Nyuuth 22:9 - JAM DE NHIALIC 2011

⁹ Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë tït mïthëkɔckun, ku kɔc ee wël ke awerekë döt: ye Nhialic lam!”

Nyuuth 22:9 Iomraidhean Croise

2 Mel 17:36

Wek bï Ya riëëu Yɛn Bɛ̈nydït, Raan ë bïï we bei në Rip në riɛldïït, ku ciindɛn ril, we bï guŋ ë Yanɔm, ku bäk Yɛn aa näk miɔ̈c.

Diɛt 45:11

Läkdun abï we tɔ kɔɔr ë melik, në luöi yen bɛ̈nydun, yak riëëu.

Bɛ̈n 34:14

“Duökï de yanh däŋ lamkï pei, në luɔi Ye Bɛ̈nydït Nhialic mantil.

Math 4:9

go yɔ̈ɔ̈k an, “Kake kedhie abä ke gam yïn, të cï yïn rɔ cuat piny ku lam ɛn.”

Luk 4:7

Ku yïn, na lam ɛn, käŋ kedhie abïk aa kaku.”

Nyöŋ 4:19

Ku të cä wek nhial lieec ku tiëŋkï akɔ̈l kekë pɛɛi ku kuɛl, ku ka nu nhial kedhie, duökï röt bï tɔ them, aguɔkï keek lam. Acïï Bɛ̈nydït Nhialicdun keek gäm juöör kɔ̈k ë pinynɔm bïk keek aa lam.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.

Nyuuth 1:1

NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k:

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 14:7

ku lueel ë röl dït, an, “Riëëukï Nhialic, ku lɛckï nɔm: thaar bï en löŋ guiir kï, cï bɛ̈në: jakï Raan lam Raan ë cak nhial ku ciɛk piny ku wɛ̈ɛ̈r ku awɛɛŋ ke piëëu!”

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 19:10

Guɔ rɔt cuat piny ë yecök, an, ja lam. Go ya yɔ̈ɔ̈k, an, “Acie yen! Yɛn ee lïm wo yïn ëtök, ku ya lïm wokë mïthëkɔckun ëtök kɔc ee ya cäätɔɔ ee jam de Yecu döt: ye Nhialic lam!” Wëi ke guiëërëwël kek aye cäätɔ luel këde Yecu.

Nyuuth 22:10

Go ya yɔ̈ɔ̈k, an, “Du wël cï guiir bot thook wël ke awerekë, piny acï thiɔ̈k.

Nyuuth 22:18

Yɛn lëk raan ëbɛ̈n raan ë wël cï guiir piŋ wël ke awerekë yic, an, Na de raan bï wëlkë ŋuak ë wël kɔ̈k, yen abïï Nhialic ŋuak ë riääk cï gɔ̈ɔ̈r ë awerekë yic.

Nyuuth 22:7

Ya kï, bɔ̈yë ënɔɔnë. Thieithieei raan ë wël cï guiir döt wël ke awerekë yic.

Nyuuth 4:10

ke röördït kathiërrou ku ŋuan ke ke ye röt jɔ cuat piny ë Bɛ̈nydït nɔm Bɛ̈ny rɛ̈ɛ̈r ë thöönydït nɔm, ku yek Bɛ̈nydït lam Bɛ̈ny ë pïïr aɣet athɛɛr ya, ku yek göölkɛn ë dhuëëŋ cuat ë thöönydït nɔm tueŋ, ku yek lueel an,

Nyuuth 9:20

Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath: