Nyuuth 21:12 - JAM DE NHIALIC 2011

¹² Ku acï geeu ë gök de kal bäär, ku ade thook kathiëër ku rou, ku kääc tuucnhial kathiëër ku rou ë thook ke kal, ku thook ke kal acï ke gäär kɔ̈ɔ̈th rin, rin ke dhiëën ke wɛ̈ɛ̈t ke Yithriɛl kathiëër ku rou.

Nyuuth 21:12 Iomraidhean Croise

2 Lëk 9:19

Ku giɛɛt de kɔ̈ɔ̈r kathiëër ku rou anukï tëde akem cï tääu të ye kɔc lɔ nhial, tök anu ë biäk töŋ de akem. Acïn thööc cït ee kënë cï kɔn looi në ciɛɛŋ kɔ̈k yiic.

Edhr 9:9

Na ciɛk aa nɔn ye wok lïïmë, ke Nhialicda akën wook päl ëtɛ̈ɛ̈n, Yïn ë Meliik ke Perthia tɔ nyuth wo nhiëërduön agɔk, ku bïk ŋoot ke ke tɔ wook rɛ̈ɛ̈r në miɛtëpiɔ̈ndan thɛɛric, ku tɔkï wo be ɣönduön wään cï riääk nyɔk ë yïk, ku gëlkï wook ee tënë ë Jeruthalem ku Juda ëbɛ̈n.

Neɣe 12:27

Ɣɔn gëmë Nhialic kal ë pänydït de Jeruthalem cï piac looi, kɔc ke Lebai aake cï bɛ̈n lɔ bɛ̈ɛ̈i ɣäänkɛn rëër kek thïn, në biäk bïï kek röt bɛ̈n mat ë dhuëëŋ dïït de kal gëmë Nhialic bï thieei agokï kake miɛtëpiɔ̈u looi në kiët kiit kek diɛt ke piɔ̈ny ku lec leecë Nhialic nɔm në lɔ̈r ku thom ku kɛŋ.

Diɛt 122:7

Në mät ë tɔ̈u ë kaldu yic ku bï ɣööt ke bääny yiic dɛ mät.”

Diɛt 51:18

Nhialic tɔ Yïpiɔ̈u kok wekë Dhiɔn, ku kuɔnyë bɛ ë päny de Jeruthalem nyɔk në yïk.

Bɛ̈n 28:21

Ku gäärë rin ke wɛ̈ɛ̈t ke Jakop kathiëër ku rou në ee kurkë kɔ̈ɔ̈th kathiëër ku rou, abïk ciët guela, kuur tök kɔ̈u ke rin ke wën tök, bïk dhiëën ke Yithriɛl aa nyuɔɔth.

Yith 54:12

Yɛn bï alocku yïk në kɔi lɔ bilbil, ku thook ke kɛ̈lku abï ke yïk në kur dɛ̈p cï mac, ku yïk päny cï ye gɛɛu cil në kuur läk.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 16:22

Na wën, ke raan kuany nyin thou, ku jɔt ë tuucnhial leerkï ë Abraɣam yɔu. Ku jɔ raan cuai thou aya, go thiɔ̈k,

Luɔi 26:7

ku dhiëënkuɔ kathiëër ku rou kek aye jamë ŋɔ̈ɔ̈th, luɔi bï en aa yic, ku yek Nhialic lam arëët aköl ku wakɔ̈u. Në baŋ de aŋäthë, yïn melik Agiripa, yen a gɔɔnyë Judai yɛn ee köölë.

Ɣeberuu 1:14

Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

Nyuuth 21:13

Biäk lɔ aköl amiäk ade thook kadiäk, ku biäk lɔ rutë ade thook kadiäk, ku biäk lɔ wöuwicë ade thook kadiäk, ku biäk lɔ aköl athɛ̈i ade thook kadiäk.

Nyuuth 21:15

Ku tunynhial wën jam ke yɛn aa muk wai ë adhääp bï en dït ë pänydït bɛ̈n them, ku them dït ë thook ke kal ku dït ë kalde.

Nyuuth 21:25

Ku thok ke kalde acïkï bï aa thiöök aköl ananden, ku piny abï ciën wakɔ̈u ëtɛ̈ɛ̈n.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.