Nyuuth 19:1 - JAM DE NHIALIC 2011

¹ Na wën, aacï kakë thök, ke ya piŋ röl dïït ë kut dïït ë kɔc paannhial, ke luelkï an, “Aleluya! Kunydewëi, ku dhuëëŋ, ku riëëu, ku riɛldït, ayek kake Bɛ̈nydït Nhialicda!

Nyuuth 19:1 Iomraidhean Croise

1 Lëk 29:11

Bɛ̈nydït, Yïn dït, ku yïn ril, ku yïn de dhuëëŋ, ku yïn de tiëm, ku yïn de diɛk. Në biäk ye ka tɔ̈u paannhial kedhie ku ka tɔ̈u piny kedhie kaku, ku ciɛɛŋ ee këdu Bɛ̈nydït, ku Yïn tɔ̈u nhial në käŋ nïïm kedhie.

Diɛt 104:35

Në kɔc ee kërac looi riɔ̈ɔ̈r nyïïn ë pinynɔm, kɔc rac acïkï bï bɛ nu. Wek wëikï, thiɛikï Bɛ̈nydït! Lɛckï Bɛ̈nydït!

Diɛt 106:1

Lɛckï Bɛ̈nydït! Gämkï Bɛ̈nydït lɛc, në biäk de piathde, nhiëërdɛn agɔk atɔ̈u athɛɛr.

Diɛt 111:1

Pianykï Bɛ̈nydï! Yɛn bï Bɛ̈nydït leec në piɔ̈ndï ëbɛ̈n në akutnɔm ë kɔc lɔ piɔ̈ɔ̈th wai nïïm.

Diɛt 115:18

Ku wook, wok kɔc pïïr, abuk dhil gäm lɛc, ënɔɔnë aɣet athɛɛr. Thiɛikï Bɛ̈nydït!

Diɛt 146:1

Lɛckï Bɛ̈nydït! Wëikï, pianykï Bɛ̈nydït!

Diɛt 148:1

Lɛckï Bɛ̈nydït! Pianykï Bɛ̈nydït paannhial! Wek kɔc ceŋ tënhial ya.

Diɛt 149:1

Lɛckï Bɛ̈nydït! Kɛ̈të Bɛ̈nydït din ë piɛcë cak, pianykï në amatnɔm de kɔckɛn adööt yiic!

Diɛt 150:1

Lɛckï Bɛ̈nydït! Lɛckï Nhialic tëdɛn ɣeric! Lɛckï riɛlde në gëlgël ë paannhialic!

Diɛt 3:8

Tiëm ee bɛ̈n tëde Bɛ̈nydït, Bɛ̈nydït abï kɔcke thieei.

Diɛt 62:11

Acä piŋ ke lueel ë Nhialic nɔn ye riɛl këde Nhialic Yetök,

Jeremia 51:48

Ku këriëëc nu tënhial kekë piny ë bɛ̈n, abïk aa cööt në miɛtëpiɔ̈u, kööl bïï Babilonia lööny në kɔc bɔ̈ të lɔ rut cin, bïk bɛ̈n riɔ̈ɔ̈k.

Jona 2:9

Ku yɛn bï kit lëk Yïn thieithieei, Yïn bä gäm miɔ̈c ye nɔ̈k ku luɔi kë cän gutguut lueel. Kony de wëi ee këde Bɛ̈nydït.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 12:10

Guɔ röl dït piŋ, röl jam paannhial, lueel, an, “Kunydewëi ë bɛ̈n ënɔɔnë, ku bɔ̈ riɛldït, ku ciɛɛŋ de Nhialic, ku riɛl ë Kërthode, në cuɛt wën cï raan ë mïthëkɔckuɔ gaany cuat piny raan ë keek gaany ë Nhialicda nɔm aköl ku wakɔ̈u.

Nyuuth 19:6

Guɔ röl piŋ röl cït röl ë kut dïït ë kɔc, ku cït awuööu de piëëu, ku cït röl dïït ë deŋ të mɛ̈ɛ̈r en arëët, ke luelkï, an, “Aleluya! Bɛ̈nydït Nhialicda Awärjäŋ, ee Melik!