Nyuuth 21:27 - JAM DE NHIALIC 2011

²⁷ Ku acïn kënhiɛɛny bï lɔ thïn ëliŋliŋ, ayï raan ee kënhiany looi, ayï raan ee lueth töör: ee kɔc cï gɔ̈ɔ̈r rin në awerek de Nyɔŋamäälic awerek de pïïr keek kapäc kek abï lɔ thïn.

Nyuuth 21:27 Iomraidhean Croise

Diɛt 101:8

Aköölnyïïn ëbɛ̈n yɛn bï kɔc ee karɛc looi nɔ̈k pinyda, ku yɛn bï kɔc ee karɛc looi ëbɛ̈n cuɔp wei ë pänydïït de Bɛ̈nydït yic.

Bɛ̈n 32:32

Pälë ke kërɛɛcden Bɛ̈nydït, na cïï ke bï päl awänyden, ke yï bïï ɛn rin bei në awerekduön cï kɔcku gäär rin thïn.”

Yith 35:8

Abï dɛ kueer lääuwic ëtɛ̈ɛ̈n, abï cɔɔl an, “Kueer de Ɣɛɛrë Yic.” Acïn raan ee karɛc looi bï cath ee kueerë, ku acïn raan piɔlpiɔ̈u bï kɔc yal wei ë kueerë yic.

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Edhekiɛl 44:9

“Yɛn Bɛ̈nydït Awärjäŋ, yɛn aa lueel en, an acïn alen kënë cueel, ku cin raan cïï yɛn ee riëëu bï lɔ tëdiën ɣeric, na cakaa alen rɛ̈ɛ̈r në kɔc ke Yithriɛl yiic.”

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Lebai 13:46

Yen ee raanë, abï guöp dɛ acuɔl, në ë kaamdɛn de yen guöp wɛth, ku abï dhil rëër yetök në wut këc biic.

Dhek 14:21

Töny ke thät ëbɛ̈n, töny nu ë Jeruthalem ku töny ë Juda abïï keek tɔ̈ɔ̈u pei, bï ke aa luui në läm de Bɛ̈nydït de rɛm, abïï kɔc ee miɔ̈c cï nɔ̈k gam aa luui në keek, thɛɛl kek rïŋ de miɔ̈c cï nɔ̈k. Të le ee köölë bɛ̈n abï ciën raan ee käŋ ɣaac bï bɛ nu Luaŋdït de Bɛ̈nydït de rɛm yic.

Kuɛ̈n 12:15

Go Miriam lɛɛr roor wut këc në nïniic kadhorou, ku rɛɛr wut ë të töŋë abï kɔn puɔ̈k nɔm wut.

Kuɛ̈n 5:3

Bɛ̈ɛ̈ikï ke bei kedhie röör ayï diäär, ku lɛɛrkï keek në wut këc, wunduön cäk piäät, ke ke cïï wun rɛ̈ɛ̈r ɛn thïn bï riɔ̈ɔ̈k, wun rɛ̈ɛ̈r Ɛn thïn në weyiic.

Math 13:41

Wën ë Raan abï tuuckɛn nhial tooc, ku abïk käŋ kuɛ̈ny bei ë ciɛɛŋdeyic kedhie ka ye kɔc tɔ loi kërac ayï kɔc ë kërac looi.

Mak 7:2

Ku acïk kɔc kɔ̈k ë kɔckɛn ë piööcë tïŋ ke ke ye kuïn cam ë ke rac cin, yen aye cin kënë piny.

Luk 10:20

Ku duökï piɔ̈ɔ̈th mit në ee cöökë an, ye jɔɔk rac këdun gam, aŋuän luɔi bä wek piɔ̈ɔ̈th miɛt në gäär cï rinkun gɔ̈ɔ̈r paannhial.”

Epethiei 5:5

Kënë aŋiɛckï ëgɔk an, acïn raan ee diäär kɔɔr, ku cïn tiiŋ ee röör kɔɔr, ku cïn raan ee luɔi col looi, ku cïn raan ee kalei woi, yen aye raan ee yath lam, acïn raan ë keyiic, raan bï dɛ kë bï lɔ̈ɔ̈k lak ë Ciɛɛŋ de Kërtho yic kekë Nhialic.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

2 Pet 3:13

Ku wook, acït man cï en e kɔn lɛ̈k wook, wok tit tënhial bï piac cak, ku piny bï piac cak aya, piny rëërë piathëpiɔ̈u thïn.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 20:12

Guɔ kɔc cï thou tïŋ, kɔc kor ayï röördït, ke ke kääc ë Nhialic nɔm, na wën, ke awereek ë ke pet yiic: ku pet awerek däŋic, awerek de pïïr: go löŋ de kɔc cï thou guiir në ka cï gɔ̈ɔ̈r ë awereek yiic në këde luɔidɛn cïk looi.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 3:5

Raan ee tiam ka bï yiëk kɔ̈u lupɔɔ ɣer aya, ku rinke acä ke bï cuöth bei ë awerek de pïïric, ku rinke abä ke gam ë Wäär nɔm, ku tuuckɛnnhial nïïm.