Nyuuth 4:7 - JAM DE NHIALIC 2011

⁷ Ku lɛ̈n tueŋ acït guöp köör, ku lɛ̈n ee kek rou acït guöp thɔn, ku lɛ̈n ee kek diäk acït nyin raan, ku lɛ̈n ee kek ŋuan acït aduŋuɛɛt ee riŋ nhial.

Nyuuth 4:7 Iomraidhean Croise

Cäk 49:9

Juda acït köör; cï lände nɔ̈k, ku dɔk enɔm ɣönde. Ee riiny ku be rɔt dak piny tɔ̈ɔ̈c. Acïn raan ŋeny duëër en kɔ̈ɔ̈r akɔ̈ɔ̈k.

2 Tham 1:23

“Wok nhiaar Thaulo kekë Jɔnathan, ɣɔn pïïr kek, ku në thonden yic, aŋickï riŋ cï cuɔɔr, ku arilkï cï köör.

Kɛ̈ŋ 28:2

Bɛ̈ny ee jäl ku bɔ̈ bɛ̈nyë wun de yic nɔm riɛl, ee bɛ̈ny ŋic käŋ yen aduëër keek lëu në maac.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Edhekiɛl 1:10

Töŋ në läi pïïr ee nɔm dɛ nïïm wuöc kaŋuan: ku nɔm cït raan yen atɔ̈u në biäk tueŋ, ku nɔm cït köör në biäk cuëc, ku nɔm cït thɔn në biäk cam, ku jɔ nɔm cït cuɔɔr tɔ̈u në ye ŋok.

Edhekiɛl 1:8

Ku adekï nïïmken kaŋuan ku wuökken kaŋuan, ŋɛk në keyiic ee dɛ cin ke raan kaŋuan, cïïn tök ee nu në wuök tök thar.

Edhekiɛl 10:14

Tök në keyiic ee dɛk nïïm kaŋuan. Nɔm tueŋ ade nyïïn ke thɔn ë weŋ, ku nɔm de rou ade nyïïn ke raan, ku nɔm de diäk ade nyïïn ke köör, ku nɔm ciëën de ŋuan, ade nyïïn ke cuɔɔr.

Edhekiɛl 10:21

Tök keek ë keyiic ade nïïm kaŋuan, ku wuök kaŋuan, ku kë cït ciin ë raan në wuök thar piny.

Danyel 7:4

Kë tueŋë acït köör, ku ade wuök cï cuɔɔr. Ku të wën daai yɛn, wuök acï keek guɔ cuän bei. Go läi jat nhial ku tɔ kääc në yecök. Na wën ke gëmë nɔm de raan.

Obadaya 1:4

Na cakaa nɔn cä wek ɣöötkun yïk nhial ya, ka acïk ciët ɣööt ke cuɔɔr, ka acïk ciët ka nu në kuɛl yiic, wek bä ŋoot ke we bɛ̈ɛ̈i piny.

Kuɛ̈n 23:24

Kɔc ke Yithriɛl ayek röt jɔt cït ŋun ë köör, ku yɔ̈kkï röt cït köör cie lɔ̈ŋ të kën en lɛ̈nde dɔm, ku dek riɛmde.

Kuɛ̈n 24:9

Yithriɛl acït köör ril cï tɔ̈c, acït ŋun ë köör, eeŋa duëër en pɔ̈ɔ̈c ë nïnic? Raan cï Yithriɛl thieei, abï thieei. Ku raan cï Yithriɛl läm aciɛɛn, abï cieen.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

Nyöŋ 28:49

Bɛ̈nydït abï week yiɛ̈n jur bï bɛ̈n ë piny thar, jur kuöc wek thoŋde. Abïk lööny ë we kɔ̈ɔ̈th cï cuɔɔr.

Nyuuth 4:6

Ku nu kë cït wɛ̈ɛ̈r ë acidhath ë thöönydït nɔm tueŋ, cït kuur cɔl kuruthalo. Ku läi kaŋuan anukï ë kaam de thöönydït kekë thöny kɔ̈k ee thöönydït geeu, läi cï gup thiäŋ ë nyïïn, tueŋ ku ciëën.

Nyuuth 6:3

Na wën, aacï adöŋ ee kek rou kuɛ̈k bei, ke ya piŋ lɛ̈n ee kek rou ke lueel, an, “Bä tïŋ!”

Nyuuth 6:5

Na wën, aacï adöŋ ee kek diäk kuɛ̈k bei, ke ya piŋ lɛ̈n ee kek diäk alueel, an, “Bä tïŋ!” Aguɔ anyin jɔt, ku ja jöŋgör col tïŋ: ku raan rɛ̈ɛ̈r ë yekɔ̈u amuk medhaan ë yecin.

Nyuuth 6:7

Na wën, aacï adöŋ ee kek ŋuan kuɛ̈k bei, ke ya piŋ röl ë lɛ̈n ee kek ŋuan alueel, an, “Bä tïŋ!”