Nyuuth 3:5 - JAM DE NHIALIC 2011

⁵ Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.

Nyuuth 3:5 Iomraidhean Croise

Diɛt 109:13

Ku kɔc ke dhiënde abïk aa thou, ago rinke määr ë kɔc nïïm, kɔc bï lɔ̈ɔ̈k bɛ̈n ë yecök ciëën.

Diɛt 69:28

Tɔ rinken cuthë bei në awerek de pïïric, tɔ ke nyiɛɛiyë rin në kuën de kɔc piɛthpiɔ̈ɔ̈th yiic.

Malakai 3:17

Ku lueel ë Bɛ̈nydït de rɛm an, “Abïk aa kɔc piɛthkï, në kööl bï Yɛn luɔi looi. Yɛn bï piɔ̈u kok wo keek arëët cït man ye wun meth piɔ̈u kok ke wëndɛn ee yen ŋiëc luööi.

Math 10:32

Yen tëde ka, raan ëbɛ̈n raan bï a gam ë kɔc nïïm, yen abä gam ayadäŋ ë wäär nɔm wäär nu paannhial.

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Luk 12:8

“Wek yɔ̈ɔ̈k aya an, Raan ëbɛ̈n raan ee ya gam ë kɔc nïïm, yen abïï Wën ë Raan gam aya ë tuuc ke Nhialic nïïm.

Nyöŋ 9:14

Du them luöi bï yïn En jɔ̈ɔ̈ny. Akaar bä keek riɔ̈ɔ̈r nyïïn ë pinynɔm, ago ciën raan bï keek bɛ nyɔk ë täk ananden. Ku yïn bä tɔ ye jur ril aläl awär keek.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 2:11

Raan de yïc, ke piŋ kë lëkë Wëidït ɣööt ke Nhialic. Raan ee tiam acïï thon ee yic rou bï nɔ̈k.

Nyuuth 2:7

Raan de yïc, ke piŋ kë lëkë Wëidït ɣööt ke Nhialic. Raan ee tiam, abä päl cäm ë tim de pïïr, tim nu Paraditho de Nhialic.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 22:19

Ku na de raan bï wël kɔ̈k jɔt ë wël cï guiirë yiic wël ke awerekë, ke biäkde abïï Nhialic jɔt ë awerek de pïïric, ku pänydïït ɣeric, ka cï gɔ̈ɔ̈r ë awerekë yic.

Nyuuth 3:12

Raan ee tiam, abä tɔ ye mën ë luaŋdïït ë Nhialicdï, ku rin ke pänydïït ë Nhialicdï, yen aye Jeruthalem cï piac yïk, abɔ̈ piny tënhial tëde Nhialicdï, ku gäär nɔm rinkiën cï piac cak.

Nyuuth 3:4

Ku yïn de kɔc töktöök Thardith, kɔc kën lupɔɔken tɔ col: ku kɔckë abïk aa cath në yɛn ëtök ke ke ceŋ lupɔ ɣer: luɔi piɛth kek.

Nyuuth 6:11

Go ke miɔɔc ë lupɔɔ ɣer kedhie, ŋɛk ke këde, ku ŋɛk ke këde, ku acï lɛ̈k keek, an, bïk yök ke ke lɔ̈ŋ tëthiinakäŋ, aɣet të bï kɔckɛn ee kek lïïm ëtök thök ë näk, ayï mïthëkɔcken, kɔc bï nɔ̈k cït man ë kek.

1 Tham 17:25

Ku yek lɛ̈k röt kapäc an, “Tïŋ tei ku piŋ kë lueel, acïï melik Thaulo lueel an, bïï raan lɔ yen nɔ̈k gäm ariöp dït arëët. Ku acï lueel an, bïï raan gäm nyande ayadäŋ ke ee tiiŋde. Ku acï baaiden bï bɛ ee tɔ kut athölbö.”