Nyuuth 19:6 - JAM DE NHIALIC 2011

⁶ Guɔ röl piŋ röl cït röl ë kut dïït ë kɔc, ku cït awuööu de piëëu, ku cït röl dïït ë deŋ të mɛ̈ɛ̈r en arëët, ke luelkï, an, “Aleluya! Bɛ̈nydït Nhialicda Awärjäŋ, ee Melik!

Nyuuth 19:6 Iomraidhean Croise

Jop 40:9

Yïn riɛlë cï Yɛn, Duëërë röl ciët rel ë deŋ cït man ë Yɛn.

Diɛt 47:2

Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

Diɛt 47:7

Nhialic ee Melik de pinynɔm ëbɛ̈n, pianykï në Diɛt!

Diɛt 77:18

Awuɔɔu de reldu ë rɔt lɔ̈ɔ̈r bei, ku nyop wil de deŋ pinynɔm ëbɛ̈n, go piny lath ku nieŋë.

Diɛt 93:1

Bɛ̈nydït ee melik, acï kum në riɛl ku bääny. Pinynɔm atɔ̈u ëdïu tëde ku acïï duëërë nyaai.

Diɛt 97:1

Pinynɔm jɔ piɔ̈u miɛt! Bɛ̈nydït ee Yen ee Melik! Jakï piɔ̈ɔ̈th miɛt we tuöör nu wïïr!

Diɛt 97:12

Wek kɔc piɛthpiɔ̈ɔ̈th miɛtkï piɔ̈ɔ̈th, në biäk de kë cï Bɛ̈nydït looi! Takï kë cïï Nhialic ɣeric looi, ku gämkï lɛc.

Diɛt 99:1

Bɛ̈nydït ee melik, kɔc abï ke lath ë këde. Ee nyuc ë cerubiim nɔm ago piny rɔt nieeŋ.

Yith 52:7

Ee kë piɛth cït ŋö bä raan toc tïŋ ke bɔ̈ ke cath ë kur nïïm, ke bïï wëlpiɛth, wël ke mät, wël ke piath! Ee thoŋ de tiëm caal, ku lɛ̈k Dhiɔn an, “Nhialicdu ee melik!”

Jeremia 51:48

Ku këriëëc nu tënhial kekë piny ë bɛ̈n, abïk aa cööt në miɛtëpiɔ̈u, kööl bïï Babilonia lööny në kɔc bɔ̈ të lɔ rut cin, bïk bɛ̈n riɔ̈ɔ̈k.

Edhekiɛl 1:24

Guɔ awuɔɔu de wuök aa piŋ të pɛ̈ɛ̈r kek, ee ciët awuɔɔu de pïïu ke wɛ̈ɛ̈r, acït awuɔɔu de rem de tɔŋ dït, ku acït röl de Nhialic Awärjäŋ. Të cïï kek kɔ̈ɔ̈c në päär, ayek wuökken kuöm në kegup,

Edhekiɛl 43:2

ku ëtɛ̈ɛ̈n guɔ ɣɛɛr dhuëëŋ de Nhialic de Yithriɛl tïŋ ke bɔ̈ në biäk të lɔ aköl amiäk. Awuööu de bɛ̈nde acït pïïu juëc, ku jɔ piny riau në dhuëëŋde.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Nyuuth 1:15

ku cït cök maläŋ cï lɔ bilbil, cït maläŋ cï lëëŋ ë manydïtic, abï lɔ wai: ku cït röl awuööu de piëëu.

Nyuuth 1:8

Acïï Bɛ̈nydït Nhialic, Raan nu, ku aa nu, ku abï bɛ̈n, Raan ee käŋ lëu ëbɛ̈n lueel an, “Yɛn aye tueŋ ku ya ciëën, göl ë käŋ ku thök ë käŋ.”

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 14:2

Guɔ kɔc piŋ röt, röt bɔ̈ nhial, acït man ë awuööu de piëëu, ku cït awuööu ë määr dïït ë deŋ: ku piɛŋ din ë kɔc ŋic thoom gut, agutkï thoomken:

Nyuuth 19:1

Na wën, aacï kakë thök, ke ya piŋ röl dïït ë kut dïït ë kɔc paannhial, ke luelkï an, “Aleluya! Kunydewëi, ku dhuëëŋ, ku riëëu, ku riɛldït, ayek kake Bɛ̈nydït Nhialicda!

Nyuuth 19:4

Go röördït kathiërrou ku ŋuan ku läi kaŋuan gokï röt cuat piny lamkï Nhialic Raan rɛ̈ɛ̈r ë thöönydït nɔm, ku luelkï an, “Aleluya, Amiin!”

Nyuuth 21:22

Ku acïn luaŋdïït cä tïŋ thïn: Bɛ̈nydït Nhialic Awärjäŋ, kekë Nyɔŋamääl, kek aye luaŋdït.

Nyuuth 4:5

Ku bɔ̈ wilëdeŋ bei ë thöönydïtic ku määrëdeŋ ku kɔc röt. Ku nu mɛ̈ckealath kadhorou ke ke dɛ̈p ë thöönydït nɔm tueŋ, kek aye Wëi ke Nhialic kadhorou.

Nyuuth 6:1

Na wën, ke ya tïŋ Nyɔŋamääl të wën kuek en adöŋ tök bei ë adɔ̈k yiic kadhorou, ku ja lɛ̈n tök ë läi yiic kaŋuan piŋ ke lueel në röl cït määrëdeŋ, an, “Bä tïŋ!”

Nyuuth 8:5

Na wën, ke tunynhial nööm thaŋ wën ee wal nyop thïn, ku jɔ thiɔ̈ɔ̈ŋ ë many de yïïŋ de läm, ku cuɛt ë piny nɔm, go kɔc röt tuöl, ku tul määrëdeŋ, ku wilëdeŋ, ku nieŋ cï piny rɔt niɛŋ.