Nyuuth 20:3 - JAM DE NHIALIC 2011

³ ku jɔ cuat ë adhum thuthic, ku guur thïn, ku boot adhum thuth thok, ke cïï juöör bï bɛ aa math, të ŋoot agum de run ë ke kën kɔn thök: ku të cï runke thök, ka bï dhil lony tëthiinakäŋ.

Nyuuth 20:3 Iomraidhean Croise

Diɛt 90:4

Agum de ruöön tëde Yïn acït kööl tök, acïtkï wään aköl, cï guɔ wan, ku acït kaam thiinakäŋ wakɔ̈u.

Danyel 6:17

Go kuur tääu ë pul thok, ku tɛ̈ɛ̈u melik kitimdɛn ë bääny ku kitim de adhuëëŋke në kuur kɔ̈u, ago ciën kë bï rɔt waar në biäk de Danyel.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 27:66

Gokï lɔ, lek raŋ tɔ cök ë dötëye, ku botkï kuur thok, ku tɛ̈ɛ̈ukï kɔc ee tïït ëtɛ̈ɛ̈n aya.

Mak 4:15

Ku kɔc ee ka nu ë kueer këc, të ye jam com thïn, na wën, acïk piŋ, ke Catan bɔ̈ ënɔnthiinë, bï ku jɔt jam wën cï com ë kepiɔ̈ɔ̈th.

Luk 8:31

Gokï lɔ̈ŋ an, du wo cieec tëthuth a loŋloŋ.

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

2 Pet 3:8

Ku week, kɔc nhiaar, duökï cöök töŋë bï baai, an, Kööl tök acït agum de run tëde Bɛ̈nydït, ku agum de run acït kööl tök.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 17:2

yen akɔɔrröör ë ye meliik ke piny nɔm thut, ku ye kɔc rɛ̈ɛ̈r ë piny nɔm tɔ wit mɔ̈n ë bɛɛl de yen.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.

Nyuuth 20:1

Na wën, ke ya tïŋ tunynhial abɔ̈ piny paannhial, ku muk mukthäär de adhum thuth cïï thar tiëc, ku muk gök de kuat ë yeciin.