Nyuuth 18:19 - JAM DE NHIALIC 2011

¹⁹ Agokï abuui dɛɛny ë kenïïm, kiiukï, ku dhiaukï, ku biëkkï keyöth, luelkï, an, “Amawoou! Madinoou, gök de pänydït oou! Pänydïït cï kɔc tɔ kueth ë wëu thïn kedhie, kɔc de abëëlkɛn ee cath ë wɛ̈ɛ̈ric, në juëc juëc ë wëuke! Ee thaar tök tei en aa tɔ ye kuany nyin oou!”

Nyuuth 18:19 Iomraidhean Croise

2 Tham 13:19

Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

Neɣe 9:1

Në kööl ye pɛɛi thok thiërrou ku ŋuan yen ë pɛɛi manë, go kɔc ke Yithriɛl kenïïm mat ku reeckï cäm, nyooth kek dhiën ë piɔ̈u de awɛ̈ɛ̈ckɛn yek looi.

Jop 2:12

Ku të wën jɔ kek e tïŋ tëmec akënkï bɛ̈n ŋic, gokï ke röt jɔt ke ke dhiau, ku retkï lupɔɔ në kekɔ̈ɔ̈th ku yek abuui wɛɛr nhial në jiɛth ë piɔ̈u.

Yith 13:19

Babilonia yen aye ciɛɛŋ dik në wuötiic ëbɛ̈n, yen ee kë ye kɔcke röt lɛɛc. Ku Yɛn Bɛ̈nydït, Yɛn bï Babilon pɔ̈k piny cït man ë kë cä luöi Thɔdom ku Gomoora!

Dhiëëu 2:10

Röördït ke nyan de Dhiɔn ayek nyuc piny ke ke mim thook. Ku tɔ̈u abuui në kenïïm, ku ceŋkï lupɔɔ ke cual ë kekɔ̈ɔ̈th. Ku dhueec ke Jeruthalem ayek kenyïïn kuöm piny në ayäär.

Edhekiɛl 27:30

Adhiëëukï yïn kedhie në jiɛthëpiɔ̈u, ayek kenïïm wäl abuui ku dɛɛlkï röt në ŋethic.

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

Nyuuth 17:16

Ku tuŋ kathiëër wën cï tïŋ ë lɛ̈n rac nɔm, kek abïk akɔɔrröör maan guöp, ku tɔkï kuany nyin, ku cïn kɔ̈u lupɔ, ku abïk rïïŋde cuet, ku nyopkï ë mac.

Nyuuth 18:10

ke ke kääc tëmec në riɔ̈ɔ̈c cï kek riɔ̈ɔ̈c ë lɛ̈ŋ cï e leeŋ wëi, ku luelkï, an, “Amawoou! Madinoou! Gök de pänydït Babilon, pänydïït ril! Ee thaar tök en aa yök yïn këduön tuc!”

Nyuuth 18:3

Ë luɔi cï juöör ëbɛ̈n dek në mɔ̈ndɛn ë agɔ̈th, agönh ë bïïyë bɛɛlde, ku meliik ke piny nɔm aake ye lɔ në yen, ku ajalɛɛp ke piny nɔm aake cï kuɛth ë wëu në juëc de kakɛn mit ee kɔɔr.”

Nyuuth 18:8

Yen abï ka bï e riɔ̈ɔ̈k bɛ̈n ëkööl tök, thuɔɔu, ku dhiëëu, ku cɔŋdït. Ku abï lɔ kuith piny ë mac, luɔi rilë Bɛ̈nydït Nhialic Raan guiir löŋde.”

1 Tham 4:12

Ku në ee kööl manë, raan dhiën ë Benjamin ëbɛ̈n kat tɔŋ ke lɔ Cilo, ku aacï lupɔɔke rɛtiic në dhiëëu ku yïk yenɔm abuui.