Nyuuth 20:2 - JAM DE NHIALIC 2011

² Bï ku dɔm ŋuäldït, kërɛɛc thɛɛr, yen aye Jɔŋdït Rac, ku ye Catan, go rek thöl agum de run ke mac,

Nyuuth 20:2 Iomraidhean Croise

Cäk 3:1

Ku kërac aaye län pel awär läi roor kedhie, läi cï Bɛ̈nydït Nhialic cak. Ago kërac tik luɔp an, “Ë yic, cï Nhialic lɛ̈k week an cäkï bï cam në mïth ke tiim ke Dom kedhie?”

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Jop 1:7

Go Bɛ̈nydït thiëëc an, “Ë yï bɔ̈ nou?” Go Catan lueel an, “Yɛn ee lɔ ku bä ke ya ciɛɛth piny nɔm ëbɛ̈n.”

Yith 24:22

Nhialic abï meliik määt nïïm ëtök ë pulic cï kɔc cï mac. Ku abïï ke guöör aloocic aɣet të le kööldɛn ë guiëër ë löŋ bɛ̈n.

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Edhekiɛl 47:5

Go bot kadhïc ku thiërdhetem ke akeem bɛ them, go nyin yic thuth ku cä lëu në tɛ̈m, ee kuaŋ yen duëër ë raan ye teem kɔ̈u.

Math 19:29

Ku raan ëbɛ̈n raan cï ɣööt nyääŋ piny, ku nyiëëŋ mïthëkɔcken piny, ayï nyïïrëkɔcken, ayï wun, ayï man, ayï tiiŋde, ayï mïthke, ayï duumke, në biäk de rinkï, ka bï käŋ yök ka cï ŋuak nyïïn raanbɔt, ku abï pïïr athɛɛr lɔ̈ɔ̈k lak.

Math 8:29

Na wën, ke ke cöt an, “Eeŋöda në yïn, yïn Yecu, Wën ë Nhialic? Cï bɛ̈n eenë ke akööl ë ke ŋoot, bä wo bɛ̈n leeŋ piɔ̈ɔ̈th?”

Mak 4:15

Ku kɔc ee ka nu ë kueer këc, të ye jam com thïn, na wën, acïk piŋ, ke Catan bɔ̈ ënɔnthiinë, bï ku jɔt jam wën cï com ë kepiɔ̈ɔ̈th.

Mak 5:7

ku cööt ë röl dït an, “Eeŋödï wo yïn? Yecu, yïn Wën ë Nhialic dït arëët! Yïn yɔ̈ɔ̈k në rin ke Nhialic, an, Du ya lui këtuc!”

Jɔn 12:31

Löŋ ë pinyë nɔm aguiir ënɔɔnë: bɛ̈nydït ë pinyë nɔm abï ciɛɛc biic ënɔɔnë.

Jɔn 16:11

në këde guiëërëlöŋ, luɔi cï löŋ de bɛ̈ny ceŋ pinyë nɔm thök ë guiëër.

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

Ɣeberuu 2:14

Wok ee kɔc de gup rïŋ ku riɛm. Ku Yen aya, ade guöp cï wook. Yen kë ë tɔ Yen ee raan töŋ ë woyiic ka, ku kën ë looi Yen ee kënë ee luɔɔi bï Yen jɔŋdït rac riɔ̈ɔ̈k në thonde, raan nu riɛl ë thuɔɔu ë yeciin.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Nyuuth 12:13

Na wën, aacï ŋuäl e tïŋ nɔn cï e cuat ë piny nɔm, ke jɔ tiiŋ wën cï mɛwä dhiëëth yɔŋ.

Nyuuth 12:15

Go ŋuäl pïïu ŋɔ̈k bei ë yethok ë tik cök cït man ë amool, an, tɔ tik jɔtë wei ë amool.

Nyuuth 12:17

Go ŋuäl gɔ̈th ke tik, ku jɔ jäl le tɔŋ yiɛ̈n mïthkɛn cï döŋ, kɔc ee lööŋ ke Nhialic döt, ku ciɛthkï në gäm de Yecu Kërtho.

Nyuuth 12:3

Na wën, ke gök däŋ gɛ̈iyë tiëc paannhial, ŋuäldïït thith ka, ŋuäl de nïïm kadhorou ku tuŋ kathiëër, ku ceŋ dhor kadhorou ë nïïmke.

Nyuuth 12:4

Ku thel biäk töŋ ë kuɛl nhial ë yeyɔ̈l, biäk wën ee kek diäk, go ke cuat ë piny nɔm: ku kääc ŋuäldït ë tik nɔm tiiŋ kɔɔr dhiëthë, ke bï mɛnhë cuääl, të cï en e dhiëëth.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:2

Ku lɛ̈n rɛɛc wën cä tïŋ acït guöp kuac, ku cït cök lɛ̈ndïït rɛɛc cɔl köörayuääl, ku cït thok köör: ku ye ŋuäldït en aa gëm en riɛlde, ku thöönyde, ku bɛ̈ɛ̈nydɛndït cath ke ye.

Nyuuth 13:4

agokï ŋuäl lam, ŋuäl cï lɛ̈n rac gäm riɛlde, ku lamkï lɛ̈n rac, luelkï, an, “Eeŋa kït kekë lɛ̈n rac? Ku ye ŋa duëër biök ke ye?”

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 20:7

Na miäk, të cï agum de run guɔ thök, ke Catan abï luöny bei tëdɛn cï e mac thïn,

Nyuuth 9:11

Ku adekï melik nu ë kenïïm, yen aye tunynhial de adhum thuth cïï thar tiëc, rinke acɔl Abadon ë thoŋ ë Ɣeberuu, ku cɔlke Apoliɔn ë thoŋ de Girikii.