Nyuuth 3:21 - JAM DE NHIALIC 2011

²¹ Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 3:21 Iomraidhean Croise

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Math 25:21

Go bɛ̈nyde yɔ̈ɔ̈k an, ‘Apiɛth, yïn ee lïm piɛth ŋic käŋ döt, yïn ë kalik döt apiɛth, yïn bä tääu ë kajuëc yiic, yïn bï piɔ̈u miɛt wekë bɛ̈nydu ëtök.’

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

Jɔn 13:32

Ku të cï Nhialic gäm dhuëëŋ në yen, ke Nhialic abï Wën ë Raan gäm dhuëëŋ ë yenguöp aya, ku abï dap gäm dhuëëŋ ënɔnthiinë.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

2Tim 2:12

Të ye wo käŋ guum, ke wo bï piny cieŋ në yen ëtök. Të jiɛi wok en, ka bï wo jai aya.

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 2:7

Raan de yïc, ke piŋ kë lëkë Wëidït ɣööt ke Nhialic. Raan ee tiam, abä päl cäm ë tim de pïïr, tim nu Paraditho de Nhialic.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 20:6

Thieithieei në raan ɣeric raan röm ke kɔc ë jön tueŋic jön ë kɔnë kɔc rö jɔt: thon ee kek rou acïn naamde tëde kɔckë, ku abïk aa bäny ke kake Nhialic kekë Kërtho, ku abïk piny aa cieŋ në yen ëtök ë agum de run.

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”

Nyuuth 6:2

Guɔ anyin jɔt, ku ja jöŋgör akuur tïŋ, ku raan rɛ̈ɛ̈r ë yekɔ̈u amuk dhaŋ, ku cï gäm göl ë dhuëëŋ, go lɔ biic ke tiëm, ku bï lɔ ke tiëm.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”