Nyuuth 21:3 - JAM DE NHIALIC 2011

³ Guɔ röl dïït ë raan piŋ abɔ̈ paannhial, lueel, an, “Tiëŋkï, paany de Nhialic atɔ̈u ke kɔc, ku abï rëër ke keek, agokï aa kɔcke, ku Nhialic guöp abï tɔ̈u ke keek, ago aa Nhialicden:

Nyuuth 21:3 Iomraidhean Croise

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

2 Lëk 6:18

“Ee yic Bɛ̈nydït duëërë rëër ë tök wekë röör ku diäär ë piny nɔm? Ei, acakaa paannhial acï yic lääu arëët arëk abï Yïn lɛɛr, ka Luaŋdït cä yïkë, duëër Yïn jɔ lɛɛr adï?

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Bɛ̈n 29:45

Ku Yɛn bï ya Nhialic de kɔc ke Yithriɛl, ku Yɛn bï rëër në keyiic.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Jeremia 32:38

Ku abïk aa kɔckï, ku Yɛn bï aa Nhialicden.

Edhekiɛl 37:27

Yɛn bï rëër ëtɛ̈ɛ̈n wo keek, ku Yɛn bï aa Nhialicden ku abïk aa kɔckï

Edhekiɛl 43:7

“Yïn Mɛnh ë raan, kënë ee thöönydï. Yɛn bï rëër eenë në baai de Yithriɛl yic, ku bä tɔ̈u ë kenïïm aɣet athɛɛr. Ku acïn raan bï rinkiën ɣeriic bɛ yɔ̈ɔ̈r gup, në läm ye kek yiëth kɔ̈k lam, ku nɔn tɔ̈ukï gup ke meliikkɛn cï thou eenë, në kɔc ke Yithriɛl yiic ku nɔn yen meliikken.

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Dhek 8:8

ku abä keek bɛ̈ɛ̈i ciëën piny të lɔ aköl amiäk ku aköl athɛ̈i, ku abïk bɛ̈n rɛ̈ɛ̈r ë Jeruthalem. Abïk aa kɔckï, ku yɛn bï ya Nhialicden. Ku abä keek cieŋ në yic, ku piathëpiɔ̈u.

Kuɛ̈n 9:16

Ku ë rɔt bɛ̈n cuuth aya në aköölkë yiic kedhie ke ye luät paat piny aköl, na wakɔ̈u ke riau cït man ë mac.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”

1 Theth 3:11

Ënɔɔnë, ee Nhialic guöp, yen aye Wääda, kekë Bɛ̈nydan Yecu Kërtho, ë ke nyuth wo kueerdan lɔ tëde week:

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Ɣeberuu 8:10

Acï Bɛ̈nydït lueel an, Ënɔɔnë Yɛn lëk baai de Yithriɛl an: Kënë ee löŋ de akööl bï bɛ̈n, akööl bän ke thiɔ̈ɔ̈ŋ në lööŋkï abïk kuɛth ëye, abä ke tääu ë kepiɔ̈ɔ̈th. Yɛn bï ya Nhialinyden, ku keek abïk aa kɔckï.

Ɣeberuu 8:2

Yen ayadäŋ alui ke ee Bɛ̈ny ee kake Nhialic tëɣeric aläl looi ë paanyic paannhial, ku ë paany lɔ̈ŋë Bɛ̈nydït Nhialic Yen aa yïk en apiɛth awär kë ë yïk ë raan.

Nyuuth 10:4

Na wën, aacï deŋ määr raandhorou, ke yɛn, an, gäär: guɔ röl piŋ abɔ̈ nhial röl luel en, an, “Mony kak ë lueel määrëdeŋ kadhorou du ke gäär!”

Nyuuth 10:8

Go röl wën cä piŋ ke bɔ̈ nhial, go bɛ jam ke yɛn, an, “Lɔ, nöm awerek thiin nu ë tunynhial ciin tuny kääc ë wɛ̈ɛ̈ric ku piny.”

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.

Nyuuth 22:3

Ku acïn aciɛɛn bï bɛ nu ë pänydïtic. Ku thöönydïït ë Nhialic kekë Nyɔŋamääl abïk nu thïn: ku abïï lïïm ke aa lam.

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.