Nyuuth 19:18 - JAM DE NHIALIC 2011

¹⁸ bäk rïŋ ke meliik bɛ̈n cuet, ku cuɛtkï rïŋ ke bäny ke rɛm, ku rïŋ ke jööt ril, ku rïŋ ke joŋgöör ku kɔc rɛ̈ɛ̈r ë kekɔ̈ɔ̈th, ku rïŋ ke kɔc kedhie, kɔc lääu nïïm ku lïïm, ayï kɔc kor ayï röördït.

Nyuuth 19:18 Iomraidhean Croise

Jeremia 16:4

Abïk thou në jɔɔk tuc thook, ku acïn raan bï keek dhiëëu ku cïn raan tɔ̈ɔ̈u keek. Gupken abïk dhɔt piny cï tiɔɔm awäi cï kut nɔm piny. Abïï keek nɔ̈k ë abätäu ku thoukï në cɔk, ku gupken abïk aa këcam de diɛt ku läi roor.

Jeremia 19:7

Yɛn bï kiɛɛr de kɔc ke Juda ku kɔc ke Jeruthalem tɔ cïn naamden eetënë. Yɛn bï kɔc ater tɔ tiam keek ku näk keek ë tɔŋic. Yɛn bï gupken gäm diɛt ku läi roor bïk cam.

Jeremia 34:20

abä ke tääu në kɔc ke aterden cin, ku gäm keek kɔc kɔɔr bïk keek nɔ̈k. Ku gupkɛn cï thou abïk aa këcam de diɛt nhial ku läi roor.

Jeremia 7:33

Ku gup ke kɔc cï thou abïk aa këcam de diɛt ku läi roor, ku acïn raan bï keek tuur.

Edhekiɛl 29:5

Yïn bä cuat wei në jɔ̈ɔ̈ric wekë rec cï röt pat ë yïguöp ëbɛ̈n. Guöpdu abïï dhɔt piny ke cïn raan tɔ̈ɔ̈u en. Abä tɔ cuet ë läi roor ku ŋueet diɛt ke ye këcamden.

Edhekiɛl 39:17

Bɛ̈nydït Awärjäŋ acï yɛn an, “Mɛnh ë raan, cɔl diɛt kedhie ku läi bïk bɛ̈n në ɣään kedhie, bïk miɔ̈c näk cä guiëër keek bɛ̈n cam. Abï aa dhuëëŋ dït agök në kur ke Yithriɛl nïïm, të bïï kek rïŋ cuet ku dekkï riɛm.

Math 24:28

Të nu kë cï thou, yen ee të bï cuɔɔr guiëër thïn.

Luk 17:37

Gokï bɛ̈ɛ̈r an, “Ee tënou, Bɛ̈nydït?” Go ke yɔ̈ɔ̈k an, “Të nu kë cï thou, yen aye të bï cuɔɔr guɛɛr thïn.”

Nyöŋ 28:26

Të la wek thou, diɛt ku läi roor abïk bɛ̈n bïk rïŋkun bɛ̈n cuet, ku abï ciën raan ee keek tuur ëtɛ̈ɛ̈n.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”

Nyuuth 13:16

Ku tɔ kɔc gäär gup kedhie, kɔc kor ku röördït, kɔc cï bäny ku kɔc kuanynyïïn, kɔc lääu nïïm ku lïïm, nɔn gɛ̈ɛ̈rë cin cuëëcken ku nɔn gɛ̈ɛ̈rë kenyïïn tueŋ,

Nyuuth 17:16

Ku tuŋ kathiëër wën cï tïŋ ë lɛ̈n rac nɔm, kek abïk akɔɔrröör maan guöp, ku tɔkï kuany nyin, ku cïn kɔ̈u lupɔ, ku abïk rïïŋde cuet, ku nyopkï ë mac.

Nyuuth 19:5

Ku bɔ̈ röl ë raan bei ë thöönydïtic, lueel, an, “Lɛckï Nhialicda, wek lïïmke kedhie, wek kɔc ee ye riëëu, kɔc kor ayï röördït!”

Nyuuth 6:15

Go meliik ke piny nɔm, ku bänydït, ku kɔc juëcëkäŋ, ku bänydït ke rem, ku kɔc ril, ku lïm ëbɛ̈n ayï raan lääunɔm ëbɛ̈n, agokï thiaan ë kɔ̈k yiic ku kur ke kuurdït yiic.

1 Tham 17:44

Ku lëk Debid an, “Bäär eenë, ke guöpdu bä bɛ̈n gäm diɛt ku läi ënɔɔnthiinë bïk cuet.”

1 Tham 17:46

Bɛ̈nydït abï yï gäm ɛn ee köölë, yïn bä nɔ̈k ku tɛ̈ɛ̈m yïnɔm bei. Ku gup ke rem de tɔŋ ë Pilithiin abä ke tɔ ciɛm ë diɛt ee köölë ayï läi roor. Yen abï piny nɔm e jɔ ŋic nɔn de Yithriɛl nɔm Nhialic.