Nyuuth 2:12 - JAM DE NHIALIC 2011

¹² Ku gäär tunynhial de ɣön ë Nhialic nu Pergamo alë: Kakë aluel raan keek, raan muk abätäu moth ë thook kaarou:

Nyuuth 2:12 Iomraidhean Croise

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 49:2

Acï wël ke yɛn thok tɔ moth cï abätäu. Ee yɛn gël në yeciin. Acï yɛn tɔ cït winh ë dhaŋ, moth cï coc ku moc.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 19:21

Ku nɛ̈k kɔc wën cï döŋ në abätäu de raan rɛ̈ɛ̈r ë jöŋgör kɔ̈u, abätäu bɔ̈ bei ë yethok: go diɛt kuɛth ëbɛ̈n ë rïŋken.

Nyuuth 2:1

Gäärë tunynhial de ɣön ë Nhialic nu Epetho alë: Kakë aluel raan keek, raan muk kuɛl kadhorou ë ciin cuënyde, raan cath ë kuc ke mɛ̈ckealath ë adhääp kadhorou yiic cil:

Nyuuth 2:16

Yen puk yïn yïpiɔ̈u, be, an, jai, ke yɛn bï dap bɛ̈n tëde yïn, bä bɛ̈n biök wo keek në abätäu de yɛnthok.

Bäny 3:16

Ku Eɣud aa cï rɔt luöi abätäu athok rou ku ye bɛ̈ɛ̈r de yenkɔ̈u thɛntimitïïr kathiërdhïc. Acï tɔ duutë në ye biäk cuëc në lupɔɔke thäär.