Nyuuth 5:6 - JAM DE NHIALIC 2011

⁶ Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.

Nyuuth 5:6 Iomraidhean Croise

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Danyel 8:3

guɔ nyɔɔŋ amäl de tuŋ bäär kaarou tïŋ, akääc ë kiir yɔu, ku tök në keyiic aa piɛc cil ku abäär awär däŋë.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Ɣabakuk 3:4

Të cï Yen bɛ̈n ee riau cït man ë mac ayï ciinde ee lɔ bërët, yen të cï Yen riɛlde thiaan ka.

Dhek 3:9

Aye Bɛ̈nydït de rɛm lueel an, Tiëŋkï, kuur cä cäp thar piny në Jocua nɔm tueŋ. Ade nɔm aguuk kadhorou. Abä tueŋ kɔ̈u, ku nyaai awäny de ee pinyë në kööl tök.

Dhek 4:10

Ku raan biɔn caak ciɛk ë käŋ röt ë määth, abï piɔ̈u miɛt wadäŋ, të le yen wïn ë thëm tïŋ në Dherubabel ciin.

Luk 1:69

Ku acï tuŋ de kunydewëi jat nhial në këda, Tuŋ de dhiën ë Debid awunde,

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 1:36

go Yecu woi guöp të ciɛth en, go lueel an, “Wɔikï Amɛthɔ̈k de Nhialic kï!”

Luɔi 8:32

Ku të wën kueen en këcïgɔ̈ɔ̈ric acï gɔ̈ɔ̈r alë an: “Acï thel cït man ë amäl le teem röl, Ku cït man ë nyɔɔŋ amääl lɔ lik ë raan nɔm raan tem nhïmke, Yen a miim en aya.”

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 14:1

Na wën, ke ya jɔt anyin, ku jɔ Nyɔŋamääl tuöl ke kääc ë kuurdït Dhiɔn nɔm, ku kääc kɔc në yen ëtök agum kabɔt ku thiërŋuan ku ŋuan, ke ke cath në rinke, ku rin ke Wun, ke ke cï gɔ̈ɔ̈r ë kenyïïn tueŋ.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 21:22

Ku acïn luaŋdïït cä tïŋ thïn: Bɛ̈nydït Nhialic Awärjäŋ, kekë Nyɔŋamääl, kek aye luaŋdït.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:3

Ku acïn aciɛɛn bï bɛ nu ë pänydïtic. Ku thöönydïït ë Nhialic kekë Nyɔŋamääl abïk nu thïn: ku abïï lïïm ke aa lam.

Nyuuth 4:8

Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

Nyuuth 5:11

Na wën, ke ya jɔt a nyin, ku ja tuucnhial juëc piŋ röt, tuuc ë thöönydït geeu, ku geukï läi ku röördït, ku kuënden ee aguum kathiëër raanthiëër ë agum, ku agum juëc raan juëc,

Nyuuth 5:12

ku luelkï ë röl dït, an, “Nyɔŋamääl en arɔ̈ŋ ke luɔi bï en riɛldït yök, ku yök juëcdekäŋ, ku pɛlënɔm, ku riɛl, ku riëëu, ku dhuëëŋ, ku athiɛɛi!”

Nyuuth 5:13

Ku këriëëc cï cak ëbɛ̈n, ayï ka nu paannhial, ayï ka nu ë piny nɔm, ayï ka nu ë piny thar, ayï ka nu ë wɛ̈ɛ̈ric, ku ka nu ë keyiic kedhie, acä ke piŋ, ke luelkï an: “Athiɛɛi, ku riëëu, ku dhuëëŋ, ku riɛldït, ë ke tɔ̈u në Raan rɛ̈ɛ̈r e thöönydït nɔm, ku në Nyɔŋamääl, aɣet wadäŋ thɛɛr ya.”

Nyuuth 5:14

Go läi kaŋuan lueel, an, “Amiin!” Ku cuɛt röördït röt piny lamkï.”

Nyuuth 6:16

Ku yöökkï kurdït kekë kur kor, an, “Lɔ̈ɔ̈nykï ë wonïïm, thiankï wook ë Bɛ̈nydït nyin, Bɛ̈ny rɛ̈ɛ̈r ë thöönydït nɔm, ku në agönhdïït ë Nyɔŋamääl:

1 Tham 2:10

Ku kɔc ke ater de Bɛ̈nydït abï keek riɔ̈ɔ̈k, abïï Bɛ̈nydït keek rɛ̈liic paannhial. Bɛ̈nydït abï kɔc ke piny thar luöi këtuc, abï riɛl gäm melikde, abï melikdɛn cï lɔc tɔ tiëm.”