Nyuuth 2:25 - JAM DE NHIALIC 2011

²⁵ Ku kë cath ke week ënɔɔnë tei, yak muk aril aɣet të bän bɛ̈n.

Nyuuth 2:25 Iomraidhean Croise

Jɔn 14:3

Ku të la yɛn, la tëdun guik, ke yɛn bï a nɔm bɛ lɔ puk, bä we bɛ̈n loor, ago të nuö yɛn, ke we bï nu ëtɛ̈ɛ̈n aya.

Luɔi 11:28

Go raan tök ë keek rɔt jɔt, raan cɔl Agabo, go kɔc yɔ̈ɔ̈k në Wëidït an, de cɔŋ dïït bï dap bɛ̈n ë piny nɔm ëbɛ̈n. Na wën, ke cɔŋë tul wään nu Kulaudio Kaithar.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

1 Kor 11:26

Ku të de yen të cäm wek ee kuïnë ku dɛ̈kkï ee bïnyë, ke thon ë Bɛ̈nydït en nyuɔɔthkï aɣet të bï en bɛ̈n.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

1 Theth 5:21

Yak käŋ them kedhie: yak këpiɛth muk aril,

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 3:6

Ku Kërtho ee mɛnh adöt në dhiën de Nhialic nɔm ëbɛ̈n. Ku wok aye dhiënde, të muk wok wopiɔ̈ɔ̈th aril, ku dötku aŋäthdan ye wok röt leec athöökë käŋ.

Ɣeberuu 4:14

Wok de nïïm gök de Bɛ̈nydïït ë kake Nhialic, Bɛ̈ny cï lɔ paannhial, ee yen Yecu Wën ë Nhialic. Yen kë duɛ̈ɛ̈r wok kɔ̈ɔ̈c ka aril në gämda yic, gäm cuk lueel në biäkde.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

Nyuuth 1:7

Tiëŋkï, abɔ̈ kekë luäät, ku abï tïŋ ë kɔc nyïïn kedhie, ayï kɔc ɣɔn guut en aya, ku dhiëën ke piny nɔm ëbɛ̈n abïk dhuöör në biäkde. Ee yen. Amiin.

Nyuuth 22:20

Cäätɔ luel kakë alueel, an, “Ee yic, ya kï bɔ̈yë ënɔɔnë. Amiin!” Bä, Bɛ̈nydït Yecu!

Nyuuth 22:7

Ya kï, bɔ̈yë ënɔɔnë. Thieithieei raan ë wël cï guiir döt wël ke awerekë yic.

Nyuuth 3:11

Ya kï, dap bɛ̈në: ye kë cath ke yïn cök ë muk yïn en, ke bï ciën raan bï gölduön ë dhuëëŋ nööm.

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.