Nyuuth 19:8 - JAM DE NHIALIC 2011

⁸ Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 19:8 Iomraidhean Croise

Diɛt 132:9

Tɔ bänykuön ke kake Nhialic loi kake Piathëpiɔ̈u ëceŋ, tɔ kɔcku cöt në miɛtëpiɔ̈u!

Kɛ̈ŋ 31:22

Ee biökke thieth ku cieŋ lupɔ piɛth lɔ mot ku lupɔɔ thiith amujuŋ.

Yith 3:23

ku aluluutkɛn lɔ bilbil ku lupɔɔ ke linɔn thii ye kek kenyïïn weec, ku lupɔɔ thii lɛ̈k yek dɛɛr në kenïïm, ku ke yiëth, ku lupɔ kɔ̈k lɔ lëëulëëu bär ee ke gël nyïïn tueŋ ku kenïïm.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Edhekiɛl 16:10

Ku gäm yïn lupɔ cï kɔɔc ë ciin, ku gäm yïn war piɛth ke dël, ku lupɔ piɛth lɔ mot bïï yïn yïnɔm kum, ku lupɔ lɔ bilbil.

Edhekiɛl 44:17

Të cï kek lɔ në kal thok ë kalic biäk thïn de Luaŋdït, abïk lupɔɔ linɔn tääu. Acïn kë cï cuëëc në nhiëm, bïk aa cieŋ të tɔ̈u kek në luɔi yic, ë biäk thïn de kal de Luaŋdït, ayï Luaŋdït yic.

Math 17:2

go yeguöp puk aye guöp däŋ ë kenïïm, go nyin lɔ riauriau cït man ë akɔ̈l, ku ɣer lupɔde ëwic cït ɣɛɛrëpiny.

Math 22:12

go thiëëc an, “Mäth, eeŋö bï yïn eenë, ke yï cïn lupɔ de thiëëk?” Go lɔ lik.

Mak 9:3

go lupɔɔke lɔ riauriau, abïk ɣɛɛr ëwic, awär ɣɛɛr duëër raan lupɔɔ tɔ ɣer.

Luk 24:4

Na wën, aa ŋootkï ke ke gäi në kënë, dï, ke ke tïŋ kɔc kaarou ke ke kääc ë kelɔ̈m, aceŋkï lupɔɔ lɔ bilbil.

Luɔi 1:10

Ku të ŋoot kek ë ke nɛɛk kenïïm nhial të wën jël en, gokï kɔc kaarou tïŋ akɛ̈ɛ̈ckï ë kelɔ̈m ke ke ceŋ lupɔɔ ɣer,

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 3:22

Yen aye piathëpiɔ̈u bɔ̈ tëde Nhialic në gäm de Yecu Kërtho, bï tëde kɔc kedhie, ku bï ë kɔc gup kedhie, kɔc gäm, ku acïn puny ee kɔc pɔ̈ɔ̈c yiic:

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 15:6

go tuucnhial wën kadhorou bɛ̈n bei luɛɛk, tuuc muk ka ye piny riɔ̈ɔ̈k kadhorou, ke ke ceŋ lupɔ cɔl linɔn, lupɔ ɣer ë pak ee lɔ riauriau, ku acïk kepiɔ̈ɔ̈th göi ë thiönh ë adhääp.

Nyuuth 19:14

Ku kuany cök ë rɛm ke tɔŋ, rɛm nu paannhial ke ke cath ë jöŋgöör akuur kɔ̈ɔ̈th, ku ceŋkï lupɔ piɛth lɔ mot ɣer ëpak ku le riauriau.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.