Nyuuth 19:7 - JAM DE NHIALIC 2011

⁷ Jɔku piɔ̈ɔ̈th miɛt ku doorku, ku lecku nɔm, luɔi cï thiëŋ de Nyɔŋamääl bɛ̈n, ku tiiŋde acï rɔt guik.

Nyuuth 19:7 Iomraidhean Croise

Diɛt 107:42

Aye kɔc lɔ piɔ̈ɔ̈th wai tïŋ agokï piɔ̈ɔ̈th miɛt, ku kɔc ke rɛ̈ɛ̈c ëbɛ̈n abïï ke miɛɛm thook.

Diɛt 48:11

tɔ kɔc ke Dhiɔn mit piɔ̈ɔ̈th! Yïn ee löŋ de kɔc ŋiëc guiir apiɛth, tɔ miɛtëpiɔ̈u nu ë pɛ̈ɛ̈nydït ke Juda yiic!

Diɛt 9:14

Ke yɛn bï kɔ̈ɔ̈c ë kal ë nyan de Dhiɔn thok ku lɛ̈k keek ka yan ke yïn piɔɔny kedhie. Yɛn bï piɔ̈u miɛt në luɔi cï Yïn ɛn kony.

Kɛ̈ŋ 29:2

Bɛ̈ny piɛth piɔ̈u ee ya miɛtëpiɔ̈u, ku bɛ̈ny rac ee kɔc tɔ ŋun në keyäc.

Diɛt ke 3:11

Diëër ke Dhiɔn, bäkï tiëŋkï melik Tholomon. Aceŋ göl cïï ë man tääu në yenɔm, në kööl ɣɔn thiëëk en, kööl ɣɔn de miɛt ë piɔ̈nde kekë ayum de yen piɔ̈u.

Yith 52:1

Jeruthalem, jɔ bɛ riɛl ku bɛ ë dït nyɔk! Pänydïït ɣeric de Nhialic, kum rɔt në piath! Kɔc kën Nhialic gam acïkï bï bɛ tëëk në thook ke kɛ̈lku.

Yith 62:5

Acït luɔi ye dhuk dhueny kën kɔn yök ke moc nööm ke ye tiiŋde, Yen raan ë cuëëc yïn yen abï yï thiaak. Acït luɔi ye monythiëk piɔ̈u miɛt ke nyandɛn ë thiɛɛk, yen ee täu bï Nhialicdun piɔ̈u miɛt ke week.

Yith 66:10

Miɛtkï piɔ̈ɔ̈th në Jeruthalem, lak piɔ̈ɔ̈th yum në yen, wek kɔc nhiaar ee pänydïïtë wedhie! Miɛtkï piɔ̈ɔ̈th në yen ënɔɔnë, wek kɔc wään cï ye dhiëëu wedhie!

Yith 66:14

Të lee yïn kënë tïŋ ke loi rɔt, yïn bï piɔ̈u miɛt, abï yïn tɔ ril ku tɔ yïn piɔl guöp. Ku ëtɛ̈ɛ̈n, abä jɔ ŋic nɔn ee yan Bɛ̈nydït, Yɛn ee kɔc ee ya riëëu kony ku nyuöth agönhdï kɔc ke aterdï.”

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 1:20

Ku të ŋoot en ke ciët ee kakë ë yepiɔ̈u, dï, ke tunynhial ë Bɛ̈nydït tul tëde yen ke ee nyuöth, lueel an, “Jothep, wën ë Debid, du riɔ̈c ë luɔi bï yïn Meri nööm bï aa tiiŋdu, kë cï yök ë yeyäc ee Wëidït ɣer kek aa dhiëth en.

Math 22:2

“Ciɛɛŋ de paannhial, acït melik tök, melik cï thiëŋ de wënde lueel,

Luk 12:36

Ku wegup yak rëër cït kɔc tit bɛ̈nyden, në dhuny bï en enɔm dhuny ë thiëëkic, na alë, bï ku tɔɔŋ ɣöt thok, ka bïk dap liep en ënɔnthiinë.

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Epethiei 5:23

Luɔi ee yen moc yen aye nɔm de tik, cït man ee Kërtho nɔm de ɣön ë Nhialic, ku yen aye kony de guöp.

Epethiei 5:32

Kënë ee këcïmoony ë kɔc dhal arëët: ku ye jam në këde Kërtho kekë ɣön ë Nhialic.

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 19:9

Ku yöök tunynhial ɛn, an, “Gäär, an: Thieithieei kɔc cï cɔɔl ë këcam de thiëŋ de Nyɔŋamääl.” Go lɛ̈k ɛn, an, “Wël ke Nhialic ka, wël yith.”

Nyuuth 21:2

Ku tiëŋ pänydït ɣeric, Jeruthalem cï piac cak, ke bɔ̈ piny paannhial, abɔ̈ tëde Nhialic, acï rɔt guik cït man ee nyan thiak rɔt kiir në këde monyde.

Nyuuth 21:9

Na wën, ke tunynhial bɔ̈ tunynhial tök në tuuc kadhorou yiic tuuc wën cath ë guöl kadhorou, guöl cï thiäŋ ë ka ye piny riɔ̈ɔ̈k kadhorou ka bɔ̈ ciëën, bï ku jiɛɛm ke yɛn, lueel, an, “Bä eenë, yïn bä nyuöth nyan thiak, tiiŋ de Nyɔŋamääl.”

1 Tham 2:1

Go Ɣana lɔ̈ŋ ayadäŋ ku lueel an: “Piɔ̈ndï amit në Bɛ̈nydïtic, yɛn mit piɔ̈u arëët në biäk de kë cïï Bɛ̈nydït luöi ɛn! Ee yɛn tɔ dɔl kɔc ke ater gup, yɛn mit piɔ̈u aläl në luääkde!