Nyuuth 19:19 - JAM DE NHIALIC 2011

¹⁹ Na wën, ke ya tïŋ lɛ̈n rac, ku tiëŋ Meliik ke piny nɔm, kekë rɛmkɛn ë tɔŋ, acïk kenïïm kut bïk tɔŋ bɛ̈n yiɛ̈n Raan rɛ̈ɛ̈r ë jöŋgör kɔ̈u, kekë remdɛn ë tɔŋ.

Nyuuth 19:19 Iomraidhean Croise

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Nyuuth 11:7

Ku të cï kek këdɛn ee kek cäätɔɔ thöl ë luɛl, ke lɛ̈n rac lɛ̈n bɔ̈ biic ë adhum thuthic ke bï tɔŋ yiɛ̈n keek, ku jɔ ke tiaam, ku nɛ̈k keek abïk thou.

Nyuuth 14:9

Na wën, ke tunynhial däŋ tuny ee kek diäk löök lɔ ë kecök, ku lueel ë röl dït, an, “Na de raan ë lɛ̈n rac lam, ku lɛm këcïcuëëc kë cït guöp en, ku gɛm gäär bï e gɔ̈ɔ̈r nyin tueŋ, ayï yeciin,

Nyuuth 16:14

ayek atïptïïp ke jɔɔk rac, atïptïïp ee göök gɛ̈iyë looi, ku lekï biic lek të nu meliik ke piny nɔm ëbɛ̈n, lek ke kut nïïm në këde tɔŋ, tɔŋ de kööldïït ë Nhialic Awärjäŋ.

Nyuuth 16:16

Go ke kut nïïm të cɔl Armagedon në thoŋ ë Ɣeberuu.

Nyuuth 18:9

Ku meliik ke piny nɔm, meliik wään ee lɔ në yen, ku cïk kuɛth ë këmit në yen ëtök, abïk en dhiëëu, ku biëkkï keyöth, të woi kek tol nyop en,

Nyuuth 19:21

Ku nɛ̈k kɔc wën cï döŋ në abätäu de raan rɛ̈ɛ̈r ë jöŋgör kɔ̈u, abätäu bɔ̈ bei ë yethok: go diɛt kuɛth ëbɛ̈n ë rïŋken.