Nyuuth 2:3 - JAM DE NHIALIC 2011

³ Ku ŋiɛc guöm ee yïn käŋ guum ë liɛɛr ë yïnpiɔ̈u në baŋ de rinkï, ku näŋ ee yïn rɔt näk piny ë luɔi ku cïï bäp.

Nyuuth 2:3 Iomraidhean Croise

Diɛt 37:7

Ŋɔ̈th Bɛ̈nydït ku tit, du piɔ̈u ee diu të cïï kɔc kɔ̈k kuɛth, ku nɔn ee të cïï kïït de raan rac tiam.

Diɛt 69:7

Ee biäkdu yen aye ë yɛn läät ku yen acï ë ya kum në ayäär.

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Mak 15:21

Ku ade raan cɔl Thimon raan tëk ee kueerë, ke bɔ̈ rɛɛr, raan ë Kurene, ku ye wun Alekandaro ku Rupo: agokï dɔm, ku dhilkï tɔ jɔt timdɛn cï rïïu nɔm, tim ë Yecu.

Luk 14:27

Ku raan cï timdɛn cïï rïïu nɔm ee ɣääc, ku jɔ yɛn aa kuany cök, ka cïï duëër aa raandiën ëpiööcë.

Luk 18:1

Go keek lɛ̈k kääŋ, ke kɔc ë ke bï dhil aa cool ë lɔ̈ŋ, ku cïkï ee bäp,

Luk 21:19

We bï wëikun yök në guöm aa wek käŋ ŋiëc guum.

Luk 5:5

Go Thimon bɛ̈ɛ̈r an, “Bɛ̈ny wok ë ruu ke wo näk röt piny ë luɔi wënakɔ̈u, ku acïn kë cuk dɔm: apiɛth tei, abä luaai piny në löŋdu.”

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Jɔn 15:21

Ku abïk kakë kedhie luöi week në biäk de rinkï, në kuny kuc kek raan ë toc ɛn.

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 16:12

Thiëckï Turupiana kekë Turupotha, kɔc ee luui ë Bɛ̈nydïtic. Thiëckï Perthith, raan nhiaar, raan ee luui arëët ë Bɛ̈nydïtic.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 8:25

Ku na ŋäthku ka kënku tïŋ, yen abuk aa tiit në piɔ̈n lir.

1 Kor 13:7

Ee këriëëc guum, ee këriëëc gam, ee këriëëc ŋɔ̈ɔ̈th, ee yepiɔ̈u ruut në këriëëc.

1 Kor 16:16

wek läŋ, yak röt tääu ë kɔc cök kɔc cït keek, ayï kɔc lui ë luɔi ril në wook ëtök kedhie.

2 Kor 10:15

wo cïï röt duëër leec ë ka nu ë akenda baŋtui, kek aye luɔi ë looi kɔc kɔ̈k, ku kënë aŋäthku an, të cï gämdun rɔt guɔ ŋuak, ke riɛlda bï dït ë weyiic, ku ŋootku ke wo pëk akenda, agoku lɔ tueŋ.

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 4:1

Yen ka, ënɔn de wo nïïm luɔiyë, acït man cï wo kokdepiɔ̈u yök, ke wo cie bäp.

2 Kor 4:16

Yen acïï wok ee bäp, ku na cäk jɔ tiaam en ë raandan nu biic, ke raandan nu thïn aye bɛ cool ë cuɛ̈ɛ̈cëye ë aköölnyïïn kedhie.

2 Kor 5:9

Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

2 Kor 6:5

Në dui duiyë wook, në mäny mɛcë wook, në awuööu dït, në luɔi ril, në yïn ee wo yïn, në mɔ̈l ee wo mɔ̈l ë nïn ku cäm.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Galatai 6:9

Ku duku wopiɔ̈ɔ̈th tɔ bäp në luɔi de këpiɛth: wo bï tem ëkööl piɛth ë tëm, të kën wok bäp.

Pilipoi 2:16

ku yak jam ë pïïr mɔ̈k nhial cït man ë kuthyuui, yen abän dɛ kë bän rɔt leec ëkööl ë Kërtho an, acie ɣɔ̈ric en e riɛŋ ɛn, ku yen luööi yɛn.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 2:9

Wek ee wenïïm tak, wek mïthëkɔckuɔ, në luɔi dïït thieek yok looi: wo ye luui aköl ku wakɔ̈u, wok ë cïn piɔ̈ɔ̈th luɔi bï wo raan tök miɛn ë weyiic, agoku wëlpiɛth ke Nhialic guiëër week aya.

1 Theth 5:12

Ku wek läŋku, wek mïthëkɔckuɔ, ke we bï kɔc ee luui ë weyiic aa ŋic, kɔc nu ë wenïïm ë Bɛ̈nydïtic, kɔc ee we täk wël.

2 Theth 3:13

Ku week, wek mïthëkɔckuɔ, duökï ee bäp në luɔi de këpiɛth.

2 Theth 3:5

Ë Bɛ̈nydït ë ye we dak piɔ̈ɔ̈th ë nhiëër ë Nhialicic, ku dɔk wepiɔ̈ɔ̈th ë liɛɛric liɛɛr ë Kërtho piɔ̈u.

2 Theth 3:8

ku acïn kuïn de raan töŋ cuk cam youyou, wok ee luui, wok ee röt näk piny ë luɔi arëët, wok ee luui aköl ku wakɔ̈u, ke wo cïï raan töŋ ë wek yiic duëër miɛn.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

1 Tim 5:17

Röördït nu ë kɔc nïïm röör ee kɔc tiit apiɛth, tɔ ke de naamden, bï ke riëëu ë riëëu dït, ku kɔc ee luui aläl ë jam ku wëët, kek abï dɛ riëëu dït aläl.

Ɣeberuu 10:36

Yak wepiɔ̈ɔ̈th muk, aguɔkï këde piɔ̈n ë Nhialic aa looi ku bäk ka cï kɔn lɛ̈k week yök.

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Ɣeberuu 13:13

Yen kë duëër wok lɔ ka në wut këc biic, lok ayäär rɔm në yen ëtök.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Ɣeberuu 6:12

Acuku kɔɔr luɔi bä wek aa adaakröt, akɔɔrku bäk ciët kɔc cï gam, ku yek tïït ku gumkï aɣet të bï Nhialic ke gäm kë cï thɔ̈n keek.

Ɣeberuu 6:15

Abraɣam acï bɛ̈n gum ke tït ë piɔ̈n lir aɣet të bï yen kë cï thɔ̈n en bɛ̈n ŋoot ke yök.

2 Pet 1:6

ku matkï dömderɔt kekë ŋïnydekäŋ, ku matkï guömdekäŋ kekë dömderɔt, ku matkï riëëu de Nhialic kekë guömdekäŋ,

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.