Nyuuth 4:8 - JAM DE NHIALIC 2011

⁸ Ku läike kaŋuan adekï kɔ̈ɔ̈th wuök kadhetem kedhie, ku acïk thiäŋ ë nyïïn biäk biic ku keyiic thïn, ku acïkï ee lɔ̈ŋ aköl ayï wakɔ̈u, ayek lueel, an, “Aɣeric, Aɣeric, Aɣeric, yen Bɛ̈nydït Nhialic Awärjäŋ, Bɛ̈nydït ë nu, ku nu, ku bï bɛ̈n.”

Nyuuth 4:8 Iomraidhean Croise

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Diɛt 91:1

Raan ëbɛ̈n raan ee lɔ thiaan tëde Bɛ̈nydït, raan ëbɛ̈n raan ye Nhialic Awärjäŋ gël.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 3:14

Go Nhialic lɛ̈k en an, “Yɛn aye Yen. Abä lɛ̈k keek an, ‘Raan cɔl Yɛn aye Yen, yen aa tuc ɛn week.’

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 62:1

Yɛn bï jam ke ya dut Jeruthalem piɔ̈u, yɛn cïï bï mim agut të bän yen tïŋ ke cï kony, ku bï tiëmde riau cït many de kuthyui wakɔ̈u.

Edhekiɛl 1:18

Në ke këc kek ee cökkë acï ke kuöm piny në nyïïn.

Edhekiɛl 1:5

Në amaŋic cil, yɛn cï ka pïïr kaŋuan tïŋ, ka de gup cï gup ke kɔc,

Edhekiɛl 1:6

ku tök në keyiic aa de nïïm kaŋuan ku wuök kaŋuan.

Edhekiɛl 10:12

Gupken, ku kekɔ̈ɔ̈th, ku kecin, ku kewuök ku kecök, acï thiäŋ në nyïïn, ë ɣään kedhie.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”

1 Theth 2:9

Wek ee wenïïm tak, wek mïthëkɔckuɔ, në luɔi dïït thieek yok looi: wo ye luui aköl ku wakɔ̈u, wok ë cïn piɔ̈ɔ̈th luɔi bï wo raan tök miɛn ë weyiic, agoku wëlpiɛth ke Nhialic guiëër week aya.

1 Tim 4:16

Ye rɔt tiit apiɛth, ku ye wëët tiit aya. Ye cök ë tɔ̈u yïn ee kakë yiic: tën ee yïn e looi wuya, ke yïn bï rɔt kony ku kony kɔc ee kaku piŋ ayadäŋ.

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Ɣeberuu 13:8

Yecu Kërtho acïï rɔt ee waar, atɔ̈u ë täude anande, aa nu ɣɔn thɛɛr, ku ee köölë, ku abï nu aɣet athɛɛr.

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 11:17

ku luelkï, an, “Thieithieei, yïn Nhialic Bɛ̈nydït, Bɛ̈ny ë käŋ lëu kedhie, Bɛ̈ny ë nu, ku anu, luɔi cï yïn riɛldu nööm, ku ceŋ piny!

Nyuuth 14:11

ku tol ë lɛ̈ŋ ee ke leeŋ wëi ee lɔ nhial aɣet athɛɛr ya, ku acïn lɔ̈ŋ ee kek lɔ̈ŋ aköl ku wakɔ̈u, kek kɔc ee lɛ̈n rac lam ku lɛmkï këcïcuëëc ke cït guöp en, ayï raan ëbɛ̈n raan gam gäär bï e gäär guöp rinke.”

Nyuuth 14:3

Ku kitkï din cït kë ë piɛc cak ë thöönydït nɔm, ku läi kaŋuan nïïm, ku röördït nïïm: ku acïn raan duëër dinë yök, ee agum kabɔt ku thiërŋuan ku ŋuan de kɔc kapäc, kɔc cï wɛ̈ɛ̈r bei ë piny nɔm.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

Nyuuth 15:7

Go lɛ̈n tök ë läi kaŋuan yiic go tuuc kadhorou gäm guöl ë adhääp kadhorou guöl cï thiäŋ ë agönh ë Nhialic, Raan pïïr aɣet athɛɛr ya.

Nyuuth 16:14

ayek atïptïïp ke jɔɔk rac, atïptïïp ee göök gɛ̈iyë looi, ku lekï biic lek të nu meliik ke piny nɔm ëbɛ̈n, lek ke kut nïïm në këde tɔŋ, tɔŋ de kööldïït ë Nhialic Awärjäŋ.

Nyuuth 16:7

Guɔ yïïŋ de läm piŋ röl, ke lueel, an, “Yeka, yïn Bɛ̈nydït Nhialic Awärjäŋ, lööŋkuön cï guiir ayek yith ku cï ke tiiŋ yiic ëgɔk!”

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 19:4

Go röördït kathiërrou ku ŋuan ku läi kaŋuan gokï röt cuat piny lamkï Nhialic Raan rɛ̈ɛ̈r ë thöönydït nɔm, ku luelkï an, “Aleluya, Amiin!”

Nyuuth 21:22

Ku acïn luaŋdïït cä tïŋ thïn: Bɛ̈nydït Nhialic Awärjäŋ, kekë Nyɔŋamääl, kek aye luaŋdït.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer:

Nyuuth 4:4

Ku ade thöny kɔ̈k kathiërrou ku ŋuan ke ke cï thööny gɛɛu cil: ku yɛn ë röördït tïŋ kathiërrou ku ŋuan ke ke rɛ̈ɛ̈r, aceŋkï lupɔɔ ɣer: ku ceŋkï gööl ke dhuëëŋ ë kenïïm gööl ke adhääp.

Nyuuth 4:6

Ku nu kë cït wɛ̈ɛ̈r ë acidhath ë thöönydït nɔm tueŋ, cït kuur cɔl kuruthalo. Ku läi kaŋuan anukï ë kaam de thöönydït kekë thöny kɔ̈k ee thöönydït geeu, läi cï gup thiäŋ ë nyïïn, tueŋ ku ciëën.

Nyuuth 4:9

Ku të ye läike Bɛ̈nydït leec ku riëëukï ku luelkï, an, Thieithieei Bɛ̈ny rɛ̈ɛ̈r ë thöönydït nɔm Bɛ̈ny pïïr aɣet athɛɛr,

Nyuuth 5:6

Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.

Nyuuth 6:1

Na wën, ke ya tïŋ Nyɔŋamääl të wën kuek en adöŋ tök bei ë adɔ̈k yiic kadhorou, ku ja lɛ̈n tök ë läi yiic kaŋuan piŋ ke lueel në röl cït määrëdeŋ, an, “Bä tïŋ!”

Nyuuth 6:6

Guɔ röl piŋ ë läi kaŋuan yiic cil, alueel, an, “Konh töŋ de agamɔ ee ya gïrïïc kadiäk, ku ye koth ke barli kadiäk aa gïrïïc kadiäk, ku du miök ee riɔ̈ɔ̈k ayï mɔ̈u!”

Nyuuth 7:11

Ku kääc tuucnhial kedhie ke ke cï thöönydït geeu, ku geukï röördït ku läi kaŋuan, gokï röt cuat piny ë thöönydït nɔm, ku gutkï kenïïm piny, lamkï Nhialic,

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.