Nyuuth 20:8 - JAM DE NHIALIC 2011

⁸ ku abï lɔ biic le juöör math juöör nu ë piny biäk ee yic ŋuan, Gok ku Magɔk, le ke kut nïïm në këde tɔŋ: kɔc cït ë kuënden liɛɛt ë abäpdit.

Nyuuth 20:8 Iomraidhean Croise

1 Mel 4:20

Kɔc ke Juda ku Yithriɛl aake cï juëc abïk ciët liɛɛt ë wɛ̈ɛ̈r yɔu, aake ye cam ku dëkkï ku mitkï piɔ̈ɔ̈th.

2 Lëk 18:21

Go wëi pɔ̈k nɔm en, an, ‘Yɛn bï lɔ bä tït ke Aɣap tɔ lɔ tör lueth.’ Go ë Bɛ̈nydït lueel an, ‘Lɔɔr mathë Aɣap. Yïn bï tiam.”’

Yith 10:22

Cakaa nɔn juëc ë kɔc ke Yithriɛl ënɔɔnë cït liɛɛt ë wɛ̈ɛ̈r yɔu, ee kɔc lik kek abï lɔ bɛ̈n ciëën. Në biäk cïï riääk thiäŋ ke piathëpiɔ̈u täu keek ku arɔ̈ŋ ke keek ë liŋliŋ.

Jeremia 33:22

Yɛn bï kuën de käu de awundï Debid ŋuak nyïïn ku ŋuak kuën de bäny de kakë Nhialic ke dhiën ë Lebi, ago yic riɛl në kuën bï ë keek kueen, cït man cïï ë raan kuɛl nhial duëër kueen, ku nɔn ee rap ku liɛɛt nu ë wɛ̈ɛ̈r yɔu.”

Edhekiɛl 38:1

Go jam de Bɛ̈nydït bɛ̈n tëde yɛn an:

Edhekiɛl 38:2

“Mɛnh ë raan, rɛɛcë Gok, bɛ̈ny tueŋ de cieŋ juöör ke Mecek ku Tubal nu piny de Magɔk, rɛɛcë,

Edhekiɛl 39:1

Acïï Bɛ̈nydït Awärjäŋ lueel an, “Mɛnh ë raan, rɛɛcë Gok, bɛ̈ny tueŋ cieŋ juöör ke Mecek ku Tubal, ku lɛ̈kë yen nɔn yɛn raan de aterde.

Edhekiɛl 39:6

Yɛn bï piny de Magɔk ɣaak, ku në Abäpdit yɔu të wën ee kɔc rëër ke cïn ke nuan keek, ku abïï raan ëbɛ̈n jɔ ŋic nɔn ee Yɛn Bɛ̈nydït.

Edhekiɛl 7:2

“Mɛnh ë raan lueel yen kë luɛɛl kï Yɛn Bɛ̈nydït Awärjäŋ, alɛ̈k kɔc ke Yithriɛl: yen thiök de piny ëbɛ̈n kï!

Ɣeberuu 11:12

Ku ëtɛ̈ɛ̈n në mony tökic, Abraɣam, ke cït kë cï thou në biäk ë cïn en riɛl bï yen mïth yök, acïï mïth juëc bɛ̈n bei në yeguöp, mïth cït ë kuënden kuɛl nhial ku cïtkï liɛɛt ë wɛ̈ɛ̈r yɔu cïï lëu në kuɛ̈n.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 16:14

ayek atïptïïp ke jɔɔk rac, atïptïïp ee göök gɛ̈iyë looi, ku lekï biic lek të nu meliik ke piny nɔm ëbɛ̈n, lek ke kut nïïm në këde tɔŋ, tɔŋ de kööldïït ë Nhialic Awärjäŋ.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 20:3

ku jɔ cuat ë adhum thuthic, ku guur thïn, ku boot adhum thuth thok, ke cïï juöör bï bɛ aa math, të ŋoot agum de run ë ke kën kɔn thök: ku të cï runke thök, ka bï dhil lony tëthiinakäŋ.

Nyuuth 7:1

Na wën, aacï kakë thök, ke ya tïŋ tuucnhial kaŋuan akɛ̈ɛ̈ckï ë aguuk ke piny nɔm kaŋuan, ku mukkï yom ke piny kaŋuan, ke bï ciën yom bï pɔ̈t ë piny nɔm, ayï wɛ̈ɛ̈ric, ayï tiim kedhie.

Bäny 7:12

Na wën, go kɔc ke Midian, ku kɔc ke Amalek, ku kɔc rɛ̈ɛ̈r ë biäk të lɔ aköl amiäk bɛ̈n piɔ̈ɔ̈t në wakic cït lönydïït ë kɔyɔm ku keek adekï thɔ̈rɔ̈ɔ̈l juëc cïï lëu në kuɛ̈n, thɔ̈rɔ̈ɔ̈l cït liɛɛt ë wɛ̈ɛ̈r yɔu.

1 Tham 13:5

Go Pilithiin kenïïm kut në baŋ bïk kek tɔŋ luöi kɔc ke Yithriɛl, aake de nïïm bot kathiërdiäk 30,000 ke abëël ke tɔŋ, ku aguum kathiërdhetem 60,000 de kɔc ke jöŋgöör, ku rem de tɔŋ juëc cie lëu ë kuɛ̈n acït liɛɛt tɔ̈u ë wɛ̈ɛ̈r yɔu. Agokï lɔ Mikmac, të lɔ aköl amiäk në Bethaben, ku jɔkï piɔ̈ɔ̈t ëtɛ̈ɛ̈n.