Nyuuth 3:14 - JAM DE NHIALIC 2011

¹⁴ Ku gäär tunynhial de ɣööt ke Nhialic nu Laodikia alë: Kakë aluel Amiin keek, en aye cäätɔ adöt ku ye yic, gɔl ë cäŋ ë ciɛkë Nhialic käŋ:

Nyuuth 3:14 Iomraidhean Croise

Cäk 49:3

“Ruben yïn aye wën kɛ̈idï. Ku yïn aye riɛldï, ku yïn ee këtueŋ de riɛldï. Yïn aye wun dhuëëŋ, ku ye wun riɛl në mïthkï yiic kedhie.

Kɛ̈ŋ 14:5

Cäätɔ yic acie mɛth, ku thoŋ ë cäätɔ alueeth ee thuäär ë lueth.

Kɛ̈ŋ 8:22

“Bɛ̈nydït ee yɛn aa kɔn cak tueŋ në këriëëcdɛn ë ciɛk nɔm ëbɛ̈n ɣɔn thɛɛr.

Yith 55:4

Acä looi ke ye bɛ̈ny, ku ye bɛ̈ny tueŋ de juöör, ku në kueerde yɛn cï riɛldï bɛ̈n nyuöth keek.

Yith 65:16

Raan ëbɛ̈n tɔ̈u ee pinyë raan kɔɔr athiɛɛi, abï aa thieei, në Nhialic Adöt. Raan ee gutguut lueel, ee kuëëŋ në rin ke Nhialic yic. Agööth thɛɛr, abïk lɔ ku märkï kɔc nïïm.”

Jeremia 42:5

Na wën ke lɛ̈kkï yɛn an, “Në Bɛ̈nydït bï aa yic ku ye cäätɔ adöt ë kaamda na cuku lööŋ kedhie lɔ riëëu, lööŋ bï Bɛ̈nydït ke gäm yïn ë biäkda.

Jɔn 1:3

Käŋ kedhie yen aa cak keek, ku acïn kë cï cak ke liiu yen thïn.

Jɔn 8:14

Go Yecu pɔ̈k nɔm keek an, “Na ya cak käŋ lueel në këde yenhde, ke këdï ee yic, yɛn ŋic të ë bä yɛn thïn ayï të la yɛn thïn, ku week, we kuc të ë bä yɛn thïn, ku kuöckï të la yɛn thïn.

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

Nyöŋ 21:17

Abï biäk kaarou dhil gäm wën kɛ̈ide, cakaa nɔn cïï yen ee wën ë tiiŋdɛn nhiɛɛr. Raan abï wën kɛ̈ide dhil ŋic, ku gëm biäkdɛn cïï ë löŋ gäm en.

Kolothai 1:15

Yen acït guöp Nhialic Raan cïï duëërë tïŋ, ku ye kɛ̈ɛ̈i ë ka cï cak ëbɛ̈n.

Kolothai 1:18

Ku yen aye nɔm de guöp, guöp cɔl ɣön ë Nhialic, yen aye gölë käŋ, ee kɛ̈ɛ̈i ë kɔc cï thou yiic, luɔi bï en nu tueŋ ë këriëëc ëbɛ̈n.

Kolothai 2:1

Ku yɛn kɔɔr luɔi bä wek e ŋic biök dïït aa yɛn biök në biäkdun, ku në biäk de kɔc nu Laodikia, ku në biäk de kɔc kɔ̈k kedhie kɔc kën a tïŋ nyin ë guöpic.

Kolothai 4:16

Ku të cï awerekë kueenic ë weyiic, takï kuen ë ɣön ë Nhialic de kɔc ke Laodikia yic aya, ayï week, we bï këde Laodikia kueenic aya.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.

Nyuuth 2:1

Gäärë tunynhial de ɣön ë Nhialic nu Epetho alë: Kakë aluel raan keek, raan muk kuɛl kadhorou ë ciin cuënyde, raan cath ë kuc ke mɛ̈ckealath ë adhääp kadhorou yiic cil:

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 22:13

Yɛn aye tueŋ ku ya ciëën, göl ë käŋ ku thök ë käŋ.”

Nyuuth 22:6

Go ya yɔ̈ɔ̈k, an, “Wëlkë alek gɔk ku yek yith. Ku Bɛ̈nydït Nhialic de tït ɣerpiɔ̈ɔ̈th, yen aa toc tunynhialde, le lïïmke nyuöth ka bï dhil dap tïc.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: