Nyuuth 21:4 - JAM DE NHIALIC 2011

⁴ ku abï pïïu ke kenyïïn weec ë kenyïïn kedhie, ku thuɔɔu acïï bï be nu, ayï jiɛthëpiɔ̈u, ku dhiëëu, ku arɛɛm, acïkï bï bɛ nu: ka tueŋ acïk jäl ëliŋliŋ.”

Nyuuth 21:4 Iomraidhean Croise

Diɛt 144:4

Acït awuööu de yom, nïnke acïtkï atïm tëëk.

Yith 25:8

Ku Bɛ̈nydït Awärjäŋ abï thuɔɔu riɔ̈ɔ̈k aɣet athɛɛr! Abï pïïu wɛɛc wei ë kɔc nyïïn kedhie, raan ëbɛ̈n, ku nyiɛɛi ayär cïï kɔcke nuan ë piny nɔm ëbɛ̈n. Acïï Bɛ̈nydït lueel guöpde!

Yith 30:19

Wek kɔc rɛ̈ɛ̈r ë Dhiɔn, kɔc ceŋ Jeruthalem, wek cïï dhiëëu bï bɛ nyɔk anandun. Bɛ̈nydït ee piɔ̈u kok, ku të la wek dhiau ke we kɔɔr kuɔɔny, abï këdun bɛ̈ɛ̈r.

Yith 35:10

Abïk ɣet Jeruthalem ke ke mitpiɔ̈ɔ̈th, ke ke kët ku yek kiɛɛu de miɛtëpiɔ̈u moc. Abïk piɔ̈ɔ̈th miɛt aɣet athɛɛr, ku abïk nïïm ciɛ̈n dhiënëpiɔ̈u kekë jiɛthëpiɔ̈u aɣet athɛɛr.

Yith 51:11

Kɔc ɣɔn ca ke kony, abïk ɣet Jeruthalem në miɛtëpiɔ̈u, ke ke kët ku wuoukï në miɛtëpiɔ̈u. Abïk piɔ̈ɔ̈th miɛt aɣet athɛɛr, abïk nïïm lääu aɣet athɛɛr të cïn dhiëëu ku jiɛthëpiɔ̈u.

Yith 60:20

Aköölkuön ke dhiëëu abïk thök. Bɛ̈nydït abï aa ɣɛɛrduön athɛɛr, ku abï tɔ̈u ë ceŋ awär akɔ̈l kekë pɛɛi.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Jeremia 31:12

Abïk bɛ̈n ku kitkï diɛt ke miɛtëpiɔ̈u ë kuur ë Dhiɔn nɔm, ku abïk piɔ̈ɔ̈th miɛt ë miɔ̈cdï, miɔ̈c ë rap, ku mɔ̈u ku miök de olip, miɔ̈c de thök ku ɣɔ̈k. Abïk ciët dom cï ŋiëc piɔɔk, abïk këdɛn kɔɔrkï ëbɛ̈n aa yök.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

Math 24:35

Tënhial abï nyai ayï piny, ku wëlkï acïkï bï nyai ananden.

1 Kor 15:26

Raan de ater raan bï tɔ cïn naamde ë käŋ cök ciëën, yen aye thuɔɔu.

1 Kor 7:31

ayï kɔc ë ka ke pinyë nɔm looi, ë ke ye käŋ looi ku cïkï kepiɔ̈ɔ̈th tum keek: täu de piny nɔm ënɔɔnë akɔɔr luɔi bï en jäl.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Ɣeberuu 12:27

Ku kë lueel e jamde niëŋ bï rɔt nyɔk anyooth luɔi bï ka cï cak nieeŋ ku nyiɛɛi yë ke, ago ka cïï duëër ë nieeŋ döŋ.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

1 Jɔn 2:17

Ku piny nɔm akɔɔr jäl, ayï ŋɔ̈ɔ̈ŋde aya: ku raan ee këde piɔ̈n ë Nhialic looi ee tɔ̈u athɛɛr.

Nyuuth 20:13

Ku päl wɛ̈ɛ̈r kɔc cï thou nu ë yeyic, ku päl thuɔɔu ku paan ë thuɔɔu kɔc nu ë keyiic: go löŋden guiir ŋɛk ke këde luɔide ku ŋɛk ke këde luɔide.

Nyuuth 20:14

Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.

Nyuuth 21:1

Na wën, ke ya tïŋ paannhial cï piac cak ku piny cï piac cak, luɔi cï paannhial tueŋ jäl ayï piny tueŋ: ku acïn wɛ̈ɛ̈r be nu.

Nyuuth 22:3

Ku acïn aciɛɛn bï bɛ nu ë pänydïtic. Ku thöönydïït ë Nhialic kekë Nyɔŋamääl abïk nu thïn: ku abïï lïïm ke aa lam.

Nyuuth 7:17

Nyɔŋamääl nu ë thöönydïtic cil abï keek aa tiit, ku ye ke kuaath të nu awɛŋ ke pïïu ke pïïr, ku Nhialic abï pïïu aa weec ë kenyïïn kedhie.”