Nyuuth 2:2 - JAM DE NHIALIC 2011

² Yɛn ŋic luɔidu, ayï luɔiduön tuc, ayï liɛɛr ë yïnpiɔ̈u, ku luɔi cïï yïn këde kɔc rac duëër guum, ku thëm cï yïn kɔc them kɔc ee röt tɔ ye tuuc ku cïkï ye tuuc, ago ke yök aye aluɛth.

Nyuuth 2:2 Iomraidhean Croise

Diɛt 1:6

Në biäk ŋic ë Bɛ̈nydït kueer de kɔc piɛthpiɔ̈ɔ̈th, ku kueer de kɔc rac ee thuɔɔu.

Math 7:23

Ku abä keek yɔ̈ɔ̈k an, “Wek kuöc anandï, jatkï ë yalɔ̈ɔ̈m, wek kɔc ee kërac looi.”

Jɔn 6:6

(Aa lueel kënë them en en: yen guöp aŋic kë bï looi.)

Galatai 1:7

Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

Epethiei 4:14

Ke wo cïï bï bɛ aa mïth thiiakäŋ, mïth ee yom miaŋ ëbɛ̈n, leer ke tɛ̈ɛ̈n ku leer ke tɛ̈ɛ̈n, yom de wëët ë kɔc, në math mɛthë kɔc kɔc ë ruëëny, ku cäp kithic ee kek kɔc math.

1 Theth 1:3

Luɔiduön ë gäm ayok tak acïn pëk, ku takku luɔiduön ë nhiëër, ku aŋäth aa wek Bɛ̈nydït Yecu Kërtho ŋɔ̈ɔ̈th në liɛɛr ë wekpiɔ̈ɔ̈th ë Nhialic Wääda nɔm.

1 Theth 5:21

Yak käŋ them kedhie: yak këpiɛth muk aril,

2Tim 2:19

Na cak kɔc e looi aya, ke këërkëër ë wec Nhialic akääc, ke cïï wiëëk, acï gäär kɔ̈u cöökë an, “Bɛ̈nydït aŋic kɔc cï aa kɔcke.” Ku cöökë aya an, “Raan ëbɛ̈n raan ee Kërtho cɔɔl rin ë nyaai ë luɔi de këracic.”

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Nyuuth 2:5

Tak yïnɔm ë të wään lööny yïn thïn, ku puk yïpiɔ̈u, bä luɔi tueŋ wään looi, be, an, cïï e loi, ke yɛn bï dap bɛ̈n tëde yïn, bä ku nyaai manyalath tëde, të kën yïn yïpiɔ̈u puk.

Nyuuth 2:6

Ku cöökë ee këduön piɛth, män mɛɛn yïn luɔi de Nikolaitai, luɔi maan aya.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 3:1

Ku gäär tunynhial de ɣön ë Nhialic nu Thardith alë: Kakë aluel raan keek, raan de Wëi ke Nhialic kadhorou, ku kuɛl kadhorou: Yɛn ŋic luɔidu, yïn cath we rin cït man ë kë pïïr, ku yïn cï thou.

Nyuuth 3:15

Yɛn ŋic luɔidu, yïn cïï lir, ku cïï tuc: adï cä piɔ̈u miɛt tëë yï lir ku nɔn ë tuc yïn.

Nyuuth 3:8

Yɛn ŋic luɔidu (tïŋ, ɣön cï liep thok acä tuɛɛl ë yïnɔm tueŋ, ɣön cïn raan duëër e lëu ë thiɔ̈k), luɔi ciɛth yïn we riɛl thiinakäŋ, ku ye jamdï döt, ku kɛ̈në rinkï jai.