Nyuuth 22:17 - JAM DE NHIALIC 2011

¹⁷ Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.

Nyuuth 22:17 Iomraidhean Croise

Diɛt 34:8

Them tei, ku tïŋ luɔi piɛth de Bɛ̈nydït. Thieithieei në raan ye Bɛ̈nydït gël.

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 2:3

Ku abï kɔcke aa lueel an, “Bäkkï, lokku ë kuur ë Bɛ̈nydït nɔm të nu ë Luaŋdïït de Nhialic de Yithriɛl thïn, ku ëtɛ̈ɛ̈n abï wo nyuöth kë buk looi, wok bï cath në kueerdɛn cï lɔcic. Në biäk ye wëët ë Bɛ̈nydït bɛ̈n ë Dhiɔn, në Jeruthalem yen En jam ke kɔcke.”

Yith 2:5

Ënɔɔnë wek kuat ë Jakop, jɔku cath në ɣɛɛric, ɣɛɛr cï gäm wook në Bɛ̈nydït!

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Edhekiɛl 47:1

Go raan a bɛ lɛɛr ciëën në kueer lɔ kueer Luaŋdït. Pïïu ayek wɛ̈t bei në kal thar ke ke lɔ në biäk të lɔ aköl amiäk të wel ë Luaŋdït yethok thïn. Aake wɛt piny. Pïïu awɛtkï piny në Luaŋdït thar biäk de wöuwic të lɔ yïk.

Maika 4:2

Juöör juëc abïk aa bɛ̈n ku luelkï an, “Bäkï, lok nhial në kuur ë Bɛ̈nydït nɔm, lokku Luaŋdït de Nhialic de Yithriɛlic. Löŋ de Bɛ̈nydït aye wɛ̈ɛ̈t në Jeruthalem Lokku ke bï wo lɔ nyuöth kuɛɛrke, ke buk keek kuany yiic, në Dhiɔn yen aye kɔcke wɛ̈ɛ̈t thïn.

Jɔn 1:37

Go kɔc piööcë kë kaarou gokï piŋ, të jiɛɛm en, agokï Yecu kuany cök.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:11

Go tik lueel an, “Bɛ̈ny, yïn cïn kën ee yïn gem, ku yith amec thar, bä pïïu pïïrë yök tënou?

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 4:29

“Bäkï tiëŋkï raan cï a lɛ̈k käŋ kedhie ka cä looi ëcaŋɣɔn: cïï dhil aa Kërtho ee kënë?”

Jɔn 7:37

Na wën, ëkööl thöökë dhuëëŋ, yen aye kööl dït, ke Yecu kääc ku cööt an, “Të de yen raan cï yal, në bɔ̈ tëde yɛn, bï bɛ̈n dek.

Romai 3:24

Ku aye ke tɔ piɛthpiɔ̈ɔ̈th youyou në dhuëëŋ de yenpiɔ̈u në wëër cï ke wɛ̈ɛ̈r bei ë Kërtho Yecu yic,

1 Kor 2:12

Ku wok aa cïï gɛ̈më wëi ke piny nɔm, ee wëi ë bɔ̈ tëde Nhialic kek aa gɛ̈më wook, luɔi bï wo käŋ ŋic ka cïï Nhialic gäm wook ëdhuëëŋ.

Nyuuth 14:13

Guɔ röl ë raan piŋ röl bɔ̈ nhial, lueel, an, “Gäär, an: Thieithieei ë kɔc bï thou ë Bɛ̈nydïtic gɔl ënɔɔnë aɣet wadäŋ!” “Ɣɛɛ, ee yic, alueel Wëidït, në ke lɔ̈ŋ në luɔidɛn tuc, ku luɔidɛn cïk looi ee keek biɔɔth cök.”

Nyuuth 2:7

Raan de yïc, ke piŋ kë lëkë Wëidït ɣööt ke Nhialic. Raan ee tiam, abä päl cäm ë tim de pïïr, tim nu Paraditho de Nhialic.

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 21:9

Na wën, ke tunynhial bɔ̈ tunynhial tök në tuuc kadhorou yiic tuuc wën cath ë guöl kadhorou, guöl cï thiäŋ ë ka ye piny riɔ̈ɔ̈k kadhorou ka bɔ̈ ciëën, bï ku jiɛɛm ke yɛn, lueel, an, “Bä eenë, yïn bä nyuöth nyan thiak, tiiŋ de Nyɔŋamääl.”

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”