Nyuuth 4:4 - JAM DE NHIALIC 2011

⁴ Ku ade thöny kɔ̈k kathiërrou ku ŋuan ke ke cï thööny gɛɛu cil: ku yɛn ë röördït tïŋ kathiërrou ku ŋuan ke ke rɛ̈ɛ̈r, aceŋkï lupɔɔ ɣer: ku ceŋkï gööl ke dhuëëŋ ë kenïïm gööl ke adhääp.

Nyuuth 4:4 Iomraidhean Croise

Ethta 8:15

Go Modekayo jäl ë melik lɔ̈ɔ̈m ke ceŋ lupɔɔ dït ke bääny de yiic kïn aräu cït luäät ku ɣeer ë biäk, ku lupɔ piɛth lɔ mot, ku lupɔ thiith amujuŋ, ku jɔ ya göldïït de bääny lɔ riauriau kekë adhɛ̈p, go raan ëbɛ̈n pänydït ë Thutha, bɛ̈n biic ke ke moc kiɛɛu de miɛtëpiɔ̈u.

Diɛt 21:3

Acï gäm athiɛɛi dït, ku yiëkë nɔm göl de adhääp.

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Nyuuth 11:16

Go röördït kathiërrou ku ŋuan röördït rɛ̈ɛ̈r ë thöönyken nïïm, agokï röt cuat piny gutkï kenïïm piny, lamkï Nhialic,

Nyuuth 14:3

Ku kitkï din cït kë ë piɛc cak ë thöönydït nɔm, ku läi kaŋuan nïïm, ku röördït nïïm: ku acïn raan duëër dinë yök, ee agum kabɔt ku thiërŋuan ku ŋuan de kɔc kapäc, kɔc cï wɛ̈ɛ̈r bei ë piny nɔm.

Nyuuth 19:14

Ku kuany cök ë rɛm ke tɔŋ, rɛm nu paannhial ke ke cath ë jöŋgöör akuur kɔ̈ɔ̈th, ku ceŋkï lupɔ piɛth lɔ mot ɣer ëpak ku le riauriau.

Nyuuth 19:4

Go röördït kathiërrou ku ŋuan ku läi kaŋuan gokï röt cuat piny lamkï Nhialic Raan rɛ̈ɛ̈r ë thöönydït nɔm, ku luelkï an, “Aleluya, Amiin!”

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,

Nyuuth 4:6

Ku nu kë cït wɛ̈ɛ̈r ë acidhath ë thöönydït nɔm tueŋ, cït kuur cɔl kuruthalo. Ku läi kaŋuan anukï ë kaam de thöönydït kekë thöny kɔ̈k ee thöönydït geeu, läi cï gup thiäŋ ë nyïïn, tueŋ ku ciëën.

Nyuuth 5:11

Na wën, ke ya jɔt a nyin, ku ja tuucnhial juëc piŋ röt, tuuc ë thöönydït geeu, ku geukï läi ku röördït, ku kuënden ee aguum kathiëër raanthiëër ë agum, ku agum juëc raan juëc,

Nyuuth 5:14

Go läi kaŋuan lueel, an, “Amiin!” Ku cuɛt röördït röt piny lamkï.”

Nyuuth 5:6

Na wën, ke ya tïŋ Nyɔŋamääl, ke kääc ë thöönyic cil, ku läi kaŋuan yiic cil, ku röördït yiic cil, nyɔɔŋ cït kë cï nɔ̈k, ku de nɔm tuŋ kadhorou, ku nyïïn kadhorou, kek aye Wëi ke Nhialic kadhorou Wëi cï tuööc ë piny nɔm ëbɛ̈n.

Nyuuth 5:8

Na wën, aacï awerek nööm, ke läi kaŋuan ku röördït kathiërrou ku ŋuan ke ke cuɛt röt piny ë Nyɔŋamääl nɔm, ke ke muk thoom raan ëbɛ̈n, ku mukkï guöl ë adhääp de yiic wal ŋïr ee nyop agokï tumëtum, kek aye lɔ̈ŋ ee kɔc ɣerpiɔ̈ɔ̈th Nhialic lɔ̈ŋ.

Nyuuth 6:11

Go ke miɔɔc ë lupɔɔ ɣer kedhie, ŋɛk ke këde, ku ŋɛk ke këde, ku acï lɛ̈k keek, an, bïk yök ke ke lɔ̈ŋ tëthiinakäŋ, aɣet të bï kɔckɛn ee kek lïïm ëtök thök ë näk, ayï mïthëkɔcken, kɔc bï nɔ̈k cït man ë kek.

Nyuuth 7:11

Ku kääc tuucnhial kedhie ke ke cï thöönydït geeu, ku geukï röördït ku läi kaŋuan, gokï röt cuat piny ë thöönydït nɔm, ku gutkï kenïïm piny, lamkï Nhialic,

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.

Nyuuth 9:7

Ku täu de kɔyɔm gup acït täu de jöŋgöör cï guik ë këde tɔŋ, ku ceŋkï ka cït gööl ë adhääp ë kenïïm, ku acïtkï nyïïn kɔc.