Nyuuth 4:2 - JAM DE NHIALIC 2011

² Na wën, ke Wëidït ë ke jɔ nyuc ë yaguöp ënɔnthiinë: ku ja thööny tïŋ acï tuɛɛl piny paannhial, ku rɛ̈ɛ̈r Raan ë thööny nɔm.

Nyuuth 4:2 Iomraidhean Croise

1 Mel 22:19

Go Mikaya ŋoot ke jam an, “Ënɔɔnë piɛŋkï kë lueel ë Bɛ̈nydït! Yɛn cï Bɛ̈nydït tïŋ ke rɛ̈ɛ̈r ë thöönyde nɔm paannhial, kekë tuucnhialke ke ke rɛ̈ɛ̈r ë yelɔ̈ɔ̈m

Diɛt 11:4

Bɛ̈nydït anu luaŋdɛn ɣeric, thöny de Bɛ̈nydït anu paannhial. Ku nyïïnke adɛɛikï, ku ayek mïth ke kɔc them, ku aŋickï kë loikï.

Yith 6:1

Në ruöön ɣɔn thouwë melik Yudhia, yɛn cï Bɛ̈nydït tïŋ. Aa rɛ̈ɛ̈r në thööc nɔm nhial, ku lupɔde ë luaŋdït thiɔ̈ɔ̈ŋic ëbɛ̈n.

Jeremia 17:12

Tëɣeric de Bɛ̈nydïïtda acït thöny ë dhuëëŋ, ɣɔn gɔlë käŋ aa kääc në kuur thöny nɔm.

Edhekiɛl 1:26

Në gëlgël nɔm nhial ade kë cït thööc cï looi në kuur cɔl thapiro, ku kë cït raan acï nyuc në yenɔm.

Edhekiɛl 1:28

ku ade yic kïït ke mïït kedhie. Kënë aaye many riau nyooth täu de Bɛ̈nydït.

Edhekiɛl 10:1

Na wën aa tiëŋ gëlgël në cerubiim nïïm nhial, ku ade kë cï thööc cï looi ë thapiro në kenïïm.

Danyel 7:9

Ku të wën daai yɛn, thöc acï keek tääu piny, ku raan pïïr aɣet athɛɛr ya acï nyuc në thööc tök nɔm. Lupɔɔke aɣeerkï cït alath awai, ku nhïmke acïtkï linɔn lɔmot. Ku thööcde acï guiir në cök dɛ̈p, alek bilbil ë mac,

Math 22:43

Go Yecu ke thiëëc an, “Ka eeŋö ye Debid ye tɔ ye ‘Bɛ̈nydït’ në riɛl ë Wëidït? Go Debid lueel an,

Ɣeberuu 8:1

Këdan luelku an, wok de nïïm Bɛ̈nydïït ë kake Nhialic, Bɛ̈ny rɛ̈ɛ̈r ë ciin cuëëny ë thööny ë Awärjäŋ paannhial.

Nyuuth 1:10

Yɛn aa cath wo Wëidït ëkööl ë Bɛ̈nydït, na wën, ke ya piŋ röldïït cït röl ë kaaŋ ë yakɔ̈u ciëën,

Nyuuth 12:5

Go mɛwä dhiëëth, mɛnh bï juöör cieŋ ëbɛ̈n ë thieny wëëth: go mɛnhde gap nhial leer të nu Nhialic, ku të nu thöönydɛndït.

Nyuuth 17:3

Go ya jɔt leer en ë jɔ̈ɔ̈ric në Wëidït: ku ja tik tïŋ ëtɛ̈ɛ̈n, ke rɛ̈ɛ̈r ë lɛ̈n rɛɛc thith kɔ̈u, lɛ̈n cï kɔ̈u thiäŋ ke rin ke lɛ̈ɛ̈t rac, ku ciɛth ke nïïm kadhorou, ku tuŋ kathiëër.

Nyuuth 19:4

Go röördït kathiërrou ku ŋuan ku läi kaŋuan gokï röt cuat piny lamkï Nhialic Raan rɛ̈ɛ̈r ë thöönydït nɔm, ku luelkï an, “Aleluya, Amiin!”

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.

Nyuuth 21:10

Go ya jɔt në riɛl ë Wëidït leer ɛn ë gök de kuurdït bäär nɔm, ku jɔ a nyuöth pänydït ɣeric Jeruthalem, ke bɔ̈ piny paannhial tëde Nhialic,

Nyuuth 21:5

Go Raan rɛ̈ɛ̈r ë thöönydït nɔm lueel, an, “Tiëŋkï, yɛn nyɔk käŋ ë luɔi kedhie!” Go ya yɔ̈ɔ̈k an, “Gäär: luɔi le wëlkë gɔk ku yek yith.”

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,

Nyuuth 4:5

Ku bɔ̈ wilëdeŋ bei ë thöönydïtic ku määrëdeŋ ku kɔc röt. Ku nu mɛ̈ckealath kadhorou ke ke dɛ̈p ë thöönydït nɔm tueŋ, kek aye Wëi ke Nhialic kadhorou.

Nyuuth 4:9

Ku të ye läike Bɛ̈nydït leec ku riëëukï ku luelkï, an, Thieithieei Bɛ̈ny rɛ̈ɛ̈r ë thöönydït nɔm Bɛ̈ny pïïr aɣet athɛɛr,

Nyuuth 5:1

Na wën, ka ya tïŋ awerek ë ciin cuëny de Bɛ̈nydïït ë rëër ë thöönydït nɔm awerek cï gɔ̈ɔ̈ric ku gäär kɔ̈u, ku cï boot në ka cït adɔ̈k kadhorou.

Nyuuth 5:13

Ku këriëëc cï cak ëbɛ̈n, ayï ka nu paannhial, ayï ka nu ë piny nɔm, ayï ka nu ë piny thar, ayï ka nu ë wɛ̈ɛ̈ric, ku ka nu ë keyiic kedhie, acä ke piŋ, ke luelkï an: “Athiɛɛi, ku riëëu, ku dhuëëŋ, ku riɛldït, ë ke tɔ̈u në Raan rɛ̈ɛ̈r e thöönydït nɔm, ku në Nyɔŋamääl, aɣet wadäŋ thɛɛr ya.”

Nyuuth 6:16

Ku yöökkï kurdït kekë kur kor, an, “Lɔ̈ɔ̈nykï ë wonïïm, thiankï wook ë Bɛ̈nydït nyin, Bɛ̈ny rɛ̈ɛ̈r ë thöönydït nɔm, ku në agönhdïït ë Nyɔŋamääl: