Nyuuth 2:14 - JAM DE NHIALIC 2011

¹⁴ Ku yɛn cath wo cök liaakäŋ cök bän yï jɔ̈ɔ̈ny, cöök tök kï, nɔn de yïn kɔc ëtɛ̈ɛ̈n kɔc ee wëët ë Balaam muk, raan ɣɔn wëët Balak, an, bï kë bï kɔc tɔ kɔ̈th cuat kueer ë mïth ke Yithriɛl, an, bï ka cï lam aa cam, ku bïk diäär aa kɔɔr.

Nyuuth 2:14 Iomraidhean Croise

Yith 57:14

Aye Bɛ̈nydït lueel an, “Takkï kɔckï bɔ̈ ciëën tëdï. Nyaaikï ka ee keek gël në kuɛɛr yiic! Yiɛ̈kï kueer, ku guiɛɛrkï!

Jeremia 6:21

Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Edhekiɛl 3:20

“Na cï raan piɛth luɔi de piathëpiɔ̈u pɔ̈l ku looi karɛc, ku jɔ yen tääu tërac, abï thou të kën yïn en jɔ̈ɔ̈ny. Abï thou në biäk de karɛcke, yɛn cïï këpiɛth cï looi bï tak, ku yɛn bï gääk de thonde tääu në yïyeth.

Edhekiɛl 44:12

Ku në biäk cïï kek läm de yiëthic luöi baai de Yithriɛl, ku në ee kueerë acïk kɔc lɛɛr në awäc yic, Yɛn cï kuëëŋ, Yɛn Bɛ̈nydït Awärjäŋ, në luɔi bïï ë keek dhil luöi këtuc.

Kuɛ̈n 24:14

Go Balaam lɛ̈k Balak an, “Yɛn puk a nɔm kɔckï, ku të kɛn Ɛn kɔn jäl, ë yï lɛ̈k ke bïï kɔc ke Yithriɛl luöi kɔcku në akööl bɔ̈ tueŋ.

Kuɛ̈n 31:16

Ee kek diäär gup, kek aa gam wëlke Balaam ku tɔkï kɔc ke Yithriɛl reec Bɛ̈nydït në kuur de Peyor. Ku ë kënë, acïï akutnɔm de kɔc ke Nhialic bɛ̈n tɔ löny ë jɔk.

Kuɛ̈n 31:8

ayï meliik kadhïc ke Midian yï Epi ku Rekem ku Dhur ku Ɣur ku lɔ Reba, keek ayadäŋ acïk Balaam nɔ̈k wën ë Beyor.

Math 18:7

Amawoou ë kɔc ke piny nɔm në biäk de ka ye kɔc tɔ loi kërac! Ka ye kɔc tɔ loi kërac abïk dhil bɛ̈n, ku amawoou ë raanë raan ee këdäŋ bɛ̈ɛ̈i kë ye kɔc tɔ loi kërac!

Luɔi 15:29

an, bäk cäm ë rïŋ cï gam yiëth pɔ̈l, ku riɛm, ku ka cï dec, ku dhööm, të cä wek kakë pɔ̈l, ka we ye këpiɛth looi. Niɛnkï apiɛth.

Luɔi 21:25

Ku na Juöör cï gam, acuk ke gäär löŋ cuk thöl ë guiëër an, acïn kë bïk aa looi kë cït ee kënë, ee cökkë kapäc kek cuk lɛ̈k keek an, bïk röt aa tiit në ka cï kɔn yiɛ̈n yiëth, ku riɛm, ku ka cï dec, ku dhööm.”

Romai 11:9

Go Debid lueel an, “Tɔ pamdɛn ë cäm ee wïn ëdɛ̈p, ku ye kë bï keek aa dɔm, Ayï kë bï keek tɔ kɔ̈th, ayï këdɛn tuc bïk yök!

Romai 14:13

Yen du wo röt ee bɛ gɔ̈k, aŋuän luɔi bï wok löŋë lueel ë wopiɔ̈ɔ̈th an, “Ë cïn raan ee këdäŋ tääu kueer, kë bï mɛnhkënë tɔ kɔ̈th, ayï kë bï e tɔ wiëëk.

Romai 14:21

Apiɛth luɔi cïï yïn rïŋ bï aa cuet, ku luɔi cïï yïn mɔ̈u bï aa dek, ku luɔi cï yïn käŋ bï aa looi ëbɛ̈n, ka bï mɛnhkui tɔ wäc käŋ, ku ka bï e tɔ wiëëk, ku ka bï e tɔ kɔ̈c.

Romai 9:32

Ee käŋö? Ee luɔi ë cïï kek en ee kɔɔr në gäm, aa yek kɔɔr në luɔi de löŋ. Aake kɔ̈th ë kuur ë kɔ̈th,

1 Kor 1:23

ku wook, wok guiir Kërtho, raan cï piäät ë tim cï rïïu nɔm kɔ̈u, tëde Judai, ee kë ye kɔc tɔ kɔ̈th, ku tëde Girikii ee këɣɔ̈ric,

1 Kor 7:2

Ku në biäk de bal, ë moc ëbɛ̈n ë ye dɛ tiiŋ de yenguöp.

Ɣeberuu 13:4

Week mïthëkɔckuɔ, ë thiëëk ë ye riëëu në kɔc kedhie. Yak kë nhiany tɔ mec në biöŋ ë thiëëkic. Kɔc cïn gup athɛɛk kedhie ku kɔc ee diëër lei kɔɔr abï Nhialic ke löŋden guiir atuc.

Jocua 24:9

Na ɣɔn, ke Balak wën ë Dhipor melik de Mowap, ke be we gɔ̈p tɔŋ. Go Balaam wën ë Beyor tooc bï we bɛ̈n läm kërac.

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

2 Pet 2:15

Kɔc cï kueer lɔ cit pɔ̈l, ku mɛ̈ɛ̈rkï, agokï kueer ë Balaam wën ë Beyor kuanyic, raan ɣɔn nhiaar ariöp de luɔi de kërac

Juda 1:11

Amawoou në keek! Acïk cath ë kueer ë Kain. Ku acïk röt jaac lek wäc cï man cï Balaam käŋ wööc në këde ariöp. Ku acïk määr ë ater ë Kɔra, gokï riääk cï yen.

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.

Nyuuth 2:4

Ku ade cöök bän yïn jɔ̈ɔ̈ny, ee luɔi cï yïn nhiëërduön tueŋ pɔ̈l.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.