Nyuuth 19:14 - JAM DE NHIALIC 2011

¹⁴ Ku kuany cök ë rɛm ke tɔŋ, rɛm nu paannhial ke ke cath ë jöŋgöör akuur kɔ̈ɔ̈th, ku ceŋkï lupɔ piɛth lɔ mot ɣer ëpak ku le riauriau.

Nyuuth 19:14 Iomraidhean Croise

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Kɛ̈ŋ 31:22

Ee biökke thieth ku cieŋ lupɔ piɛth lɔ mot ku lupɔɔ thiith amujuŋ.

Yith 3:23

ku aluluutkɛn lɔ bilbil ku lupɔɔ ke linɔn thii ye kek kenyïïn weec, ku lupɔɔ thii lɛ̈k yek dɛɛr në kenïïm, ku ke yiëth, ku lupɔ kɔ̈k lɔ lëëulëëu bär ee ke gël nyïïn tueŋ ku kenïïm.

Dhek 14:5

Ku wek bï ban ee wakë yic, wak cï kuur tekic ë rou, wek bï kat ë kat ë kuarkun, ɣɔn cïï piny rɔt nieeŋ në run ke melik Yudhia ë Juda. Bɛ̈nydït Nhialicdï abï bɛ̈n, abï bɛ̈n kekë tuucnhialkɛn ɣeriic kedhie.

Math 21:5

“Yɔ̈ɔ̈kkï nyan de Dhiɔn an, “Tïŋ, melikdu abɔ̈ të nu yïn! Ë rɔt kuɔɔr piny, ku acath ë mul kɔ̈u, ku ciɛth ë dau kɔ̈u dan ë mul.”

Math 26:53

Ë ye lueel ë yïpiɔ̈u nɔn cän Wäär duëër lëu ë lɔ̈ŋ ënɔɔnë, ku bï ɛn gäm rɛm ke tuucnhial wär thiëër ku rou?

Math 28:3

Acït nyin wilëdeŋ, ku lupɔde aɣer ë wic cït alath,

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 14:1

Na wën, ke ya jɔt anyin, ku jɔ Nyɔŋamääl tuöl ke kääc ë kuurdït Dhiɔn nɔm, ku kääc kɔc në yen ëtök agum kabɔt ku thiërŋuan ku ŋuan, ke ke cath në rinke, ku rin ke Wun, ke ke cï gɔ̈ɔ̈r ë kenyïïn tueŋ.

Nyuuth 14:20

Go kën ee mɔ̈u dhiim thïn duöm piny ë jöŋgöör ë pänydït këc biic, ku jɔ riɛm bɛ̈n bei ë kën ee mɔ̈u dhiim thïn yic, abï pëk ë joth ee jöŋgöör mac thook, thiëëŋ piny abï ɣet nhial në meel bot kaarou ku thuthde aaye akeem kadhïc.

Nyuuth 17:14

Ku abïk tɔŋ yiɛ̈n Nyɔŋamääl, ku abï Nyɔŋamääl ke tiaam, luɔi ee yen Bɛ̈nydït ë bäny nïïm, ku ye melik ë meliik nïïm, ku kɔc cath në yen acï ke cɔɔl, ku cïke lɔc, ku yek adööt.”

Nyuuth 19:11

Na wën, ke ya tïŋ paannhial aɣɔ̈ɔ̈r, na wën, ke jöŋgör akuur tul, ku raan rɛ̈ɛ̈r ë yekɔ̈u, acɔl Adöt ku cɔl Yic, ku ee piathëpiɔ̈u yen aye löŋ guiir ku yen aye tɔŋ lɛɛr.

Nyuuth 19:8

Ku acï gäm piöth bï en rɔt piɔ̈th ë lupɔ piɛth lɔ mot, lupɔ ɣer ëpak ku le riauriau.” (Lupɔ piɛth lɔ mot en aye luɔi piɛth ee kɔc ɣerpiɔ̈ɔ̈th looi.)

Nyuuth 3:4

Ku yïn de kɔc töktöök Thardith, kɔc kën lupɔɔken tɔ col: ku kɔckë abïk aa cath në yɛn ëtök ke ke ceŋ lupɔ ɣer: luɔi piɛth kek.

Nyuuth 4:4

Ku ade thöny kɔ̈k kathiërrou ku ŋuan ke ke cï thööny gɛɛu cil: ku yɛn ë röördït tïŋ kathiërrou ku ŋuan ke ke rɛ̈ɛ̈r, aceŋkï lupɔɔ ɣer: ku ceŋkï gööl ke dhuëëŋ ë kenïïm gööl ke adhääp.

Nyuuth 7:9

Na wën, aacï kakë thök, ke ya jɔt anyin, ku ja kut dïït ë kɔc tïŋ, ku cïn raan duëër e lëu ë kuɛ̈n, kɔc ë bɔ̈ bei ë juööriic ëbɛ̈n, ku dhiëën yiic ëbɛ̈n, ku thäi yiic ëbɛ̈n, ku liëp yiic ëbɛ̈n, ke ke kääc ë thöönydït nɔm ku Nyɔŋamääl nɔm, ke ke ceŋ lupɔɔ ɣer, ku mukkï yïth ke akööt ë kecin.