupken pɛ̈l täu tɛ̈ɛ̈uwë keek ë raŋic.

Nyuuth 13:7

Ku gëm riɛl bï en tɔŋ yiɛ̈n kɔc ɣerpiɔ̈ɔ̈th, ago ke tiaam: ku gëm bɛ̈ɛ̈ny bï en dhiëën cieŋ ëbɛ̈n ku ceŋ kɔc ëbɛ̈n ku thook ëbɛ̈n ku juöör ëbɛ̈n.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 14:6

Na wën, ke ya tïŋ tunynhial däŋ, ke riŋ ë paannhialic cil, ke cath ke wëlpiɛth thɛɛr bï ke guiëër kɔc rɛ̈ɛ̈r ë piny nɔm, ku guïïr juöör ëbɛ̈n ku dhiën ku liëp ku kɔc ëbɛ̈n,

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 17:15

Go lɛ̈k ɛn, an, “Piëëu wën cï tïŋ, të rëërë akɔɔrröör, ayek kɔc, ku kuut ke kɔc, ku juöör, ku liëp.

Nyuuth 4:11

“Ee kë rɔ̈ŋ ke yïn, yïn Bɛ̈nydït, luɔi bï yïn lɛc yök ku yök riëëu ku riɛldït. Ë luɔi cï yïn käŋ cak kedhie, ku në këde piɔ̈ndu yen anu kek, ku yen aa ciɛkë ke.”

Nyuuth 5:12

ku luelkï ë röl dït, an, “Nyɔŋamääl en arɔ̈ŋ ke luɔi bï en riɛldït yök, ku yök juëcdekäŋ, ku pɛlënɔm, ku riɛl, ku riëëu, ku dhuëëŋ, ku athiɛɛi!”

Nyuuth 5:6

Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.