Nyuuth 5:8 - JAM DE NHIALIC 2011

⁸ Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.

Nyuuth 5:8 Iomraidhean Croise

Diɛt 141:2

Nöm lɔ̈ŋdï cï wal ŋïr, ku cinkiën cä taar yiic cï miɔ̈c athɛ̈i.

Diɛt 150:3

Lɛckï ë kɛŋ. Lɛckï ë diɛt ke thom ku aruöör.

Diɛt 33:2

Lɛckï Bɛ̈nydït në thom, kɛ̈tkï diɛt ë thom de yic wïïn.

Diɛt 43:4

Aguɔ jɔ lɔ tëde yïïŋ de Nhialic, në miɛtëpiɔ̈u ku dhuëëŋ de piɔ̈ndï. Yïn bä leec në diɛt ke thom, Yïn Nhialicdï, Nhialicdï.

Diɛt 81:2

Galkï kiët ku guötkï lɔ̈ɔ̈r, kiɛtkï diɛt në thom kekë aruöör.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Ɣeberuu 1:6

Ɣɔn tuuc ë Nhialic wën kɛ̈ide ë piny nɔm, ke jɔ lueel an, “Ë lɛm ë tuucnhial kedhie.”

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 15:2

Na wën, ke ya tïŋ wɛ̈ɛ̈rdït ke cït acidhanh cï liääp kekë mac, ku tiëŋ kɔc wën cï lɛ̈n rac tiaam, ku tiamkï këcïcuëëc kë cït guöp en, ku gäärde, ku kuën ë rinke, ke ke kääc ë wɛ̈ɛ̈rdït cït acidhath nɔm, ke ke muk thoom ke Nhialic.

Nyuuth 15:7

Go lɛ̈n tök ë läi kaŋuan yiic go tuuc kadhorou gäm guöl ë adhääp kadhorou guöl cï thiäŋ ë agönh ë Nhialic, Raan pïïr aɣet athɛɛr ya.

Nyuuth 19:4

Go röördït kathiërrou ku ŋuan ku läi kaŋuan gokï röt cuat piny lamkï Nhialic Raan rɛ̈ɛ̈r ë thöönydït nɔm, ku luelkï an, “Aleluya, Amiin!”

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,

Nyuuth 4:4

Ku ade thöny kɔ̈k kathiërrou ku ŋuan ke ke cï thööny gɛɛu cil: ku yɛn ë röördït tïŋ kathiërrou ku ŋuan ke ke rɛ̈ɛ̈r, aceŋkï lupɔɔ ɣer: ku ceŋkï gööl ke dhuëëŋ ë kenïïm gööl ke adhääp.

Nyuuth 4:6

Ku nu kë cït wɛ̈ɛ̈r ë acidhath ë thöönydït nɔm tueŋ, cït kuur cɔl kuruthalo. Ku läi kaŋuan anukï ë kaam de thöönydït kekë thöny kɔ̈k ee thöönydït geeu, läi cï gup thiäŋ ë nyïïn, tueŋ ku ciëën.

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

Nyuuth 5:11

Na wën, ke ya jɔt a nyin, ku ja tuucnhial juëc piŋ röt, tuuc ë thöönydït geeu, ku geukï läi ku röördït, ku kuënden ee aguum kathiëër raanthiëër ë agum, ku agum juëc raan juëc,

Nyuuth 5:12

ku luelkï ë röl dït, an, “Nyɔŋamääl en arɔ̈ŋ ke luɔi bï en riɛldït yök, ku yök juëcdekäŋ, ku pɛlënɔm, ku riɛl, ku riëëu, ku dhuëëŋ, ku athiɛɛi!”

Nyuuth 5:14

Go läi kaŋuan lueel, an, “Amiin!” Ku cuɛt röördït röt piny lamkï.”

Nyuuth 5:6

Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.

Nyuuth 6:1

Na wën, ke ya tïŋ Nyɔŋamääl të wën kuek en adöŋ tök bei ë adɔ̈k yiic kadhorou, ku ja lɛ̈n tök ë läi yiic kaŋuan piŋ ke lueel në röl cït määrëdeŋ, an, “Bä tïŋ!”