Nyuuth 22:15 - JAM DE NHIALIC 2011

¹⁵ Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Nyuuth 22:15 Iomraidhean Croise

1 Mel 22:8

Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

Kɛ̈ŋ 12:22

Liem ee lueth töör ee gök de kërɛɛc mɛɛn Bɛ̈nydït, ku anhiaar kɔc ee luui apiɛth.

Kɛ̈ŋ 7:27

Të le yïn ë nɔm thɛm ɣönde, ka yïn cï kueer ë paan ë thuɔɔu dɔmic. Thondu acïï mec.

Yith 47:12

Muk wal ku tiim ke yiëthku kedhie, yïn aaye lui në gɔl të wään ee yïn meth. Tak däŋ bïï dɛ të bï kek yïn kony, tɛk däŋ bä kɔckuön ke ater riääc ë keek.

Yith 47:9

Ku në kaam koor në kööl tök yic, kakë kaarou abïk tuöl. Cakaa nɔn ye yïn lui në yiëth yïn bï nɔm ciën moc ku mïth.

Yith 57:3

Bäkkï ee tënë bïï löŋdun bɛ̈n guiir wek kɔc ke awɛ̈ɛ̈c! Wek cïï ŋuän në tït, ku röör akɔɔrdiäär ku diäär akɔɔrröör.

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Math 7:6

“Këpiɛth ɣeric duökï ee yiɛ̈n jɔ̈k, ayï waŋguurkuön tuc ë ɣööcden duökï keek ë cuat kudhuur nïïm, ke ke cïï ke bï dum ë kecök, agokï kenïïm bɛ puk, guutkï week.

Math 8:12

Ku wɛ̈ɛ̈t ke ciɛɛŋ abïï ke cuat tëcool nu biic ya, tɛ̈ɛ̈n abï dɛ dhiëëu ku ŋëny de lec.”

Jɔn 8:46

Eeŋa në weyiic raan duëër a jɔ̈ɔ̈ny në baŋ de kërac? Ku na luɛɛl yic, eeŋö cä wek a gam?

Luɔi 8:11

Aake ye këde piŋ, luɔi cï en keek tɔ gäi në thuɛ̈th ë yen thuëth ëcaŋɣɔn.

Nyöŋ 23:18

Ku ayï wëu ye keek bɛ̈ɛ̈i në kueer cït ee kënë, acïï keek bï aa lɛɛr ë Luaŋdïït de Bɛ̈nydït Nhialicden, ke ye miɔ̈c de gutguut, Bɛ̈nydït aman akɔɔrröör ku akɔɔrdiäär de Luɛ̈k yiic.

Pilipoi 3:2

Yak röt tiit ë jɔ̈k, yak röt tiit ë kɔc ee kërac looi, yak röt tiit ë kɔc ë röt tɔ ye aŋueel.

Kolothai 3:6

Ee biäk de kakë yen abï agönh ë Nhialic ë kɔc reec gäm nïïm.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

Nyuuth 18:23

ku ɣɛɛr ë manyëalath acïï piny bï bɛ aa riaau ë yïyic ëtaitai, ayï röl ë monythiëk kekë nyan thiak acïï bï bɛ aa piŋ ë yïyic ëtaitai: ajalɛɛpku aake ye bänydït ke piny nɔm, ku ë adhuɛ̈ɛ̈thdu en aaye juöör math ëbɛ̈n!”

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”