Nyuuth 22:14 - JAM DE NHIALIC 2011

¹⁴ Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.

Nyuuth 22:14 Iomraidhean Croise

Cäk 2:9

Ago Bɛ̈nydït Nhialic tiim piɛth ëbɛ̈n tɔ cil Domic, tiim ee kɔc diir. Ku tɔ ke lok në mïth piɛth. Ku tim de pïïr aa tɔ̈u Domic cil ayadäŋ, ku tim de ŋïny ë käŋ, kapiɛth ku karɛc.

Cäk 3:22

Go Bɛ̈nydït Nhialic lueel në yepiɔ̈u an, “Tïŋ ënɔɔnë, raan ë jɔ ciët wook, ë käŋ ŋic, kapiɛth ku karɛc. Acä bï bɛ tɔ cam mɛnh ë tim ë pïïr, ke cï bï bɛ pïïr aɣet athɛɛr.”

Diɛt 112:1

Lɛckï Bɛ̈nydït! Thieithieei ë raan ë Bɛ̈nydït riëëu, raan ee miɛtëpiɔ̈u yök në riëëu de lööŋke.

Diɛt 118:20

Kënë yen aye kueer de Bɛ̈nydït, ee kɔc piɛthpiɔ̈ɔ̈th kek abï tëëk thïn.

Bɛ̈n 19:10

Go Bɛ̈nydït lɛ̈k en an, “Lɔ tëde kɔc, lɔ tɔ ke nöm ee köölë ku miäk ke ke wak kegup, ku wakkï lupɔɔken.

Danyel 12:12

Thieithieei në kɔc bï döŋ ke ke ye piɔ̈ɔ̈th adööt agut të le nïn agum ku bot kadiäk ku thiërdiäk ku dhïc 1,335 wan!

Jɔn 10:7

Go Yecu ke bɛ yɔ̈ɔ̈k an, “Wek yɔ̈ɔ̈k ëyic an, Yɛn ee agäu thok, agäu ë thök.

Jɔn 10:9

Yɛn ee agäu thok: raan tëk le thïn në yɛn, ka bï kony wëi, go ya lɔ thïn ku le biic, ago wal aa yök.

Jɔn 14:15

Të nhiaar wek ɛn, ke we döt lööŋ thɔ̈n week.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 4:12

Dït awär kuɛɛrdan Jakop, raan ë gëm wook yith, ku ye dek ë ye, yen, ku mïthke, ku ɣɔ̈kke?”

1 Kor 7:19

Cuɛ̈l acïn naamde, ku luɔi kënë raan cueel acïn nɔm, ee muŋ ë raan lööŋ ke Nhialic muk, en ade naamde.

1 Kor 8:9

Yak röt tiit, duökï riɛlduönë tɔ ye kë bï kɔc kɔ̈c tɔ wäc käŋ.

1 Kor 9:5

Cuku nïïm de riɛl bï wok cath në tik, nyankënëda, acït man ë tuuc kɔ̈k aya, ayï wɛ̈ɛ̈tamäthken ë Bɛ̈nydït, ayï Kepath?

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.

1 Jɔn 5:3

Nhiëër ë Nhialic kï, dön ee wok lööŋke döt: ku lööŋke acïkï ril.

Nyuuth 2:7

Raan de yïc, ke piŋ kë lëkë Wëidït ɣööt ke Nhialic. Raan ee tiam, abä päl cäm ë tim de pïïr, tim nu Paraditho de Nhialic.

Nyuuth 21:12

Ku acï geeu ë gök de kal bäär, ku ade thook kathiëër ku rou, ku kääc tuucnhial kathiëër ku rou ë thook ke kal, ku thook ke kal acï ke gäär kɔ̈ɔ̈th rin, rin ke dhiëën ke wɛ̈ɛ̈t ke Yithriɛl kathiëër ku rou.

Nyuuth 21:27

Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.

Nyuuth 22:7

Ya kï, bɔ̈yë ënɔɔnë. Thieithieei raan ë wël cï guiir döt wël ke awerekë yic.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.