Nyuuth 20:14 - JAM DE NHIALIC 2011

¹⁴ Ku cuɛtë thuɔɔu ku paan ë thuɔɔu ë baar ë macic. Thon ee kek rou kï ee kënë.

Nyuuth 20:14 Iomraidhean Croise

Ɣodh 13:14

Bä keek wɛ̈ɛ̈r bei paan ë thuɔɔu? Nu jɔɔkku ë nou yïn thuɔɔu? Luöi këtuc, nɔ̈k! Bɛ̈ɛ̈iyë Ku nu riääkdun ë nou wek rɛ̈ŋ? Yɛn cïï piɔ̈u bï bɛ kɔn kok wo keek.

1 Kor 15:26

Raan de ater raan bï tɔ cïn naamde ë käŋ cök ciëën, yen aye thuɔɔu.

1 Kor 15:53

Ku dhiapë abï kë cïï bï dhiap dhil cieŋ cït man ë lupɔ, ku bï këde thuɔɔuwë kë cïï bï thou dhil cieŋ.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 14:10

ka yenguöp abï dek ë mɔ̈n ë agönh ë Nhialic, mɔ̈n cï dhiim ë abïny ë agönhdɛn cï tïc, ke cïn kë cï liääp ke ye, ku abï leeŋ wëi në mac ku thulpur ë tuucnhial ɣeriic nïïm, ku Nyɔŋamääl nɔm:

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 2:11

Raan de yïc, ke piŋ kë lëkë Wëidït ɣööt ke Nhialic. Raan ee tiam acïï thon ee yic rou bï nɔ̈k.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.

Nyuuth 20:13

Ku päl wɛ̈ɛ̈r kɔc cï thou nu ë yeyic, ku päl thuɔɔu ku paan ë thuɔɔu kɔc nu ë keyiic: go löŋden guiir ŋɛk ke këde luɔide ku ŋɛk ke këde luɔide.

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 20:6

Thieithieei në raan ɣeric raan röm ke kɔc ë jön tueŋic jön ë kɔnë kɔc rö jɔt: thon ee kek rou acïn naamde tëde kɔckë, ku abïk aa bäny ke kake Nhialic kekë Kërtho, ku abïk piny aa cieŋ në yen ëtök ë agum de run.

Nyuuth 21:4

ku abï pïïu ke kenyïïn weec ë kenyïïn kedhie, ku thuɔɔu acïï bï be nu, ayï jiɛthëpiɔ̈u, ku dhiëëu, ku arɛɛm, acïkï bï bɛ nu: ka tueŋ acïk jäl ëliŋliŋ.”

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 6:8

Guɔ anyin jɔt, na wën, dï, ke jöŋgör kän linhakuur tul: ku rin ke raan rɛ̈ɛ̈r ë yekɔ̈u acɔlke Thuɔɔu, ku biɔth cök ë Paan ë kɔc cï Thou. Ku acï ke gäm riɛl ë biäk töŋ de piny nɔm biäk wën ee kek ŋuan, riɛl bï kek kɔc aa nɔ̈k ë abätäu, ku në cɔk, ku në jɔɔk, ku në läi rac ke piny nɔm.